१ योहान्‍ना 1:1 - ॱलोवा

¹ थोक्‍माने हो़गीन धाङ हीकी घोर ङ्युङगीन धाङ हीकी ॱमीकगी थोङ ङ्युङगीन धाङ हीकी तेदेयागो धाङ हीकी लाक्‍पी जु ङ्युङगीन, छेसोकगी कागी कोरला हेक्‍या सेटाक झ्‍यीदाहीन।

१ योहान्‍ना 1:1 Iomraidhean Croise

लुका 1:2

दे लेगा घीरी गोमाने थोथा, मीक्‍या धाङ कागी श्‍याप्‍तोक्‍पा हीन्‍गीन, मीक्‍याने हीकी ॱहाघोगीन च्‍योक्‍रे होदेक्‍याई ढीक्‍दुक।

लुका 24:39

ङी लाक्‍पा धाङ काङबाला तो़, ङाराङ हीन। खेरी लागागी ङाला जुरी तो़। घीझ्‍येरी ॱनाना दोङडेगी स्‍या धाङ रीगोक मेयोङालाक हीना ङाला हो़गीनगो थोङालाक।”

योहान्‍ना 19:35

होदे थोथा मीगी़ दी कोरला, पाङपो झ्‍येवालाक धेनी खी़ पाङपोगो धेन्‍पा लाक। धेनी मी दे खोरी स्‍येगीनगो धेन्‍पा लाक ॱनेरी, खोला स्‍येये हो़तालाक।

योहान्‍ना 20:27

धेनी खोङबागी थोमाला सुवालाक, “ख्‍यी़ जु दुरु चुक्‍ती, ङी लाक्‍पाक्‍याला तो़। धेनी ख्‍यो़री लाक्‍पा क्‍यारी ङी श्‍योक नाङला चुक। दोक्‍पा ॱमासाक हीना धेपा झ्‍यी।”

योहान्‍ना 5:26

घीझ्‍येरी ॱनाना याप राङला छे हो़गीन च्‍योक्‍रे, खोङबागी सेलाः छे ॱनाङयेगी वाङ जेपालाक।

योहान्‍ना 8:58

येशुगी खुङक्‍याला सुवालाक, “ङा खेक्‍याला धेन्‍पा धेनक्‍याङ ॱनाहीन, आब्‍राहाम ॱमाके एन्‍लाराङ, ङा हो़क।”

जेपा 1:3

दुक्‍पु ङ्याङदी ग्‍याङस्‍यीङदु ढोङवा जेदी, खोङबा श्‍याक्‍मो श्‍यीपच्‍यु थुक्‍पे धी़-धी़ला होदेक्‍या चारु ज्‍यावालाक। धेनी ॱना श्‍येम्‍मा-श्‍येम्‍मागी धेन्‍पा पाङपोक्‍या तो़न जेदी, खोराङला सो़न्‍पो तो़न जेपालाक। होदेक्‍याई खोङबाला थोवालाक। धेनी खोङबागी होदेक्‍यामुला को़न्‍क्षोकगी ग्‍याखापगी कोरला कामो़न सुवालाक।

जेपा 4:20

घीझ्‍येरी ॱनाना हेक्‍याई थोथा धाङ ॱहाघोका लाबक्‍या ॱमेना धे थुक्‍ये मीन्‍दुक।”

ईब्‍रीपा 2:3

धा होरी देरे थारपा क्षेला दो़नाङ ॱमेतेरना, होराङ घाङगी झ्‍येरी थारये? थारपा दे गोमागो चोवो राङगी सेटाक जेपालाक धेनी खोङने ङेन्‍गीनक्‍याई, होराङक्‍याला होदेगी धेन्‍पाङ झ्‍येवालाक।

१ योहान्‍ना 4:14

धेनी यापगी राङगी से जीक्‍तेनगी क्‍याम्‍गो़न झ्‍युङयेगी क्षीदु ॱङाक्‍कीनगो, हीकी थोवालाक धेनी पाङपो झ्‍यीदाहीन।

१ योहान्‍ना 5:7

घीझ्‍येरी ॱनाना पाङपो झ्‍यीगीन सुम हो़तालाक,

ॱङो़न्‍पा 1:11

होदेगी “ख्‍यी़ घी थोङगीनगो धेपला ढीक धेनी दे क्षो़छोक धी़नक्‍या, एफीसु धाङ सीमीरना धाङ पेरगामोन धाङ थीयातीरा धाङ सारती धाङ फीलादेल्‍फीया धाङ लाउदीकेयाला कुर।” सुरी सुङजुङ।

ॱङो़न्‍पा 1:8

“ङा नी, आल्‍फा धाङ ओमेगागो हीन।” सुरी, चोवो को़न्‍क्षोक सुङालाक। खोङबा श्‍युक हो़गीन धाङ एम्‍मा श्‍युक ङ्युङ हो़गीन धाङ स्‍याम्‍ला फेप्‍ये हीन्‍गीन, ॱलानामेपे को़न्‍क्षोक लाक।

ॱङो़न्‍पा 19:13

खोङबागी ठाकला बाबा नाशा ॱनुम्‍दुक धेनी खोङबागी छेन नी, को़न्‍क्षोकगी का ॱनेरी दुक।

ॱङो़न्‍पा 2:8

“धेनी सीमीरनागी क्षो़छोकगी भाङछेनला देरे ढीक, “एम्‍मा ढोङा जेदी याङ कुसो़न्‍पो श्‍याङा जेजा, खोङबा थोक्‍मा धाङ थामा हीन्‍गीनगी़, दे काक्‍या सुङी।