१ योहान्‍ना 2:1 - ॱलोवा

¹ ङी चेवे टुवाक्‍याओ, खेक्‍याई धीक्‍पा मीझ्‍यीदास्‍योक ॱनेरी, ङा खेक्‍याला दे लाबक्‍या ढीयाहीन। हीना खेक्‍याने च्‍यीकगी धीक्‍पा झ्‍यीना यापगी डुङदु, होरी क्षीला श्‍योवा पुगीन च्‍यीक हो़तालाक। खोङ नी ढाङतेन्‍पा येशु मास्‍यीका लाक।

१ योहान्‍ना 2:1 Iomraidhean Croise

लुका 10:22

“ङी यापगी ङाला घीरी ॱनाङा जे हो़तालाक। यापगी माना सेला सी़या ॱमेस्‍येलालाक। याङ से धाङ सेगी तो़न्‍ये दो़पा जेगीन मीक्‍या माना, याप सु हीन्‍गीनगो सुला स्‍येये मेतालाक।”

योहान्‍ना 13:33

टुवाक्‍याओ, धोराङा धी़ तुङ-तुङ च्‍यीक, ङा खीकीमुला हो़क। खेक्‍याई ङाला चागीलाक हीना ङी एन्‍ला याहुदापा पो़न्‍पोक्‍याला स्‍येगीनगो धान्‍दा ङा खेक्‍याला ॱनाहीन, ‘ङा डोजारु खेक्‍या हुङ ॱमीथुक्‍कीलाक।’

योहान्‍ना 14:16

धेनी ङा यापला श्‍यी़येहीन, धेनी खीकीमुला ग्‍युने ग्‍युन्‍दु ॱनेयेला, खोङबागी खेक्‍याला रोवा जेगीन श्‍येम्‍मा च्‍यीक ॱनाङगीलाक।

योहान्‍ना 14:6

येशुगी खोला सुवालाक, “ङा नी लाम धाङ धेन्‍पा धाङ छे हीन। ङाने माना यापगी डुङदु सुवाः डो ॱमीथुक्‍कीलाक।

योहान्‍ना 21:5

येशुगी खुङक्‍याला सुवालाक, “भीजाक्‍याओ, खेक्‍याला ङ्या रे मेती?” खुङक्‍याई “मेक” ॱनेरी ॱनेवालाक।

योहान्‍ना 5:14

स्‍याम्‍ला येशुगी खोला क्षो़खाङदु थुक्‍ती खोला सुवालाक, “तो़दाङ, ख्‍यो़ ढाक्‍सालाक। होझ्‍येरी स्‍याम्‍ला देने ल्‍हाक दुक्‍ङेल क्षे मेयोङयेला, ख्‍यो़ याङदा धीक्‍पा माझ्‍यी।”

योहान्‍ना 5:36

“हीना ङाला हो़गीन धेन्‍पाङगो योहान्‍नाला क्षे हो़क। घीझ्‍येरी ॱनाना यापगी डुप्‍तु च्‍युक्‍ये क्षाक्‍ले, ङाला ॱनाङगीनक्‍या ङा झ्‍यीदीहो़क धेनी देक्‍यागीराङ यापगी ङाला ॱङाक्‍पालाक ॱनेरी पाङपो झ्‍यीदालाक।

योहान्‍ना 6:27

मेताला डोगीन शामागी क्षीला मेन्‍दा, हीना मी-भुगी ॱनाङगीन थामेपे छेसोक छोगीन शामागी क्षीला काल्‍ले ग्‍योप। घीझ्‍येरी ॱनाना खोङबागी खाला याप को़न्‍क्षोक राङगी ताक जे हो़तालाक।”

योहान्‍ना 8:11

मी़ ॱनेवालाक, “चोवो, सी़या ॱमाचेजुङ।” धेनी येशुगी मोला सुवालाक, “धा हाना ङाः ख्‍यो़ला ठीम ॱमेचे। सोङ धेनी धाब्‍ले धीक्‍पा माझ्‍यी।”]

