१ कोरीन्‍थुपा 8:6 - ॱलोवा

⁶ हीना होरी क्षीदु याप को़न्‍क्षोक च्‍यीका हो़तालाक। खोङने राङ ॱङोपो घीरी झ्‍युवालाक धेनी खोङगी क्षीदुराङ होराङ छोवा क्‍यालालाक। धेनी चोवो च्‍यीक नी, येशु मास्‍यीका लाक धेनी खोङगी थोक्‍ने ॱङोपो घीरी झ्‍युवालाक धेनी खोङने होराङ छोवा क्‍यालालाक।

१ कोरीन्‍थुपा 8:6 Iomraidhean Croise

मेथा 11:27

“ङी यापगी ङाला घीरी ॱनाङा हो़तालाक। यापगी माना सेला सी़या ङो ॱमेस्‍येलालाक धेनी से धाङ सेगी यापला तो़न्‍ये दो़पा हो़गीन मीक्‍याई माना, खोङला सी़या ङो ॱमेस्‍येलालाक।

मेथा 28:18

धेनी येशु खुङक्‍याचारु फेप्‍ती सुवालाक, “ॱनाम्‍सा ॱङीगी वाङ घीरी ङाला ॱनाङ हो़तालाक।

योहान्‍ना 1:10

कागो जीक्‍तेनदु श्‍युक हो़तालाक धेनी जीक्‍तेन खोङबागी थोक्‍ने को़वालाक हीना जीक्‍तेनगी खोङबाला ङो ॱमास्‍येवालाक।

योहान्‍ना 1:3

घीरी खोङगी थोक्‍ने झ्‍युवालाक धेनी झ्‍युजा घीरी, खोङगी थोक्‍ने माना माझ्‍युवालाक।

योहान्‍ना 10:30

ङा धाङ याप नी च्‍यीक हीन।”

योहान्‍ना 13:13

खेक्‍या ङाला ॱलोपो़न धाङ चोवो ॱनेरी ॱनालाक। होदे खेक्‍या धेन्‍पा ॱनालाक। घीझ्‍येरी ॱनाना ङा होगोराङ हीन।

योहान्‍ना 14:20

होदे ङीमागोला, ङा याप नाङ हो़गीन धाङ खेक्‍या ङी नाङ हो़गीन धेनी ङा खेक्‍याई नाङ हो़गीनगो खेक्‍याई स्‍येगीलाक।

योहान्‍ना 17:3

धा थामेपे छेसोक ॱनाना, खेराङ को़न्‍क्षोक धेन्‍पाला ङोस्‍येये धाङ खेराङगी ॱङाक्‍पे, येशु मास्‍यीकाला ङो स्‍येयेगो लाक।

योहान्‍ना 20:17

येशुगी मोला सुवालाक, “धान्‍दा थुक्‍पे ङा यापगी डुङदु ॱमाफाक्‍पा, ङाला माशीम। हीना ङी पी़नक्‍याचारु सोरी, खुङक्‍याला, ‘ङा नी ङाराङगी याप धाङ खेक्‍याई याप धेनी ङी को़न्‍क्षोक धाङ खेक्‍याई को़न्‍क्षोक चारु डी़हो़क’ ॱनेरी स्‍यो़क।”

जेपा 17:28

‘घीझ्‍येरी ॱनाना खोङबागी होराङला मीछे पी़ये धाङ ग्‍युक्‍ये धाङ होराङ सु हीन्‍गीनगो झ्‍युङयेगी वाङ ॱनाङालाक।’ देगी कोरला खेराङक्‍याई यीक चोम्‍गीन रीङगागी ॱनेवालाक, ‘होराङक्‍या खोङबागी दुङग्‍यु लाक।’

जेपा 2:36

“होझ्‍येरी धा ईस्‍राएलगी मी घीरीगी दे लाब ॱहाघो घोगुलाक। खेराङक्‍याई ग्‍याङस्‍यीङदु सेसा येशुला राङ को़न्‍क्षोकगी, चोवो धाङ मास्‍यीका ङीगारा को़ जे हो़तालाक।”

जेपा 5:31

ईस्‍राएलगी मीरीकक्‍याई राङगी धीक्‍पा पारी सेम ग्‍युरवा ताङये धाङ खुङक्‍याई धीक्‍पाक्‍याला घोयाङ ॱनाङयेगी क्षीला, को़न्‍क्षोकगी खोङला गोठी धाङ क्‍योप्‍खेन को़वा जेदी राङगी क्षाक ये स्‍योकला श्‍याक जेपालाक।

