१ योहान्‍ना 2:11 - ॱलोवा

¹¹ हीना राङगी पी़नक्‍याला दाङा झ्‍यीगीनगो मी़नाक नाङला ॱनेलालाक धेनी मी़नाक नाङ खोरती धेतालाक। धेनी राङ घारु डुगीनगो ॱमेस्‍येलालाक घीझ्‍येरी ॱनाना मी़नाकगी खोला श्‍यारा शो़ हो़तालाक।

१ योहान्‍ना 2:11 Iomraidhean Croise

योहान्‍ना 12:35

येशुगी खुङक्‍याला सुवालाक, “हो़ दे खेक्‍याई मुला धी़ तुङ-तुङ च्‍यीक ॱनेगीलाक। मी़नाकगी वाङ होकदु ॱमीछी़येला, हो़ हो़ती घाङलाराङ थारा झ्‍यी। मी़नाकगी नाङला डोगीनगी़ घारु डोगीनगो ॱमेस्‍येलालाक।

योहान्‍ना 12:40

“को़न्‍क्षोकगी खुङक्‍याई ॱमीक श्‍यारा जेदी, धेनी खुङक्‍याई सेम ठा जेपालाक। देरे माजे हो़ना, खुङक्‍याई ॱमीकगी थोङये धाङ, खुङक्‍याई सेमगी ॱहाघोरयेहो़क। धेनी ङीचारु लोक्‍येहो़क। धेनी ङी खुङक्‍याला सो़ये हो़क।”

२ कोरीन्‍थुपा 3:14

हीना खुङक्‍याई सेम ग्‍योङा झ्‍युवालाक घीझ्‍येरी ॱनाना धीरीङ ङीमा थुक्‍पे, खुङक्‍या धाम्‍चा ॱङीङबागो ढोक्‍वाराङ, होदे रेगो काप्‍ती धेतालाक। घीझ्‍येरी ॱनाना मास्‍यीकागी थोक्‍ने च्‍यीगा होदे स्‍यु थुक्‍वालाक।

२ कोरीन्‍थुपा 4:4

खुङक्‍याई कोरला स्‍ये घोना, को़न्‍क्षोकगी ॱयीप हीन्‍गीन मास्‍यीकागी, शीजेगी ताम्‍शाङगो खुङक्‍याला थोङदु ॱमीच्‍युक्‍येला, दे जीक्‍तेनगी ल्‍हागी धेपा मीझ्‍यीगीनक्‍याई सेम श्‍याराक्‍या लेमो ॱमेथोङगीन शो़ हो़तालाक।

तीतोस 3:3

थेङ च्‍यीकला होराङक्‍याः ॱलेन्‍पो धाङ खाला मेङेन्‍गीन धाङ गो खोरती धेता धाङ दो़पा धाङ दो़ङेन ॱनाछोकगी वाङदु स्‍योरस्‍या धाङ ॱमीच्‍यीकी ङेन्‍पा धाङ ठादोकगी, खाङखा हो़तालाक। मी घीरीगी होराङला दाङा झ्‍येवालाक धेनी होराङ नाङदु च्‍यीकगी च्‍यीकला दाङा झ्‍येवालाक।

२ पेटो 1:9

हीना दो़न देक्‍या मेगीन मीक्‍या राङगी धीक्‍पा ॱङीङबाक्‍या दाक्‍सासागो ज्‍येदी डुगीन, थाक्‍रीङाला हो़गीनगो ॱमेथोङगीन श्‍यारा च्‍योक्‍रे लाक।

१ योहान्‍ना 1:6

धा होरी थी़न्‍डीलगो को़न्‍क्षोकमुला हो़क ॱने, हीना मी़नाकला ग्‍युक्‍ना, होराङक्‍या शोक स्‍येदालाक धेनी धेन्‍पागो ॱमीचीलालाक।

१ योहान्‍ना 2:10

याङ राङगी पी़नक्‍याला चेवा झ्‍यीगीनगो हो़ नाङला ॱनेलालाक धेनी खी़ नाङला फुदोक स्‍योरतु च्‍युक्‍ये क्‍यो़न घीया मेतालाक।

१ योहान्‍ना 2:9

हो़ नाङदु हो़क ॱनेरी ॱनागीन हीना राङगी पी़नक्‍याला दाङा झ्‍यीगीनगो, धोराङा मी़नाक नाङलाराङ हो़तालाक।

१ योहान्‍ना 3:15

राङगी पी़नक्‍याला दाङा झ्‍यीगीन घीरी, ॱरोक चेगीन लाक धेनी ॱरोक चेगीनक्‍याई नाङ थामेपे छेसोक ॱमेनेलालाक ॱनेरी, खेक्‍या स्‍येलालाक।

१ योहान्‍ना 4:20

मी च्‍यीकगी “ङा को़न्‍क्षोकला चेवा झ्‍यीदीहो़क।” ॱनेरी ॱने, हीना राङगी पी़नला दाङा झ्‍यीना, खो शोक्‍पो लाक घीझ्‍येरी ॱनाना राङगी ॱमीकगी थोङगीन राङगी पी़नला झाम्‍पा मीझ्‍यीगीनगी, ॱमीकगी थोङ माङ्युङगीन को़न्‍क्षोकला चेवा झ्‍यी ॱमीथुक्‍कीलाक।

ॱङो़न्‍पा 3:17

‘ङा क्षुक्‍पु हो़क धेनी ङाला ग्‍युनोर हो़क धेनी ङाला घीया घोये मीदुक।’ ॱनेरी ख्‍यो़ ॱनालाक हीना ख्‍यो़ थापक्‍योवा धाङ दुक फोक्‍पा धाङ उटे धाङ श्‍यारा धाङ ॱमाराङा हो़गीनगो, ख्‍यो़ला स्‍येये मेतालाक।