१ योहान्‍ना 2:22 - ॱलोवा

²² धा शोक्‍पोगो सुले? शोक्‍पो नी, येशुराङ मास्‍यीका लाक ॱनेरी, खेमेलेन्‍गीनक्‍या लाक। देरे मी नी याप धाङ सेला खेमेलेन्‍गीन, मास्‍यीकागी डागो लाक।

१ योहान्‍ना 2:22 Iomraidhean Croise

मेथा 24:24

घीझ्‍येरी ॱनाना मास्‍यीका शोक्‍पोक्‍या धाङ ॱङो़नस्‍येखेन शोक्‍पोक्‍या माङा थो़न्‍गीलाक धेनी खुङक्‍याई ॱमीच्‍यीकी ॱहालेगीन ताकक्‍या धाङ लेगाक्‍या तो़न्‍दी गोकोर ताङगीलाक धेनी झ्‍युङना दाम्‍दाक्‍याला गो कोरकीलाक।

मेथा 24:5

घीझ्‍येरी ॱनाना ‘ङा मास्‍यीका हीन’ ॱनेरी, ङी मीङगी थोक्‍ने मी माङा हुङगीलाक धेनी मी माङक्षेला खुङक्‍याई गो कोरकीलाक।

योहान्‍ना 8:44

खेक्‍या खेरी याप धी़कगी लाक धेनी खीकी यापगी दो़पा झ्‍यीयेला खेक्‍या दो़दालाक। धी़क नी, थोक्‍मानेराङ ॱरोक चेगीन धाङ धेन्‍पाला ढेवा घीया मेतालाक घीझ्‍येरी ॱनाना खी़ नाङ धेन्‍पा मेतालाक। धेनी खो शोक स्‍येगीन धाङ शोकगी याप झ्‍येरी, खी़ शोक स्‍येदी घाङला राङगी स्‍यीकाला तेन्‍दी स्‍येदालाक।

१ योहान्‍ना 1:6

धा होरी थी़न्‍डीलगो को़न्‍क्षोकमुला हो़क ॱने, हीना मी़नाकला ग्‍युक्‍ना, होराङक्‍या शोक स्‍येदालाक धेनी धेन्‍पागो ॱमीचीलालाक।

१ योहान्‍ना 2:18

चेवे टुवाक्‍याओ, धान्‍दा धी़गी थामागो लाक। मास्‍यीकागी डागो हुङी ॱनेरी, खीकी ॱहाघोर ङ्युङ हो़तालाक धेनी धान्‍दा, मास्‍यीकागी डा माङा होसा हो़तालाक। होझ्‍येरी धी़गी थामागो ॱलेप्‍दुक ॱनेरी, होरी ॱहाघोरालाक।

१ योहान्‍ना 2:23

सेला खेमेलेन्‍गीन सुलाः याप मेतालाक। धेनी सेला खेलेन्‍गीनला यापगोवाः हो़तालाक।

१ योहान्‍ना 2:4

“ङा खोङबाला ङो स्‍येलीहो़क” ॱनेरी ॱनाये हीना खोङबागी काठीमक्‍या ॱमीरुङना, खो शोक्‍पो लाक धेनी खी़ नाङला धेन्‍पा मेयोङालाक।

१ योहान्‍ना 4:20

मी च्‍यीकगी “ङा को़न्‍क्षोकला चेवा झ्‍यीदीहो़क।” ॱनेरी ॱने, हीना राङगी पी़नला दाङा झ्‍यीना, खो शोक्‍पो लाक घीझ्‍येरी ॱनाना राङगी ॱमीकगी थोङगीन राङगी पी़नला झाम्‍पा मीझ्‍यीगीनगी, ॱमीकगी थोङ माङ्युङगीन को़न्‍क्षोकला चेवा झ्‍यी ॱमीथुक्‍कीलाक।

१ योहान्‍ना 4:3

हीना येशुला खेलेन मीझ्‍यीगीन सेम्‍ङी घीरी, को़न्‍क्षोकने मालाक। दे नी मास्‍यीकागी डा हीन्‍गीनगी सेम्‍ङी लाक। सेम्‍ङी दे हुङगीलाक ॱनेरी, खेक्‍याई घोरङ्युङ हो़तालाक धेनी धान्‍दा होदे जीक्‍तेनदु होसादुक।

१ योहान्‍ना 5:1

येशु नी मास्‍यीका लाक ॱनेरी, धेपा झ्‍यीगीन घीरी को़न्‍क्षोकने केवालाक धेनी यापला चेवा झ्‍यीगीन घीरीगी, खोङने केक्‍या टुवाक्‍यालाः चेवा झ्‍यीदालाक।

२ योहान्‍ना 1:7

घीझ्‍येरी ॱनाना येशु मास्‍यीका नी, कुली़ला फेप्‍कीनगो खेलेन मीझ्‍यीगीन, गोकोर ताङगीन माङा जीक्‍तेनदु थो़न्‍सादुक। देरे मी नी, गोकोर ताङगीन धाङ मास्‍यीकागी डा लाक।

युदा 1:4

घीझ्‍येरी ॱनाना एम्‍माने ॱहाला ङेपा फोक्‍येला, थाक्‍चो़चा मी रीङगा, खेक्‍याई खोक्‍दु साङवाने जुदुक। खुङक्‍या को़न्‍क्षोकला ॱमीचीगीन मी लाक। खुङक्‍याई होरी, को़न्‍क्षोकगी थुक्‍जेला ॱयो़री दो़छाकला ग्‍युरदुक धेनी होरी दाक्‍पो धाङ चोवो च्‍यीगारा हीन्‍गीन, मास्‍यीका येशुला खेलेन मीझ्‍यीदालाक।

ॱङो़न्‍पा 3:9

“तो़दाङ धी़ सातानगी छोक्‍खाङगी हीन्‍गीन धेनी राङला याहुदापा मेन्‍दा हीन ॱनेरी ॱनागीन, शोक्‍पोक्‍याला ङा खेक्‍याचारु हुङदु च्‍युक्‍ती, खीकी काङबी दोङदु क्षाक छारु च्‍युक्‍येहीन। धेनी ङी खेक्‍याला चेवा झ्‍यीगीनगो खुङक्‍याई ॱहाघोरकीलाक।