१ कोरीन्‍थुपा 9:18 - ॱलोवा

¹⁸ धा ॱहाना ङी ज्‍यागागो घी ले? ताम्‍शाङ स्‍येयेगी लेगाला ङारी आङजागी थोप्‍ताङ ॱमेचाला धेनी रीङ मेलेन्‍दा ताम्‍शाङ स्‍येये राक्‍ये दे, च्‍यीगा ङी ज्‍यागा लाक।

१ कोरीन्‍थुपा 9:18 Iomraidhean Croise

योहान्‍ना 4:36

धा श्‍यीङ ॱङागीनगोला ॱला थोप्‍ती, थामेपे छेसोकगी क्षीला तो़न्‍थोक धी़लालाक। धेनी साङा ताप्‍कीन धाङ श्‍यीङ ॱङागीन ॱङीगारा मुला ङ्यामो घालालाक।

जेपा 18:3

होदे मीक्‍या घुर शोगीन लेगा झ्‍येरी मीछे पी़लालाक। धेनी पाउलु खोराङ घुर शोगीन मी झ्‍येरी, खोवा खुङक्‍यामुला धेदी लेगा झ्‍येवालाक।

रोमापा 14:15

धा ख्‍यी़ घी शागीनगी ख्‍यी़ पी़नगी सेम ठुक्‍तु च्‍युक्‍ना, ख्‍यी़ दे झाम्‍पागी थोक्‍ने मीझ्‍यीदालाक। पी़न दी क्षीदु मास्‍यीका ढोङटा झ्‍येरी, खेक्‍याई शागीनगी खोला मेताला डोरु ॱमाचुक।

१ कोरीन्‍थुपा 3:8

साङा ताप्‍कीन धाङ क्षु ॱलुक्‍कीन नी, च्‍यीक्‍पा लाक धेनी खुङक्‍याला राङगी काल्‍ले ग्‍याप्‍कीनगी छो़लाराङ ॱलाज्‍या थोप्‍कीलाक।

१ कोरीन्‍थुपा 7:31

धेनी जीक्‍तेनगी च्‍यालाकक्‍या लाक्‍लेन ताङगीनक्‍या, होदेला ढेवा घीया मेगीन च्‍योक्‍रे झ्‍यीघो़। घीझ्‍येरी ॱनाना जीक्‍तेनगी धान्‍दागी ॱनाम्‍पा नी मेताला डी़।

१ कोरीन्‍थुपा 8:9

हीना खीकी राङवाङ दे धेपा तेन्‍पो मेगीनक्‍याला काक्‍दो माझ्‍युङवास्‍योक।

१ कोरीन्‍थुपा 9:12

श्‍येम्‍माक्‍याला खीकी हुङघुङने रोक्‍राम थोप्‍येगी आङजा हो़ना, हेक्‍याला देले क्षे आङजा हो़तामाले? घीहीन्‍ना हीकी दे आङजागी भेचो़ माझ्‍येहो़क हीना मास्‍यीकागी ताम्‍शाङला ॱनो़ ॱमेक्‍यायेगी क्षीदु, हेक्‍या दो़न घीरीला शो़गोम झ्‍यीदीहो़क।

१ कोरीन्‍थुपा 9:15

हीना दे आङजाक्‍याने ङी च्‍यीयाः भेचो़ माझ्‍येहो़क। धेनी खेक्‍याई ङाला देरे झ्‍यीदास्‍योक ॱनेरी, ङी दो़न देक्‍या ढीयामेन। घीझ्‍येरी ॱनाना ङी ङोम्‍सो झ्‍यीयेगी दो़न दे ङाने ठोक्‍तु च्‍युक्‍वा ले, ङा स्‍यीना घागुलाक।

१ कोरीन्‍थुपा 9:17

घीझ्‍येरी ॱनाना ङा ङारी थेदी ताम्‍शाङ स्‍येना, ङाला ज्‍यागा हो़क। हीना ङी ङारी थेदी मेन्‍नाः, ताम्‍शाङ स्‍येयेगी गेन दे ङाला चोवालाक।

२ कोरीन्‍थुपा 4:5

घीझ्‍येरी ॱनाना हेक्‍या राङगी कोरला मेन्‍दा, हीना हेक्‍या येशुगी क्षीदु खेक्‍याई श्‍याप्‍चीपा झ्‍युरी, येशु मास्‍यीकाराङ चोवो हीन ॱनेरी सेटाक झ्‍यीदाहीन।

१ थेसालोनीकेपा 2:6

मास्‍यीकागी कुछाप झ्‍युरी, हेक्‍याई खेक्‍याला आङजा झ्‍यी थुक्‍येहो़क हीना मी सुनेः हीकी तो़टा ॱमाचा। खेक्‍याने मेन धेनी श्‍येम्‍माक्‍याने मेन।