१ कोरीन्‍थुपा 9:23 - ॱलोवा

²³ मी श्‍येम्‍माक्‍याईमुला ताम्‍शाङगी झ्‍यीलाप थोप्‍येगी क्षीदु, ङा दे घीरी ताम्‍शाङगी क्षीदु झ्‍यीदाहीन।

१ कोरीन्‍थुपा 9:23 Iomraidhean Croise

मारकु 8:35

घीझ्‍येरी ॱनाना राङगी ॱरोक क्‍योप्‍कीनगी, ॱरोक स्‍योरकीलाक हीना राङगी ॱरोक, ङा धाङ ताम्‍शाङगी क्षीला स्‍योरतु च्‍युक्‍कीनगी ॱरोक क्‍योप्‍कीलाक।

रोमापा 11:17

धा क्‍युरुस्‍यीङ शाङागी याक्‍का रीङगा चेदी, रीगागी क्‍युरुस्‍यीङ दोङबोगी याक्‍काक्‍या होदे दोङबो शाङागोला थी़दी श्‍याक्‍ना, होदेक्‍याला होदे दोङबो शाङागी चावाने ची़ शाङागो थोबालाक।

१ कोरीन्‍थुपा 9:12

श्‍येम्‍माक्‍याला खीकी हुङघुङने रोक्‍राम थोप्‍येगी आङजा हो़ना, हेक्‍याला देले क्षे आङजा हो़तामाले? घीहीन्‍ना हीकी दे आङजागी भेचो़ माझ्‍येहो़क हीना मास्‍यीकागी ताम्‍शाङला ॱनो़ ॱमेक्‍यायेगी क्षीदु, हेक्‍या दो़न घीरीला शो़गोम झ्‍यीदीहो़क।

१ कोरीन्‍थुपा 9:22

धेपाला क्‍योवा हो़गीनक्‍याई सेम क्‍योप्‍येगी क्षीदु ङा धेपाला क्‍योवा हो़गीनक्‍यामुला, धेपाला क्‍योवा च्‍योक्‍रे झ्‍युवी। थापस्‍यी घीरीगी थोक्‍ने, मी रीङगागी सेम क्‍योप्‍येगी क्षीदु ङा मी घीरी क्षीदु दे घीरी झ्‍युवी।

१ कोरीन्‍थुपा 9:24

भाङ ताङगीन ढेन्‍दुरला, भाङ ताङगीन घीरी भाङ ताङालाक हीना ज्‍यागागो च्‍यीकला च्‍यीगा थोबालाक ॱनेरी, खेक्‍याला स्‍येये मेते? होझ्‍येरी ज्‍यागा थोप्‍येगी क्षीदु भाङ तोङ।

२ कोरीन्‍थुपा 2:4

ङी सेम ॱमीच्‍यीकी क्‍योरी दुङा झ्‍येरी क्षीमाक तारी, ङी खेक्‍याला होदे यीक दे ढीक्‍पाहीन। धेनी दे नी, खेक्‍याई सेम क्‍योरु च्‍युक्‍येगी क्षीदु मेन्‍दा, हीना ङी खेक्‍याला ॱमीच्‍यीकी चेवा झ्‍यीगीनगो, खेक्‍याई ॱहाघोरयेगी क्षीदु ढीक्‍पाहीन।

गालातीयापा 2:5

हीना ताम्‍शाङगी धेन्‍पा दे, खीकी क्षीला क्‍योप्‍येला हीकी खुङक्‍याई होकला तीते च्‍यीया माघुर।

२ तीमोथेउ 2:10

होझ्‍येरी धाम्‍दा मीक्‍यागी दो़नला ङा घीरी शो़पा घोमीहो़क। देरे झ्‍येरी खुङक्‍याला थामेपे शीजेमुला, मास्‍यीका येशुने थारपा थोप्‍कीलाक।

२ तीमोथेउ 2:6

काल्‍ले ग्‍याप्‍कीन श्‍यीङबागोला, तो़न्‍दोकगी कादा धाङपोगो थोप घोलालाक।

ईब्‍रीपा 3:1

होझ्‍येरी नाम्‍खे श्‍यीङखामदु मुला भो़पा धाम्‍पे पी़नक्‍याओ, होरी खेलेन्‍ला कुछाप धाङ चो क्षो़पो़न येशुगी कोरला साम्‍लो तोङ।

ईब्‍रीपा 3:14

घीझ्‍येरी ॱनाना होराङगी गोमागी ॱलोतेला, था थुक्‍पे तेन्‍पो झ्‍येरी था ख्‍योला झ्‍यीना, होराङ मास्‍यीकागी लेरोक झ्‍युङालाक।

१ पेटो 5:1

ङाराङ क्षो़छोकगी गोठी च्‍यीक हीन्‍गीन झ्‍येरी, धेनी मास्‍यीकागी दुक्‍पु ङ्याङगीनगी पाङपो धाङ स्‍याम्‍ला ॱङो़न्‍ये हीन्‍गीन शीजेला मुला थेये हीन्‍गीन च्‍यीक झ्‍येरी, ङा खेक्‍या नाङने गोठीक्‍याला श्‍योवा पुलाहीन,

१ योहान्‍ना 1:3

खेक्‍याः हीकीमुला थी़न्‍डीलला हुङास्‍योक ॱनेरी, हेक्‍याई थोथा धाङ घोरकागो हेक्‍या खेक्‍याला सेटाक झ्‍यीदाहीन। धेनी हीकी थी़न्‍डीलगो याप धाङ से, येशु मास्‍यीकामुला लाक।