१ कोरीन्‍थुपा 8:12 - ॱलोवा

¹² धा देरे झ्‍येरी खेक्‍या खेरी पी़नक्‍याई ग्‍याप्‍केलदु धीक्‍पा झ्‍येरी, खुङक्‍याई साम्‍लो क्‍योवागोला ॱनो़ क्‍यारी, खेक्‍याई मास्‍यीकालाः धीक्‍पा झ्‍यीदालाक।

१ कोरीन्‍थुपा 8:12 Iomraidhean Croise

मेथा 18:10

“टु च्‍युङा देक्‍याने, च्‍यीकलाः थोङछुङ माझ्‍यी घीझ्‍येरी ॱनाना ङा खेक्‍याला ॱनाहीन, नाम्‍खे श्‍यीङखामदु खुङक्‍याई भाङछेनक्‍याई, नाम्‍खे श्‍यीङखामदु श्‍युक्‍कीन, ङी यापगी श्‍याल च्‍योई ज्‍यालालाक।

मेथा 18:21

धेनी पेटो होरी येशुला श्‍यी़वालाक, “चोवो, ङी पी़नगी ङी ग्‍याप्‍तु धीक्‍पा झ्‍यीना, ङा खोला थेङमा घाजो़ घोयाङ तेरये? थेङमा धी़न थुक्‍पे?”

मेथा 18:6

हीना ङाला धेपा झ्‍यीगीन देरे टुक्‍याने, च्‍यीकला धीक्‍पा झ्‍यीदु च्‍युक्‍ना, होदेगी मीक्‍पाला क्षुथाकगी धोगोङ क्षे च्‍यीक ताक्‍ती, ग्‍याछो नाङदु भीप्‍तु च्‍युक्‍ना घागुलाक।

मेथा 25:40

धेनी ग्‍यावुगी खुङक्‍याला लेन दे ॱनाङगीलाक, ‘ङा खेक्‍याला धेन्‍पाराङ ॱनाहीन, ङी पी़न देक्‍याने च्‍युङस्‍योक च्‍यीकला खेक्‍याई देरे झ्‍येहो़ना होदे खेक्‍याई ङाला झ्‍येवालाक।’

मेथा 25:45

धेनी खोङगी खुङक्‍याला लेन दे ॱनाङगीलाक, ‘ङा खेक्‍याला धेन्‍पाराङ ॱनाहीन, ङी पी़नक्‍याने च्‍युङस्‍योक च्‍यीकला खीकी देरे माझ्‍येवाला, खीकी होदे ङाला माझ्‍येवालाक।’

मारकु 9:42

येशुगी याङ सुवालाक, “मी सु च्‍यीया ङाला धेपा झ्‍यीगीन टुवाक्‍याने च्‍यीकला, धीक्‍पा झ्‍यीदु च्‍युक्‍ना मी दी मीक्‍पाला छोराकगी धोगोङ क्षे च्‍यीक ताक्‍ती, खोला ग्‍याछो नाङदु ॱयुक्‍ना घा हुङगुलाक।

लुका 17:2

दे टुवा च्‍यीमेक्‍या च्‍योक्‍रेने च्‍यीकला धीक्‍पा झ्‍यीदु च्‍युक्‍कीन, मीगी़ मीक्‍पाला थाकगी धोगोङ क्षे च्‍यीक ताक्‍ती, ग्‍याछो नाङदु ॱयुक्‍ना घागुलाक।

रोमापा 14:20

शामागी क्षीदु को़न्‍क्षोकगी लेगाला मेताला ॱमाताङ। ॱङोन्‍ने ॱनाना ॱङोपो घीरी चाङमा लाक हीना राङगी शागीनगी श्‍येम्‍माला भारचे ताङना होदे नोन्‍डु लाक।

१ कोरीन्‍थुपा 12:12

ली़ च्‍यीकला येन्‍लाक माङा हो़गीन धाङ येन्‍लाक माङा हो़ना ली़ च्‍यीक हीन्‍गीन च्‍योक्‍रे, मास्‍यीकाः दे च्‍योक्‍रेराङ लाक।