१ योहान्‍ना 2:2 - ॱलोवा

² खोङ नी होरी धीक्‍पाक्‍या सेल्‍येगी क्षीदु, धीकस्‍याकगी ॱमारछो़गो लाक धेनी होरी क्षीदु च्‍यीगा मेन्‍दा, जीक्‍तेन हो़लेगी धीक्‍पाक्‍याई क्षीदु लाक।

१ योहान्‍ना 2:2 Iomraidhean Croise

लुका 14:22

धेनी ॱयोक्‍पोगी़ ॱनेवालाक, ‘खेराङगी का ॱनाङगीन च्‍योक्‍रे झ्‍युजुङ हीना धोराङा साज्‍या माङा स्‍योङये दुक।’

योहान्‍ना 1:29

धेनी ङीमा स्‍याम्‍मागो योहान्‍नागी, येशुला राङ स्‍योकला फेप्‍कीनगो ज्‍यारी ॱनेवालाक, “तो़दाङ, जीक्‍तेनगी धीक्‍पा ॱनुम्‍गीन, को़न्‍क्षोकगी लुक्‍टुगो फेप्‍दुक!

योहान्‍ना 12:32

धेनी ङा साश्‍यीने याला फायी घाङला, ङी घीरीला राङगी डुङदु धी़येहीन।”

योहान्‍ना 4:42

धेनी खुङक्‍याई होदे केमीगोला ॱनेवालाक, “धा ख्‍यी़ ॱनागीनगोला मेन्‍दा, हीकी राङगी घोरती धेपा झ्‍यीदाहीन। धेनी ॱङोन्‍नेराङ खोङबा जीक्‍तेनगी क्‍याम्‍गो़नगो लाक ॱनेरी हेक्‍याई स्‍येजुङ।”

ईब्‍रीपा 2:17

होझ्‍येरी मीक्‍याई धीक्‍पागी धीकस्‍याक पुयेला, खोङबा को़न्‍क्षोकगी श्‍याप्‍ची श्‍युगीन ॱङीङजेचेन धाङ ॱलोते छोक्‍पा क्षो़पो़न क्षे झ्‍युङयेगी क्षीदु, खोङ येशु नी, छोक घीरीने राङगी पी़नक्‍या च्‍योक्‍रे ग्‍युर घो़वालाक।

१ पेटो 2:24

होराङ धीक्‍पाला छोवा क्‍यायेगो भोरती, ढाङतेनगी दो़नला छोवा क्‍याये क्षीदु, खोङबागी राङगी कुली़ला होरी धीक्‍पाक्‍या ग्‍याङस्‍यीङ खाला खुरा जेपालाक। खोङगी ॱमाक्‍याई थोक्‍ने खेक्‍याला ढाक्‍सो़ थोप्‍पालाक।

१ पेटो 3:18

घीझ्‍येरी ॱनाना होराङला को़न्‍क्षोक डुङदु ठीक्‍येगी क्षीला, मास्‍यीकाः होरी धीक्‍पाक्‍याई क्षीदु ढोवालाक। ढाङतेनगो मेढाङागी क्षीदु ढोङपालाक। खोङबा ली़ला सेपालाक हीना थुक्‍ङीगी थोक्‍ने खोङ कुसो़न्‍पो जेपालाक।

१ योहान्‍ना 1:7

हीना खोङबा हो़क नाङला हो़गीन च्‍योक्‍रे होराङक्‍या हो़क नाङला ग्‍युक्‍ना, होराङक्‍या च्‍यीकगी च्‍यीक नाङदु थी़न्‍डील झ्‍युङालाक धेनी खोङबागी से येशुगी कुठाकगी होराङक्‍याला, धीक्‍पा घीरीने चाङमा जेदालाक।

१ योहान्‍ना 3:5

हीना होरी धीक्‍पाक्‍या सेयेगी क्षीला, खोङबा ॱङो़न जेपालाक ॱनेरी, खेक्‍या स्‍येलालाक। धेनी खोङबागी नाङ धीक्‍पा मेतालाक।

१ योहान्‍ना 4:10

झाम्‍पा नी देराङ लाक, होराङक्‍याई को़न्‍क्षोकला झाम्‍पा माझ्‍येवा, को़न्‍क्षोकगी होराङला झाम्‍पा जेदी, राङगी से होरी धीक्‍पा सेल्‍येगी क्षीदु धीकस्‍याकगी ॱमारछो़ झ्‍युङयेला ॱङाक्‍पालाक।

१ योहान्‍ना 4:14

धेनी यापगी राङगी से जीक्‍तेनगी क्‍याम्‍गो़न झ्‍युङयेगी क्षीदु ॱङाक्‍कीनगो, हीकी थोवालाक धेनी पाङपो झ्‍यीदाहीन।

१ योहान्‍ना 5:19

होराङ को़न्‍क्षोकने लाक धेनी जीक्‍तेन घीरी धी़गी वाङ होकला हो़तालाक ॱनेरी, होराङ स्‍येलालाक।

ॱङो़न्‍पा 12:9

होदे डुक क्षेगो माला ॱयुक्‍पालाक। दे नी, जीक्‍तेनगी मी घीरीला ॱली़गीन धी़ याङना सातान ॱनेरी, ॱनागीन एम्‍मा-एम्‍मागी डुगो लाक। होदेला साश्‍यीदु ॱयुक्‍पालाक धेनी होदेमुला खी़ भाङछेनक्‍याः ॱयुक्‍पालाक।