जेपा 7:52

खेराङक्‍याई धाङबी फामाक्‍याई दुक्‍पु ॱमाताङगीन, ॱङो़नस्‍येखेन च्‍यीया हो़ताले? को़न्‍क्षोकगी मी ढाङपोगो फेप्‍यी हो़तालाक ॱनेरी, लो़न तेरकीन ॱङो़नस्‍येखेनक्‍याला खुङक्‍याई सेजुङ। धेनी खेराङक्‍याई खोङला गो कोरती सेजुङ।

रोमापा 5:10

घीझ्‍येरी ॱनाना होराङ को़न्‍क्षोकगी डा हो़ती घाङला, खोङबागी से ढोङगीनगी थोक्‍ने, खोङबामुला होराङ दुमा जेहो़ना, धा दुमा जेसारती मास्‍यीकागी छेगी थोक्‍ने होराङ ॱयोल्‍ले माङा थारकीलाक।

रोमापा 6:15

धा ॱहाना घी? होराङ क्षो़ठीमगी वाङ होकदु मेन्‍दा हीना थुक्‍जेगी वाङ होकदु हो़क ॱनेरी, होराङ धीक्‍पा झ्‍यीगुलाक से? देरे फुक्‍की मालाक।

रोमापा 8:34

धा ॱहाना होराङला सी़ ठीम्‍चो़ झ्‍यीगीले? सी़या झ्‍यीगीमालाक। घीझ्‍येरी ॱनाना मास्‍यीका येशु नी, होरी क्षीदु ढोङा जेपालाक। धेनी याङ कुसो़न्‍पो श्‍याङा जेपालाक धेनी खोङ को़न्‍क्षोकगी क्षाक ॱयेरु श्‍युक्‍वा जेदी, होरी क्षीदु श्‍योवा पुली हो़तालाक।

१ कोरीन्‍थुपा 15:34

खेक्‍या रीक्‍पा शीम धेनी धा देने ॱहाला, धीक्‍पा माझ्‍यी। खेक्‍याने रीङगागी को़न्‍क्षोकला ङोगोवाः ॱमेस्‍येगीन झ्‍येरी, खेक्‍या ङोछा घोयेदुक ॱनेरी ङा ॱनाहीन।

२ कोरीन्‍थुपा 5:21

घीझ्‍येरी ॱनाना मास्‍यीकागी गोने, होराङ को़न्‍क्षोकगी डुङदु ढाङपो चीयेगी क्षीदु, धीक्‍पा मेगीन मास्‍यीकाला होरी क्षीदु धीक्‍चेन जेपालाक।

गालातीयापा 4:19

ङी चेवे टुवाक्‍याओ, खेक्‍या मास्‍यीकागी स्‍यीका च्‍योक्‍रे माझ्‍युङगीन थुक्‍पे, ङा खीकी क्षीला याङदा केशुकला हो़गीन च्‍योक्‍रे दुक।

एफीसुपा 2:18

घीझ्‍येरी ॱनाना मास्‍यीकागी थोक्‍ने, होराङ ॱङीगारा धाम्‍पे थुक्‍ङी च्‍यीकगी गोने यापगी डुङदु डो थुप्‍कीन झ्‍युवालाक।

एफीसुपा 4:26

छीक्‍पा शो हीना धीक्‍पा माझ्‍यी। ङीमा डुप्‍ये एन्‍ला खेक्‍याई छीक्‍पा श्‍यीवास्‍योक।

१ तीमोथेउ 2:5

घीझ्‍येरी ॱनाना को़न्‍क्षोक च्‍यीक हो़तालाक धेनी को़न्‍क्षोक धाङ मीगी घुङला, भारदुम ताङगीन च्‍यीक हो़तालाक, खोङ नी मास्‍यीका येशु,