रोमापा 11:36

घीझ्‍येरी ॱनाना घीरी खोङगी को़वालाक। धेनी घीरी खोङगी थोक्‍ने खोङगी क्षीला झ्‍युवालाक। खोङला शीजे ग्‍युने ग्‍युन्‍दु हुङवास्‍योक। आमेन।

१ कोरीन्‍थुपा 1:2

कोरीन्‍थुरु हो़गीन, को़न्‍क्षोकगी क्षो़छोक धाङ मास्‍यीका येशुगी थोक्‍ने, को़न्‍क्षोकगी धाम्‍पा जेजा धाङ धाम्‍पे मी झ्‍युङयेला भो़पाक्‍यामुला साजा हो़लेने, खुङक्‍या धाङ होरी चोवो हीन्‍गीन होरी चोवो येशु मास्‍यीकागी छेन भो़गीन घीरीला,

१ कोरीन्‍थुपा 12:3

होझ्‍येरी को़न्‍क्षोकगी थुक्‍ङी गोने लाब ताङगीन सी़या “येशुला ॱमेमो फोक्‍वास्‍योक” ॱनेरी ॱमेनालाक धेनी धाम्‍पे थुक्‍ङीगी गोने च्‍यीगा “येशुराङ चोवो हीन।” ॱनेरी ॱना थुक्‍कीलाक ॱनागीन लाब दे, खेक्‍याई ॱहाघोकीनगो ङा दो़दीहो़क।

१ कोरीन्‍थुपा 6:13

खेक्‍या “फोवागी क्षीदु शामा धाङ शामागी क्षीदु फोवा लाक।” ॱनेरी ॱनालाक हीना को़न्‍क्षोकगी दे ॱङीगाराला मेताला जेगीलाक। धेनी ली़ नी, लोक्‍येमगी क्षीदु मेन्‍दा चोवोगी क्षीदु लाक धेनी चोवो नी, ली़गी क्षीदु लाक।

१ कोरीन्‍थुपा 8:4

धा ॱहाना ल्‍हाकुन्‍डाला पुपा शामागी कोरला ॱनाना “ल्‍हाकुन्‍डा नी हो़याः मेतालाक।” धेनी “को़न्‍क्षोक च्‍यीक माना श्‍येम्‍मा मेतालाक।” ॱनेरी, होराङला स्‍येये हो़तालाक।

एफीसुपा 1:3

होरी चोवो येशु मास्‍यीकागी याप, को़न्‍क्षोकला तो़पार स्‍योक। मास्‍यीकागी थोक्‍ने, खोङबागी होराङक्‍याला नाम्‍खे श्‍यीङखामगी सेम्‍ङीगी, झ्‍यीलाप हो़लेगो ॱनाङ हो़तालाक।

एफीसुपा 3:14

होझ्‍येरी ॱनाम्‍सा ॱङी नाङला हो़गीन, नाङमी रे-रेला यापने मीङ झ्‍युजा, खोङबागी डुङदु ङी पीमु साला चुक्‍ती ङा ॱमो़लाम श्‍यी़लाहीन।

कोलोसेपा 1:6

ताम्‍शाङ दे खीकी घुङदु ॱलेप्‍सालाक धेनी जीक्‍तेन घीरीदु ढेबु केरी फेली। होझ्‍येरीराङ खीकी घुङदुवाः खेक्‍याई ताम्‍शाङ घोरकीन धाङ को़न्‍क्षोकगी थुक्‍जेगी कोरला ॱङोन्‍ने ॱहाघोरकीन, ङीमानेराङ दे फेरी डी़।

१ पेटो 1:21

धेनी खेक्‍या खोङबागी गोनेराङ, को़न्‍क्षोकला धेपा केवालाक। को़न्‍क्षोकगी खोङला छीवाने सो़न्‍पो जेदी, खोङला शीजे जेपालाक। होझ्‍येरी खेक्‍या को़न्‍क्षोकला धेपा झ्‍येरी रेवा झ्‍यीदालाक।

ॱङो़न्‍पा 1:18

ङा नी सो़न्‍पोगो हीन। एम्‍मा ङा स्‍यीवालाक धेनी धान्‍दा तो़दाङ, ङा धी़ तेनगी क्षीदु सो़न्‍पो हो़क। धेनी ङाला छीवा धाङ स्‍यीम्‍पोक्‍या, धेसागी धीमीकक्‍या हो़क।