१ योहान्‍ना 2:15 - ॱलोवा

¹⁵ जीक्‍तेनला याङना जीक्‍तेन नाङ हो़गीन घीयाला ॱमाक्षाक। जीक्‍तेन देला क्षाक्‍ना, खी़ नाङ याप को़न्‍क्षोकला चेवा मेयोङालाक।

१ योहान्‍ना 2:15 Iomraidhean Croise

मेथा 4:8

याङदा धी़कगी खोङबाला ॱमीच्‍यीकी री थोवा च्‍यीकला ठीक्‍ती, जाम्‍बुलीङगी ग्‍याखाप घीरी धाङ दी शीजे घीरी तो़न्‍दी,

मेथा 6:24

“मी च्‍यीक दाक्‍पो ॱङीगी ॱयोक ग्‍युक ॱमीथुवालाक घीझ्‍येरी ॱनाना ख्‍यी़ च्‍यीकला दाङा झ्‍यीना, श्‍येम्‍मागोला चेवा झ्‍यीगीलाक। याङ च्‍यीकला ॱलो काना, श्‍येम्‍मागोला थोङछुङ झ्‍यीगीलाक। ख्‍यो़ को़न्‍क्षोक धाङ ॱङु ॱङीगारागी ॱयोक ग्‍युक ॱमीथुक्‍वालाक।

लुका 16:13

“ॱयोक्‍पो च्‍यीकगी दाक्‍पो ॱङीला श्‍याप्‍तोक पु ॱमीथुक्‍वालाक घीझ्‍येरी ॱनाना खी़ याङना च्‍यीकला ॱमेथेदा झ्‍येरी श्‍येम्‍मागोला चेवा झ्‍यीगीलाक। याङना च्‍यीकला चीरी श्‍येम्‍मागोला यामे ताङगीलाक। खेक्‍या को़न्‍क्षोक धाङ ग्‍युनोर ॱङीगारागी श्‍याप्‍तोक पु ॱमीथुक्‍कीलाक।”

योहान्‍ना 15:19

खेक्‍या जीक्‍तेनगी हीन्‍गीनगो हीन्‍ना, जीक्‍तेनगी राङगी हीन्‍गीनगोला झाम्‍पा झ्‍यीयेहो़क हीना खेक्‍या जीक्‍तेनगी मालाक। ङी जीक्‍तेनने खेक्‍याला दाम्‍दा झ्‍येरी जीक्‍तेनगी खेक्‍याला दाङा झ्‍यीदालाक।

रोमापा 12:2

धेनी दे जीक्‍तेनगी लुक्‍सो़ला माडे, हीना को़न्‍क्षोकला ख्‍यो़री सेम्‍बा ग्‍युरा जेदी, ख्‍यो़ला मी साबा च्‍यीक जेदु च्‍युक। धेनी को़न्‍क्षोकगी थुकोङ नी, शाङपो धाङ थुक्‍ङेउ धाङ फी़न्‍सुम छोक्‍पा हीन्‍गीनगो, खेक्‍याई स्‍येगीलाक।

गालातीयापा 1:10

धा ङा मीक्‍याने ङोलेन चालीओ याङमेना को़न्‍क्षोकने चालीओ? याङ ङा मीक्‍याला घारु च्‍युक्‍येगी थापस्‍यी झ्‍यीदे? ङी धान्‍दा थुक्‍पे, मीक्‍याला घारु च्‍युक्‍ये थापस्‍यी झ्‍येहो़ना, ङा मास्‍यीकागी श्‍याप्‍ची हुङये मेक।

एफीसुपा 2:2

होदे घाङला खेक्‍या जीक्‍तेनगी लुक्‍सो़ ङेन्‍पाक्‍या ॱरुरी, बारनाङ खामगी नी़थुक्‍याला वाङ झ्‍यीगीनला चीरी, हुरे मीछे क्‍यालालाक। धेनी सेम्‍ङी देराङ धान्‍दा को़न्‍क्षोकगी काला मेङेन्‍गीन, मीक्‍याई खाला वाङ झ्‍यीदालाक।

१ तीमोथेउ 6:10

घीझ्‍येरी ॱनाना ॱङुला क्षाक्‍कीनगो ङेन्‍पा ॱनाछोक घीरीगी चावा लाक। ॱङुला दो़ङाम झ्‍यीगीन रीङगा, राङगी धेपा पारी राङगी सेम दुङागी काङदुक।

याकोब 1:27

होरी याप को़न्‍क्षोकगी डुङदु चाङमा धाङ क्‍यो़न मेगीन क्षो़ नी, काल्‍ले ठेदी धेता दोजेक्‍या धाङ युक्‍जामाक्‍याला, तादोक झ्‍यीये धाङ राङला जीक्‍तेनगी ॱमेचाङाने ॱरुङये लाक।

याकोब 4:4

खे लोक्‍येम्‍पाक्‍याओ, जीक्‍तेनला क्षाक्‍कीनक्‍या नी को़न्‍क्षोकगी डाला लाङालाक ॱनेरी खेक्‍या ॱमेस्‍येलाले? होझ्‍येरी जीक्‍तेनला क्षाक्‍ङी दो़गीनक्‍याई राङला को़न्‍क्षोकगी डा शोवालाक।

१ योहान्‍ना 3:17

जीक्‍तेन दी ग्‍युनोर हो़गीन मी च्‍यीकगी, राङगी पी़न च्‍यीकला घो़गीनगो थोङाराङ खोला ॱङीङजे ॱमेकेना, को़न्‍क्षोकगी झाम्‍पा खी़ नाङ घाङगी झ्‍येरी ॱने थुक्‍कीले?

१ योहान्‍ना 4:5

खुङक्‍या नी, जीक्‍तेनने लाक, होझ्‍येरी जीक्‍तेनगी राङ लाब ताङालाक धेनी जीक्‍तेनगी खुङक्‍याई लाबला ङेन्‍दालाक।

१ योहान्‍ना 5:10

धेनी को़न्‍क्षोकगी सेला धेपा झ्‍यीगीन घीरीगी, सेम नाङला पाङपो दे हो़तालाक। धेनी को़न्‍क्षोकला धेपा मीझ्‍यीगीनक्‍याई खोङबाला शोक्‍पो शो़ हो़तालाक घीझ्‍येरी ॱनाना को़न्‍क्षोकगी राङगी सेगी कोरला जेगीन पाङपोला, खुङक्‍याई धेपा माझ्‍येवालाक।