१ कोरीन्‍थुपा 9:14 - ॱलोवा

¹⁴ देरेराङ झ्‍येरी ताम्‍शाङ स्‍येगीनक्‍यालाः ताम्‍शाङ स्‍येगीन लेगागी गोनेराङ, छोवा क्‍यायेला रोक्‍राम थोप्‍घोगुलाक ॱनेरी चोवोगी का ॱनाङ हो़तालाक।

१ कोरीन्‍थुपा 9:14 Iomraidhean Croise

मेथा 10:10

राङगी ढुला खुमाक ॱमाखेर, घो़ ॱङी, पोल्‍ले याङमेना भेक्‍योक ॱमाखुर घीझ्‍येरी ॱनाना लेगा झ्‍यीगीनक्‍याला घो़गीनगो थोप घोगुलाक।

लुका 10:7

धेनी होदे नाङदुराङ घी तेरकीनगो, शा-थुङ झ्‍येरी धो़क। घीझ्‍येरी ॱनाना लेगा झ्‍यीगीनला खोरी ॱलाज्‍या थोप घोगीलाक। धेनी खाङबा च्‍यीकने श्‍येम्‍माला माडो।

लुका 10:8

“खेक्‍या ग्‍याजा च्‍यीकला जुरी, होदेगी मीक्‍याई खेक्‍याला ॱनेचाङ ॱयारना खीकी दोङदु घी श्‍याक्‍कीनगो शो।

जेपा 18:3

होदे मीक्‍या घुर शोगीन लेगा झ्‍येरी मीछे पी़लालाक। धेनी पाउलु खोराङ घुर शोगीन मी झ्‍येरी, खोवा खुङक्‍यामुला धेदी लेगा झ्‍येवालाक।

१ कोरीन्‍थुपा 4:15

मास्‍यीकागी थोक्‍ने, खेक्‍याला ताक्‍योङ झ्‍यीगीन मी ठी च्‍यीक हो़ना, खेक्‍याला आकीक्‍या माङा मेतालाक। घीझ्‍येरी ॱनाना मास्‍यीका येशुगी नाङ ताम्‍शाङगी गोने, ङा खीकी आकी झ्‍युवालाक।

१ कोरीन्‍थुपा 9:11

हेक्‍याई खीकी खोक्‍दु सेम्‍ङीगी साङा ताप हो़ना, खीकी जीक्‍तेनगी हुङघुङने हीकी लोदोक धी़ ॱमेक्षोक्‍वाले?

१ कोरीन्‍थुपा 9:12

श्‍येम्‍माक्‍याला खीकी हुङघुङने रोक्‍राम थोप्‍येगी आङजा हो़ना, हेक्‍याला देले क्षे आङजा हो़तामाले? घीहीन्‍ना हीकी दे आङजागी भेचो़ माझ्‍येहो़क हीना मास्‍यीकागी ताम्‍शाङला ॱनो़ ॱमेक्‍यायेगी क्षीदु, हेक्‍या दो़न घीरीला शो़गोम झ्‍यीदीहो़क।

१ कोरीन्‍थुपा 9:16

होझ्‍येरी ङी ताम्‍शाङ स्‍येना, ङाला ङोम्‍सो झ्‍यीयेगी दो़न घीया मेक घीझ्‍येरी ॱनाना ताम्‍शाङ स्‍येये माना, ङाला थापस्‍यी श्‍येम्‍मा मेक। ङी ताम्‍शाङ ॱमेस्‍येना ङाला क्षेपा फोक्‍वास्‍योक।

१ कोरीन्‍थुपा 9:4

हेक्‍याला शा-थुङ झ्‍यीयेगी आङजा मेताले?

२ कोरीन्‍थुपा 2:12

धा मास्‍यीकागी ताम्‍शाङ स्‍येयेला, ङा टोरोआसरु ॱलेवाराङ, चोवोगी ङी क्षीदु घुकाप च्‍यीक ॱनाङा जेसोङ,

गालातीयापा 6:6

का लेन्‍गीनक्‍याई राङमुला हो़गीन, शाङा घीरी राङगी ॱलोपो़नमुला घो़ घोगुलाक।

१ थेसालोनीकेपा 1:5

घीझ्‍येरी ॱनाना हीकी ताम्‍शाङगो खेक्‍याचारु छीकला च्‍यीगा मेन्‍दा, वाङ धाङ धाम्‍पे थुक्‍ङी धाङ ॱङोन्‍ने ढाङने धेन्‍पे थोक्‍ने होवालाक। खेक्‍याई घुङदु खीकी क्षीला हीकी चो़पा घारे हो़तालाक ॱनेरी, खेक्‍या स्‍येलालाक।