१ योहान्‍ना 1:8 - ॱलोवा

⁸ होरी धीक्‍पा माझ्‍येहो़क ॱनेरी ॱनाना, होराङक्‍या राङला गोकोर ताङालाक धेनी होरी नाङ धेन्‍पा मेयोङालाक।

१ योहान्‍ना 1:8 Iomraidhean Croise

योहान्‍ना 8:44

खेक्‍या खेरी याप धी़कगी लाक धेनी खीकी यापगी दो़पा झ्‍यीयेला खेक्‍या दो़दालाक। धी़क नी, थोक्‍मानेराङ ॱरोक चेगीन धाङ धेन्‍पाला ढेवा घीया मेतालाक घीझ्‍येरी ॱनाना खी़ नाङ धेन्‍पा मेतालाक। धेनी खो शोक स्‍येगीन धाङ शोकगी याप झ्‍येरी, खी़ शोक स्‍येदी घाङला राङगी स्‍यीकाला तेन्‍दी स्‍येदालाक।

रोमापा 3:10

सुङरापला देरे ढीक हो़तालाक, “ढाङपो सुवा मीदुक, च्‍यीगारा च्‍यीया मीदुक,

रोमापा 3:23

घीझ्‍येरी ॱनाना मी घीरीगी धीक्‍पा झ्‍ये हो़तालाक धेनी को़न्‍क्षोकगी शीजेने ग्‍याङ रीङदु शो़ हो़तालाक।

१ कोरीन्‍थुपा 3:18

मी सु च्‍यीकगीया राङला गोकोर ॱमाताङास्‍योक। दे जीक्‍तेनदु राङला खेवा साम्‍गीनगी, राङ खेवा झ्‍युङयेगी क्षीदु खो ॱलेन्‍दा झ्‍युङघो़।

गालातीयापा 6:3

मी च्‍यीकगी राङ घीया मेन्‍दा राङला च्‍यीक हीन ॱनेरी साम्‍ना, खी़ राङ-राङला गोकोर ताङालाक।

१ तीमोथेउ 6:5

धेनी क्षो़सेम नी नोर थोप्‍येगी थापस्‍यी लाक, साम्‍गीन ॱलेपा रुरा धाङ धेन्‍पाने डागीन मीक्‍याई खोक्‍दु ॱमेछेदा ठुक ॱलाङालाक।

२ तीमोथेउ 3:13

हीना मी ङेन्‍पाक्‍या धाङ शोक झ्‍यीगीनक्‍या श्‍येम्‍माक्‍याला गोवा कोरती धेनी राङ गोकोरला छी़दी, दुक्‍तु दुक्‍तु डुगीलाक।

याकोब 1:22

काला ङेन्‍ये च्‍यीगा झ्‍युरी, राङला गोकोर ॱमाताङ हीना काला सुङगीन च्‍योक्‍रे झ्‍यीगीन झ्‍युङ।

याकोब 1:26

धेनी राङला ढाङपो साम्‍दी हीना राङगी च्‍येमोला दाक्‍पो मेग्‍याप्‍कीन मीगी राङला गोकोर ताङालाक धेनी खी़ क्षो़गोवा फेन ॱमेथोवालाक।

याकोब 3:2

घीझ्‍येरी ॱनाना होराङ घीरी नोन्‍डु माङा झ्‍यीदालाक। राङगी स्‍येगीन तामला नोन्‍डु मीझ्‍यीगीन मी नी, याङदाक्‍पा मी च्‍यीक लाक धेनी खी़ राङगी शु घीरीला च्‍याक ग्‍याप थुक्‍कीलाक।

२ पेटो 2:13

खुङक्‍याई श्‍येम्‍माला ॱनो़ क्‍यारी, होदेगी छापला राङलाः ॱनो़ फोक्‍कीलाक। धेनी खुङक्‍याई क्षीदु कीपो ताङयेगो, ङीङमोराङ छो़ मीशीम्‍दा शा-थुङ झ्‍येरी धेये लाक। खुङक्‍या खीकीमुला डो़नला शामा शी घाङलाः, मीला गोकोर ताङयेला घालालाक। खुङक्‍या नी, खेक्‍याला ङोजा खेरती हुङगीन क्‍यो़न च्‍योक्‍रे लाक।

१ योहान्‍ना 1:10

याङ होराङक्‍या हीकी धीक्‍पा माझ्‍येहो़क ॱनेरी ॱनाना, होराङक्‍याई खोङबाला शोक्‍पो शोवालाक धेनी खोङगी का होरी नाङदु मेयोङालाक।

१ योहान्‍ना 1:6

धा होरी थी़न्‍डीलगो को़न्‍क्षोकमुला हो़क ॱने, हीना मी़नाकला ग्‍युक्‍ना, होराङक्‍या शोक स्‍येदालाक धेनी धेन्‍पागो ॱमीचीलालाक।

१ योहान्‍ना 2:4

“ङा खोङबाला ङो स्‍येलीहो़क” ॱनेरी ॱनाये हीना खोङबागी काठीमक्‍या ॱमीरुङना, खो शोक्‍पो लाक धेनी खी़ नाङला धेन्‍पा मेयोङालाक।

१ योहान्‍ना 4:20

मी च्‍यीकगी “ङा को़न्‍क्षोकला चेवा झ्‍यीदीहो़क।” ॱनेरी ॱने, हीना राङगी पी़नला दाङा झ्‍यीना, खो शोक्‍पो लाक घीझ्‍येरी ॱनाना राङगी ॱमीकगी थोङगीन राङगी पी़नला झाम्‍पा मीझ्‍यीगीनगी, ॱमीकगी थोङ माङ्युङगीन को़न्‍क्षोकला चेवा झ्‍यी ॱमीथुक्‍कीलाक।

२ योहान्‍ना 1:2

घीझ्‍येरी ॱनाना धेन्‍पा नी, होरी नाङ हो़तालाक धेनी होरी नाङ ग्‍युने ग्‍युन्‍दु ॱनेगीलाक।

३ योहान्‍ना 1:3

पी़न रीङगा होरी, ख्‍यो़ धेन्‍पाला तेन्‍ती मीजी क्‍याली ॱनेरी, ख्‍यी़ धेन्‍पाला खुङक्‍याई पाङपो झ्‍यीदाराङ, ङा ॱमीच्‍यीकी ङ्यामो घेजुङ।