१ कोरीन्‍थुपा 9:5 - ॱलोवा

⁵ श्‍येम्‍मा कुछापक्‍या धाङ चोवोगी नोक्‍या धाङ केफास च्‍योक्‍रे, हेक्‍याला धेपा झ्‍यीगीन केमी ठीक्‍ती डोयेगी आङजा मेताले?

१ कोरीन्‍थुपा 9:5 Iomraidhean Croise

मेथा 13:55

खो नी स्‍यीङजोवागी भीजागो माले? खी़ आमागी मीङ मीरीयाम माले? धेनी खी़ पी़नक्‍या याकोब, योसेफ, सीमोन धाङ युदा माले?

मेथा 8:14

धेनी येशु पेटोगी नाङला फेप्‍ती, खी़ केमीगी आमागो छावा फारती, नेरी ङ्यारी धेतागो शीक्‍पालाक।

मारकु 1:30

सीमोनगी केमीगी़ आमागो छावा फारती, नेरी धे हो़तालाक धेनी मी़ कोरला खुङक्‍याई येशुला श्‍यी़वालाक।

मारकु 6:3

दे मीरीयामगी भीजा, याकोब धाङ योसेफ धाङ युदा धाङ सीमोनगी आज्‍यो, होदे स्‍यीङचोवागो माले? धेनी खी़ नुमोक्‍या होराङमुला दुरु हो़तामाले?” धेनी खुङक्‍याई खोङबाला ङो ॱलोक्‍पालाक।

लुका 6:15

मेथा धाङ थोमा धाङ आल्‍फायुगी भीजा याकोब धाङ ग्‍याल्‍चेपा ॱनागीन सीमोन धाङ

लुका 8:20

धेनी खोङबाला मी च्‍यीकगी ॱनेवालाक, “खेराङगी युम धाङ कुछेक्‍या खेराङला ज्‍यारु होरी फीला श्‍युक्‍दुक।”

योहान्‍ना 1:42

धेनी खी़ सीमोनला येशु डुङदु ठीक्‍ती होवालाक। येशुगी खोला शीक्‍ती सुवालाक, “ख्‍यो़ योहान्‍नागी भीजा सीमोन लाक धेनी ख्‍यो़ला केफास ॱनेरी भो़गीलाक।” (केफासला पेटो ॱनालाक धेनी होदे मीङ ॱङीगारागी दो़नगो “फोङगीङ” लाक।)

योहान्‍ना 2:12

होदे स्‍याम्‍ने, खोङबा राङगी युम धाङ नोक्‍या धाङ ङेनेक्‍यामुला काफारनाहुमदु फेप्‍पालाक। धेनी होदुरु श्‍याक्‍मो तीते श्‍युक्‍वा जेपालाक।

जेपा 1:14

खुङक्‍या घीरी ईजी नुमुक्‍या धाङ येशुगी युम मीरीयाम धाङ खोङबागी नोक्‍यामुला जोम्‍दी, सोवा ग्‍याप्‍ती धे हो़तालाक।

रोमापा 16:1

ङा खेक्‍या दोङदु केन्‍कीरीया ढोङखेरदु हो़गीन, क्षो़छोकगी श्‍याप्‍ची पुगीन, होरी नुमो फेबेगी तो़टा ताङाहीन।

१ कोरीन्‍थुपा 1:12

ङी ॱनागीनगो घी लाक ॱनाना, खेक्‍याने रीङगागी “ङा पाउलुगी हीन” धेनी रीङगागी “ङा आपोल्‍लोसगी हीन” धेनी रीङगागी “ङा केफासगी हीन” धेनी रीङगागी “ङा मास्‍यीकागी हीन” ॱनेरी ॱनी।

१ कोरीन्‍थुपा 7:15

हीना धेपा मीझ्‍यीगीनगी़ राङगी रोवामुला खा ढाङी दो़ना, खा डारु च्‍युक। देरे झ्‍युङना धेपा झ्‍यीगीन ख्‍योवा याङना केमीगो सी़याः वाङदु मेयोङालाक। घीझ्‍येरी ॱनाना को़न्‍क्षोकगी होराङला श्‍यीदेगी नाङदु ॱनेयेला भो़ जेपालाक।

१ कोरीन्‍थुपा 7:39

राङगी ख्‍योवा सो़न्‍पो हो़गीन थुक्‍पे, केमी नी ख्‍योवागी वाङ होकला हुङालाक। हीना मी़ ख्‍योवागो ढोङ छाना मोरी दो़गीन, मीमुला मो ॱनामाला डो क्षोक्‍वालाक हीना याङ मीगो चोवोला धेपा झ्‍यीगीन हुङघोवालाक।

१ कोरीन्‍थुपा 7:7

मी घीरी ङा च्‍योक्‍रे हो़गीनगो ङा दो़दीहो़क। हीना को़न्‍क्षोकने मी घीरीला राङगी ॱनाङज्‍यीन थोप हो़तालाक। च्‍यीकला ॱना च्‍यीक धेनी श्‍येम्‍माला ॱना श्‍येम्‍मा।

१ कोरीन्‍थुपा 7:8

हीना ॱनामा मालेन्‍ला धाङ युक्‍जामाक्‍याला ङा ॱनाहीन, खुङक्‍या ङा च्‍योक्‍रे ॱनामा मेलेन्‍दा धेना घा लाक।

गालातीयापा 1:19

हीना चोवोगी नो याकोबला माना, श्‍येम्‍मा कुछापक्‍याने सुला ङी ॱमाथो।

१ तीमोथेउ 3:2

होझ्‍येरी क्षो़छोकगी तातोक्‍पागो क्‍यो़न्‍जुक घीया मेगीन धाङ केमी च्‍यीकगी ख्‍योवा, साम्‍लो थोङा, छो़ शीम्‍गीन धाङ याराप शाङा धाङ डो़न्‍बो सुयेला घागीन धेनी ॱलोपो़न झ्‍यीयेला खेवा हो़गीन,

१ तीमोथेउ 4:3

देरे मीक्‍याई ॱनामा लेन्‍ये मेतालाक धेनी शामा ॱना रीङगा शाये मेतालाक ॱनेरी ॱनागीलाक। हीना धेपा झ्‍यीगीनक्‍या धाङ धेन्‍पा ॱहाघोकीनक्‍याई काटीन्‍क्षे श्‍यी़री लेन्‍येला, को़न्‍क्षोकगी शामा देक्‍या को़ जेपालाक।

१ तीमोथेउ 5:2

धाङ घेमोक्‍याला आमाक्‍या च्‍योक्‍रे धेनी नाच्‍युङमाक्‍याला नुमोक्‍या च्‍योक्‍रे, सेम चाङमागी गोने चो़पा झ्‍यी।

तीतोस 1:6

गोठीगो क्‍यो़न मेगीन धाङ केमी च्‍यीक हो़गीन, ख्‍योवा हुङघो़गीलाक। धेनी खी़ टुवाक्‍या धेपा झ्‍यीगीन धाङ च्‍यो़पा घा धेनी खाला ङेन्‍गीन हुङघो़गीलाक।

ईब्‍रीपा 13:4

मी घीरीगी ॱङेन्‍डीला चीदोङ झ्‍यीघो़, धेनी नाङजाङ ॱङीगी घुङला लोक्‍येम मीझ्‍युङास्‍योक घीझ्‍येरी ॱनाना को़न्‍क्षोकगी लोक्‍येम्‍पाक्‍या धाङ दो़लोक झ्‍यीगीनक्‍याला ठीम्‍चो़ जेगीलाक।