१ कोरीन्‍थुपा 8:4 - ॱलोवा

⁴ धा ॱहाना ल्‍हाकुन्‍डाला पुपा शामागी कोरला ॱनाना “ल्‍हाकुन्‍डा नी हो़याः मेतालाक।” धेनी “को़न्‍क्षोक च्‍यीक माना श्‍येम्‍मा मेतालाक।” ॱनेरी, होराङला स्‍येये हो़तालाक।

१ कोरीन्‍थुपा 8:4 Iomraidhean Croise

मारकु 12:29

येशुगी लेन ॱलोक्‍वा जेपालाक, “काक्‍याने गेक्षेस्‍योक धाङपोगो, ‘ये ईस्‍राएल ङेन, चोवो होरी को़न्‍क्षोक नी, चोवो च्‍यीक च्‍यीगा लाक।

जेपा 14:15

“खेराङक्‍याई दे घी झ्‍यीदाले? हेक्‍याः खेराङक्‍या च्‍योक्‍रे मी हीन। हेक्‍या खेराङक्‍याला ताम्‍शाङ स्‍येये ॱनेरी होवाहीन। देरे क्षोमेगीन लेगा भोरती, नाम्‍खे श्‍यीङखाम धाङ जाम्‍बुलीङ धाङ ग्‍याछो धेनी होदुरु हो़गीन घीरी को़ ॱनाङगीन, सो़न्‍पो को़न्‍क्षोकला यीच्‍चे झ्‍यीघोगुलाक।

जेपा 15:20

दे लाबक्‍याई कोरला देरे यीगी च्‍यीक ढीउ, ‘ल्‍हाकुन्‍डाला पुपा ॱमेचाङा झ्‍युजा शामा माशा धेनी लोक्‍येमने जेम्‍दी धो़क धेनी मीक्‍पा चीरती सेसा, धी़डोगी स्‍या माशा धेनी घीन्‍गीयाः ठाक ॱमाथुङ।’

जेपा 19:26

हीना दे पाउलुगी घी ॱनागीनगो, खेक्‍याई थोङालाक धेनी घोर हो़तालाक। मीगी शो़सा ल्‍हागो ल्‍हाराङ मालाक ॱनेरी ॱनी। खी़ दुरु एफीसु धाङ एशीयारु धेगीन मी माङक्षेला, खोरी लाब ॱलाप्‍ती गोवा कोरसादुक।

१ कोरीन्‍थुपा 8:1

धा ल्‍हाकुन्‍डाला पुपा शामागी कोरला, ङा ॱनाहीन। होराङ घीरीला स्‍येयो़न हो़गीनगो, होराङला स्‍येये हो़तालाक। स्‍येयो़नगी ङागेल केरु च्‍युक्‍वालाक हीना झाम्‍पागी च्‍यीकगी च्‍यीकला यारके ताङालाक।

१ कोरीन्‍थुपा 8:10

घीझ्‍येरी ॱनाना साम्‍लो क्‍योवा हो़गीनक्‍याई खे स्‍येयो़न हो़गीनक्‍याला, ल्‍हाकुन्‍डागी क्षो़खाङ नाङदु शागीनगो थोङना, खुङक्‍यागीयाः ल्‍हाकुन्‍डाला पुपा शामा शायेला ॱलोगोक झ्‍यीगीमाले?

१ कोरीन्‍थुपा 8:11

होझ्‍येरी खीकी स्‍येयो़नगी थोक्‍ने, साम्‍लो क्‍योवा हो़गीन पी़नगो मेताला डुगीलाक। धेनी मास्‍यीका नी, खी़ क्षीदुवा ढोङवालाक।

गालातीयापा 4:8

एम्‍मा खेक्‍या को़न्‍क्षोकला ङो ॱमेस्‍येली घाङला, को़न्‍क्षोक मेगीन ल्‍हाक्‍याला ॱयोक्‍पो ग्‍युक्‍वालाक।

एफीसुपा 4:6

धाङ को़न्‍क्षोक च्‍यीक हो़तालाक धेनी खोङ घीरीगी याप लाक। धेनी खोङबा घीरीगी थोकला धेनी घीरीगी थोक्‍ने, धाङ घीरीगी नाङ श्‍युक हो़तालाक।

१ तीमोथेउ 1:17

धी़ तेन्‍दु ॱनेगीन ग्‍यावु, जोक्‍ये मेगीन, ॱमीकगी थोङ ॱमीथुप्‍कीन को़न्‍क्षोक च्‍यीक च्‍यीक्‍पोला, ग्‍युने ग्‍युन्‍दु कुरती धाङ तो़पा झ्‍युङवास्‍योक। आमेन।

१ तीमोथेउ 2:5

घीझ्‍येरी ॱनाना को़न्‍क्षोक च्‍यीक हो़तालाक धेनी को़न्‍क्षोक धाङ मीगी घुङला, भारदुम ताङगीन च्‍यीक हो़तालाक, खोङ नी मास्‍यीका येशु,

युदा 1:25

खोङबा होरी क्‍याम्‍गो़न धाङ को़न्‍क्षोक च्‍यीक च्‍यीक्‍पोला, होरी चोवो येशु मास्‍यीकागी थोक्‍ने, शीजे धाङ ॱङेन्‍डाक धाङ नी़थु धाङ आङजा, कावा घीरीगी एम्‍माने धान्‍दा धाङ ग्‍युने ग्‍युन थुक्‍पे हुङास्‍योक। आमेन।