१ योहान्‍ना 2:23 - ॱलोवा

²³ सेला खेमेलेन्‍गीन सुलाः याप मेतालाक। धेनी सेला खेलेन्‍गीनला यापगोवाः हो़तालाक।

१ योहान्‍ना 2:23 Iomraidhean Croise

मेथा 11:27

“ङी यापगी ङाला घीरी ॱनाङा हो़तालाक। यापगी माना सेला सी़या ङो ॱमेस्‍येलालाक धेनी से धाङ सेगी यापला तो़न्‍ये दो़पा हो़गीन मीक्‍याई माना, खोङला सी़या ङो ॱमेस्‍येलालाक।

लुका 10:22

“ङी यापगी ङाला घीरी ॱनाङा जे हो़तालाक। यापगी माना सेला सी़या ॱमेस्‍येलालाक। याङ से धाङ सेगी तो़न्‍ये दो़पा जेगीन मीक्‍या माना, याप सु हीन्‍गीनगो सुला स्‍येये मेतालाक।”

योहान्‍ना 10:30

ङा धाङ याप नी च्‍यीक हीन।”

योहान्‍ना 16:3

खुङक्‍याई यापला ङो ॱमेस्‍ये धेनी ङालाः ङो ॱमेस्‍येगीन झ्‍येरी, देरे लेगाक्‍या झ्‍यीगीलाक।

योहान्‍ना 17:3

धा थामेपे छेसोक ॱनाना, खेराङ को़न्‍क्षोक धेन्‍पाला ङोस्‍येये धाङ खेराङगी ॱङाक्‍पे, येशु मास्‍यीकाला ङो स्‍येयेगो लाक।

योहान्‍ना 8:19

धेनी खुङक्‍याई खोङबाला “ख्‍यी़ याप घारु हो़ताले?” ॱनेरी ढीवालाक। येशुगी सुङा जेपालाक, “खेक्‍याई ङाला ङो ॱमेस्‍ये धेनी ङी यापला ङो ॱमेस्‍येलालाक। खेक्‍याई ङाला ङोस्‍ये हो़ना, ङी यापलाः ङो स्‍येयेहो़क।”

१ योहान्‍ना 2:22

धा शोक्‍पोगो सुले? शोक्‍पो नी, येशुराङ मास्‍यीका लाक ॱनेरी, खेमेलेन्‍गीनक्‍या लाक। देरे मी नी याप धाङ सेला खेमेलेन्‍गीन, मास्‍यीकागी डागो लाक।

१ योहान्‍ना 4:15

येशुला को़न्‍क्षोकगी से लाक ॱनेरी, सी़ खेलेन झ्‍यीना, को़न्‍क्षोक खी़ नाङ श्‍युक्‍वालाक धेनी खो को़न्‍क्षोकगी नाङ ॱनेगीलाक।

१ योहान्‍ना 4:2

येशु मास्‍यीका कुली़ला फेप्‍पालाक ॱनेरी, खेलेन झ्‍यीगीन सेम्‍ङी घीरी को़न्‍क्षोकने लाक। दी गोने को़न्‍क्षोकगी थुक्‍ङी खेक्‍याई ङो स्‍येलालाक।

१ योहान्‍ना 5:1

येशु नी मास्‍यीका लाक ॱनेरी, धेपा झ्‍यीगीन घीरी को़न्‍क्षोकने केवालाक धेनी यापला चेवा झ्‍यीगीन घीरीगी, खोङने केक्‍या टुवाक्‍यालाः चेवा झ्‍यीदालाक।

१ योहान्‍ना 5:20

को़न्‍क्षोकगी से फेप्‍पालाक धेनी को़न्‍क्षोक धेन्‍पा हीन्‍गीनगोला ङो स्‍येयेगी क्षीदु खोङगी होराङला स्‍येयो़न ॱनाङगीनगो, होराङला स्‍येये हो़तालाक। धेनी खोङगी से येशु मास्‍यीकागी थोक्‍ने, होराङ खोङ धेन्‍पागी नाङ ॱनेलालाक। खोङराङ को़न्‍क्षोक धेन्‍पा धाङ थामेपे छेसोकगो लाक।