१ योहान्‍ना 2:17 - ॱलोवा

¹⁷ दे जीक्‍तेन धाङ दी दो़क्षाकक्‍या येरी डोवालाक हीना को़न्‍क्षोकगी थुकोङ डुप्‍कीनक्‍या ग्‍युने ग्‍युन्‍दु ॱनेलालाक।

१ योहान्‍ना 2:17 Iomraidhean Croise

मेथा 21:31

धा दे ॱङीउने आकी खाला सी़ ङेन्‍जो?” खुङक्‍याई ॱनेवालाक, “भीजा क्षेगी़।” येशुगी खुङक्‍याला सुवालाक, “ङा खेक्‍याला धेन्‍पाराङ ॱनाहीन, ठा धुगीनक्‍या धाङ श्‍याङचोङमाक्‍या, खेक्‍याने एन्‍ला को़न्‍क्षोकगी ग्‍यासीदु डुगीलाक।

मेथा 24:35

ॱनाम-सा ॱङी येरी डुगीलाक हीना ङी काक्‍या येगीमालाक।

मेथा 7:21

“ङाला ‘चोवो चोवो’ ॱनेरी भो़गीन घीरी, नाम्‍खागी ग्‍यासीला ॱमीछी़गीलाक हीना नाम्‍खे श्‍यीङखामदु श्‍युक्‍कीन, ङी यापगी थुकोङ डुप्‍कीनगो च्‍यीगा, दे नाङदु छी़गीलाक।

मारकु 3:35

को़न्‍क्षोकगी थुकोङ डुप्‍तु च्‍युक्‍कीनक्‍याराङ, ङी नो-नुमो धाङ आमा हीन।”

योहान्‍ना 4:14

हीना ङी तेरकीन क्षुने थुङगीनक्‍या, नामा धाब्‍ले कोम्‍गी मालाक। ङी तेरकीन क्षु दे, खोला थामेपे छेसोक तेरयेला क्षु थो़न्‍गीन क्षुमीक च्‍यीकला ग्‍युरकीलाक।”

योहान्‍ना 6:58

नाम्‍खे श्‍यीङखामने भाप्‍पा ग्‍याङगा दे, खीकी धाङबी फामाक्‍याई शेरीया स्‍यीरी डुगीनगो च्‍योक्‍रे मालाक। दे ग्‍याङगा शागीनगो तेन्‍दु सो़न्‍पो ॱनेगीलाक।”

योहान्‍ना 7:17

को़न्‍क्षोकगी थुकोङ डुप्‍तु च्‍युक्‍ङी दो़गीनक्‍याई, दे क्षो़ दे को़न्‍क्षोकने झ्‍युङाले याङना ङी थोक्‍ने ले ॱनेरी स्‍येगीलाक।

रोमापा 12:2

धेनी दे जीक्‍तेनगी लुक्‍सो़ला माडे, हीना को़न्‍क्षोकला ख्‍यो़री सेम्‍बा ग्‍युरा जेदी, ख्‍यो़ला मी साबा च्‍यीक जेदु च्‍युक। धेनी को़न्‍क्षोकगी थुकोङ नी, शाङपो धाङ थुक्‍ङेउ धाङ फी़न्‍सुम छोक्‍पा हीन्‍गीनगो, खेक्‍याई स्‍येगीलाक।

१ कोरीन्‍थुपा 7:31

धेनी जीक्‍तेनगी च्‍यालाकक्‍या लाक्‍लेन ताङगीनक्‍या, होदेला ढेवा घीया मेगीन च्‍योक्‍रे झ्‍यीघो़। घीझ्‍येरी ॱनाना जीक्‍तेनगी धान्‍दागी ॱनाम्‍पा नी मेताला डी़।

कोलोसेपा 1:9

होझ्‍येरी हेक्‍याई खीकी कोरला घोरका ङीमाने, खीकी क्षीला ॱमेक्षेदा ॱमो़लाम ग्‍यावीहो़क। धेनी को़न्‍क्षोकगी खेक्‍याला खोङबाराङगी थुकोङगी, स्‍येराप छाङगो धाङ सेम्‍ङीने थोप्‍कीन स्‍येराप धाङ स्‍येयो़न ॱनाङास्‍योक ॱनेरी, हेक्‍या खोङला श्‍युवाहीन।

कोलोसेपा 4:12

खेक्‍याने च्‍यीक हीन्‍गीन धेनी मास्‍यीका येशुगी श्‍याप्‍ची एपाब्‍रागी, खेक्‍याला छाम्‍डी श्‍यी़क। धेनी खेक्‍या को़न्‍क्षोकगी थुकोङ घीरीला, ॱनाटो ॱङ्येङ्या धाङ छाङवा झ्‍युङवास्‍योक ॱनेरी, खो खीकी क्षीला च्‍योई ची़न्‍डी़ झ्‍येरी ॱमो़लाम ग्‍यावी।

१ थेसालोनीकेपा 4:3

खेक्‍या लोक्‍येमने जेम्‍ये धाङ धाम्‍पाला ग्‍युरकीनगो, को़न्‍क्षोकगी थुकोङ लाक।

१ थेसालोनीकेपा 5:18

ॱनेछु घारे हो़ना थुक्‍चीक्षे श्‍यी़ घीझ्‍येरी ॱनाना खेक्‍याई क्षीला येशु मास्‍यीकागी थोक्‍ने, को़न्‍क्षोकगी थुकोङ देराङ लाक।

ईब्‍रीपा 10:36

खेक्‍याई को़न्‍क्षोकगी थुकोङ डुप्‍ये धाङ खोङगी धाम्‍चा जेजागो थोप्‍येगी क्षीदु शो़पा झ्‍यीघो़।

याकोब 4:14

ॱङेटो घी झ्‍युङगीनगो खेक्‍या ॱमेस्‍येलालाक। खीकी मीछे दे घी लाक से? घीझ्‍येरी ॱनाना खेक्‍या नी धी़ तीते च्‍यीक ॱङो़न्‍दी, येरी डुगीन ॱमुक्‍पा च्‍योक्‍रे लाक।

१ पेटो 1:5

धेनी खीकी धेपागी गोने को़न्‍क्षोकगी नी़थुगी, खेक्‍याला थामे धी़ला ॱङो़न्‍ये हीन्‍गीन थारपागी क्षीदु ॱरुरी श्‍याक हो़तालाक।

१ पेटो 4:2

होझ्‍येरी ली़ नाङदु धेये हीन्‍गीन थुक्‍पे, खेक्‍या मीगी दो़पा मेन्‍दा, को़न्‍क्षोकगी थुकोङला मीछे क्‍यो।