१ तीमोथेउ 3:14

ङा ख्‍यी़चारु ग्‍योवा हुङयेगी रेवा झ्‍येरी, ख्‍यो़ला दे ॱलापच्‍याक्‍या ढीयाहीन।

ईब्‍रीपा 9:24

मास्‍यीका नी धाम्‍पे ॱनेसा ॱङोन्‍नेगी पे हीन्‍गीन, मीगी लाक्‍पी शो़सा घुरखाङ नाङला ॱमाफेप्‍पालाक। हीना होरी छापला धान्‍दा को़न्‍क्षोकगी डुङदु ज्‍यायेला, खोङबा नाम्‍खे श्‍यीङखामदु राङ फेप्‍पालाक।

याकोब 1:27

होरी याप को़न्‍क्षोकगी डुङदु चाङमा धाङ क्‍यो़न मेगीन क्षो़ नी, काल्‍ले ठेदी धेता दोजेक्‍या धाङ युक्‍जामाक्‍याला, तादोक झ्‍यीये धाङ राङला जीक्‍तेनगी ॱमेचाङाने ॱरुङये लाक।

याकोब 3:9

होराङ देगी थोक्‍नेराङ चोवो धाङ यापला तो़पा पुलालाक धेनी दी थोक्‍नेराङ, को़न्‍क्षोकगी ॱयीपला को़का मीक्‍याला ॱमेमो ग्‍यालाक।

१ पेटो 2:22

“खोङबागी धीक्‍पा च्‍यीया माझ्‍ये, धेनी खोङबागी ॱली़टेगी छीक ॱमासुङ।”

१ पेटो 3:18

घीझ्‍येरी ॱनाना होराङला को़न्‍क्षोक डुङदु ठीक्‍येगी क्षीला, मास्‍यीकाः होरी धीक्‍पाक्‍याई क्षीदु ढोवालाक। ढाङतेनगो मेढाङागी क्षीदु ढोङपालाक। खोङबा ली़ला सेपालाक हीना थुक्‍ङीगी थोक्‍ने खोङ कुसो़न्‍पो जेपालाक।

१ योहान्‍ना 3:18

चेवे टुवाक्‍याओ, होराङ छीक धाङ खागी च्‍यीगा झाम्‍पा मेन्‍दा, लाक्‍लेन धाङ धेन्‍पे गोने झाम्‍पा झ्‍यीदु।

१ योहान्‍ना 3:5

हीना होरी धीक्‍पाक्‍या सेयेगी क्षीला, खोङबा ॱङो़न जेपालाक ॱनेरी, खेक्‍या स्‍येलालाक। धेनी खोङबागी नाङ धीक्‍पा मेतालाक।

१ योहान्‍ना 3:7

चेवे टुवाक्‍याओ, मी सी़या खेक्‍याला गो कोरतु ॱमाच्‍युक। खोङबा ढाङतेन हीन्‍गीन च्‍योक्‍रे, ढाङपो हीन्‍गीनगो झ्‍यीगीनराङ ढाङतेन लाक।

१ योहान्‍ना 4:4

चेवे टुवाक्‍याओ, खेक्‍या को़न्‍क्षोकने लाक धेनी खुङक्‍याई खाला ग्‍यासालाक घीझ्‍येरी ॱनाना जीक्‍तेनदु हो़गीनगोनेः, खीकी नाङदु श्‍युक्‍कीनगो खाक्‍क्षे लाक।

१ योहान्‍ना 5:17

मेढाङा घीरी धीक्‍पा लाक धेनी छीवाला ॱमीठीक्‍कीन धीक्‍पाक्‍या हुङालाक।

१ योहान्‍ना 5:21

चेवे टुवाक्‍याओ, ल्‍हाकुन्‍डाक्‍याने जेम्‍दी धो़क।

३ योहान्‍ना 1:4

ङी टुवाक्‍या धेन्‍पाला तेन्‍ती मीजी क्‍यागीन, लाब दे घोरयेने ल्‍हाक, घाटो क्षे ङाला श्‍येम्‍मा घीया मेक।