4 हीकी घाटोगो खाङयेगी क्षीदु हेक्या दे ढीयाहीन।
ङी घाटो खेक्याई सेम नाङ ॱनेये धाङ खेक्याई घाटो खाङयेला, ङी खेक्याला दे लाबक्या स्येबी।
धान्दा थुक्पे, खीकी ङी मीङगी थोक्ने माश्यी़ हो़तालाक। धा खीकी घाटो खाङयेगी क्षीला, श्यी़ धेनी खेक्याला थोप्कीलाक।
ॱनामा नी माक्पागी हीन। धेनी माक्पामुला लाङगीन धाङ खोला ङेन्गीन रोवागो माक्पागी़ केक घोरती, ॱमीच्यीकी ङ्यामो घालालाक। होझ्येरी धा ङी घाटो दे डुप्सुङ।
खीकी धेपे खाला हीकी वाङ झ्यीयेगी दो़पा मेक हीना खेक्याई घाटोगी क्षीदु हेक्या, खीकीमुला लेगा झ्यीदालाक। घीझ्येरी ॱनाना खेक्या खेरी धेपाला तेन्पो दुक।
धेनी को़न्क्षोकगी छेसोक धाङ नी़थुगी, खेक्या घाङजाङ खाङयेगी क्षीला, खेक्याई ॱलोला जु ॱमीथुप्कीन मास्यीकागी झाम्पा ॱहाघोरयेगी ॱमो़लाम, ङा श्यी़लाहीन।
ङी चेवे टुवाक्याओ, खेक्याई धीक्पा मीझ्यीदास्योक ॱनेरी, ङा खेक्याला दे लाबक्या ढीयाहीन। हीना खेक्याने च्यीकगी धीक्पा झ्यीना यापगी डुङदु, होरी क्षीला श्योवा पुगीन च्यीक हो़तालाक। खोङ नी ढाङतेन्पा येशु मास्यीका लाक।
ङा खेक्याला ढीक्ये माङा हो़क हीना ङा स्यु धाङ ॱनाक्चागी, होदेक्या ढीक्ङी मेदो़दा। हीना होरी घाटो खाङये क्षीला, ङा खेक्याला थुक्ती खीकी ङोदोङ तेरी, लाब ताङयेगी रेवा हो़क।
