3 ङाला खा ताङगीनक्याई क्षीदु ङी लेन नी दे लाक,
“खेक्याला छोक्खाङक्या धाङ पो़न्पोक्या धाङ वाङग्युर झ्यीगीनक्या दोङदु ठीक्ती हुङी घाङला, राङला घाङगी झ्येरी क्योप्ये याङना घी ॱनाघोगुले ॱनेरी दुङा माझ्यी।
“पी़नक्या धाङ गेम्पाक्याओ, ङारी स्योकने ङी कोरला ॱनाघोगीन लाब खेराङक्या ङेन्रोनाङ।”
‘क्यो़न फोक्पा मीगो क्यो़न चुक्कीनक्याई दोङदु मालाङ थुक्पे धेनी खोरी क्यो़नक्याई क्षीदु ॱरुङक्योप झ्यीयेगी घुकाप माजोर थुक्पे, रोमापा ठीमला होदे मीगोला ठीम्चो़गी क्षीदु ची ग्याप्ये मेरालाक’ ॱनेरी ङी खुङक्याला ॱनेवी।
खेक्याने राङला ॱङो़नस्येखेन याङना थुक्ङीगी ॱनाङज्यीन हो़गीन साम्गीनगी़, ङी ढीक्टा लाब देक्या चोवोगी का लाक ॱनेरी, खी़ खेलेन झ्यीघो़।
मी श्येम्माक्याई क्षीदु ङा कुछाप च्यीक मेन्नाः, खीकी क्षीदु ङा हीन। घीझ्येरी ॱनाना चोवोगी नाङ, ङा कुछाप च्यीक हीन्गीनगी ताकगो खेक्या लाक।
हेक्याला शा-थुङ झ्यीयेगी आङजा मेताले?
चोवोगी ङाला ॱनाङना आङजा दे, ङा खीकीचारु हुङाराङ चुक्वा झ्येरी भेचो़ झ्यी मेघोयेगी क्षीला, ङा खेक्या घुङदु मेताराङ, दे लाबक्या ढीयाहीन। आङ दे नी खेक्याला तोरयेला मेन्दा, खेक्याला यारके ताङयेगी क्षीदु ङाला ॱनावालाक।
घीझ्येरी ॱनाना मास्यीकागी ङी थोक्ने, कामो़न सुङगीनगी पाङपोगो खेक्या चालालाक। धेनी खीकीमुला ढेवा जेदाराङ खोङबा क्योवा मेतालाक हीना खीकी घुङदु खोङबा स्युक्क्षे हो़तालाक।
राङगी धेपाला खेक्या ॱनेदुई याङना मीदुई ॱनेरी, राङला ताक्चा झ्यी। राङला छो़ता झ्यी। छो़ताला ॱमेथारना, येशु मास्यीका खीकी नाङ ॱनेगीनगो खेक्याई स्येघु मालाक से?
हीना ङाला चो़न्खाङदु दुक्पु ताङयेगी साम्लो तारी, ढेन्दुर झ्यीगीनक्याई सेम ढाङपोगी थोक्ने मेन्दा, राङगी दो़पा काङयेगी क्षीदु क्षो़ स्येदालाक।
खेक्या ङी सेम नाङदु झ्येरी खेक्या घीरीगी कोरला, देरे छोरनाङ केये दे ङी क्षीदु धेन्पा दुक। ङा चो़न्खाङदु हो़ती घाङला याङना ताम्शाङला ॱरुङक्योप धाङ धेन्पाङ झ्यीदी घाङला, खेक्या घीरी ङीमुला को़न्क्षोकगी थुक्जे थोप हो़तालाक।
ठीम्पो़नगी दोङदु ङा थेङ धाङपो ठीम श्यी़ घाङला, घीरीगी ङाला पारी, ङा स्योकला सुवा लाङगी मीदुक। दी लेनगो, खुङक्या खाला ॱमाफोक्वास्योक।
