१ कोरीन्‍थुपा 8:1 - ॱलोवा

¹ धा ल्‍हाकुन्‍डाला पुपा शामागी कोरला, ङा ॱनाहीन। होराङ घीरीला स्‍येयो़न हो़गीनगो, होराङला स्‍येये हो़तालाक। स्‍येयो़नगी ङागेल केरु च्‍युक्‍वालाक हीना झाम्‍पागी च्‍यीकगी च्‍यीकला यारके ताङालाक।

१ कोरीन्‍थुपा 8:1 Iomraidhean Croise

जेपा 15:10

धा, होराङ धाङ होरी धाङबी फामाक्‍यागीयाः खुर ॱमाथुप्‍कीन खु दे, खुङक्‍या खाला कारी, घीझ्‍येरी को़न्‍क्षोकला खोङडो लाङाले?

जेपा 15:29

ल्‍हाकुन्‍डाला क्षो़पा पुपा शामा माशा धेनी घीन्‍गीयाः ठाक ॱमाथुङ धेनी मीक्‍पा चीरती सेसा, धी़डोगी स्‍या माशा धेनी लोक्‍येमने जेम्‍दी धो़क। दे लाबक्‍या चीना खेराङक्‍याला घा झ्‍युङगीलाक। खेराङक्‍या घीरीला घा हुङवास्‍योक।”

जेपा 21:25

हीना याहुदापा मेन्‍गीन मीरीकगी धेपा-झ्‍यीगीनक्‍याला ‘कुन्‍डाला पुपा शामा माशा, ठाक ॱमाथुङ धेनी मीक्‍पा चीरती, सेसा धी़डोगी स्‍या माशा धेनी लोक्‍येम झ्‍यीगीन लेगाने थाक्‍रीङबो धो़क’ ॱनेरी हेक्‍याई ढो़ झ्‍येरी यीक ढीक्‍ती कुसाहो़क।”

रोमापा 11:25

पी़नक्‍याओ, खेक्‍या राङला खेवा ॱमीचीयेगी क्षीला, खेक्‍याई साङवा दे स्‍येलास्‍योक ॱनेरी, ङा दो़दीहो़क। याहुदापा मेन्‍गीनक्‍या छाङबो को़न्‍क्षोकगी डुङदु माहुङगीन थुक्‍पे, ईस्‍राएल्‍पा रीङगाक्‍याई सेम ग्‍योङा झ्‍युङ हो़तालाक।

रोमापा 12:16

च्‍यीकगी च्‍यीकमुला थी़न्‍दी धो़क। राङतो़ माझ्‍यी हीना ॱङ्यामच्‍युङक्‍यामुला ढेवा झ्‍यी। धेनी हो़लेगो ख्‍यो़ला स्‍येये हो़गीन च्‍योक्‍रे माझ्‍यी।

रोमापा 14:10

धा ॱहाना ख्‍यो़ ख्‍यो़री पी़नला क्‍यो़न घीझ्‍येरी चुक्‍वाले? याङना ख्‍यो़ राङगी पी़नला थोङछुङ चीलाले? घीझ्‍येरी ॱनाना होराङ घीरी को़न्‍क्षोकगी ठीम्‍चो़गी श्‍युक्‍ठीगी दोङदु लाङगीलाक।

रोमापा 14:14

ॱङोपो घीया राङगी नाङ ॱमेचाङा मेयोङालाक हीना ॱमेचाङा साम्‍गीनगी क्षीदु, होदेगो ॱमेचाङाराङ हुङालाक ॱनेरी, ङाला स्‍येयेहो़क धेनी चोवो येशुगी नाङ ङा तेन-तेन हो़क।

रोमापा 14:19

होझ्‍येरी होराङक्‍या श्‍यीदे खेरती हुङगीन धाङ च्‍यीकगी च्‍यीकला यारके ताङगीन दो़नक्‍याला दो़नाङ झ्‍यीदु।

रोमापा 14:22

ख्‍यी़ नाङ हो़गीन धेपागो को़न्‍क्षोक धाङ ख्‍यो़री घुङदु श्‍योक। धेनी राङगी खेलेन झ्‍येजा दो़नगी, राङला क्‍यो़न चुक्‍तु ॱमीच्‍युक्‍कीन मीगो झ्‍यीलाप क्षे लाक।

रोमापा 14:3

ॱना हो़ले शागीनगी मेशागीनगोला थोङछुङ माझ्‍यीदास्‍योक धेनी मेशागीनगी़ शागीनगोला क्‍यो़न ॱमाचुक्‍वास्‍योक। घीझ्‍येरी ॱनाना को़न्‍क्षोकगी खोलाः खेलेन जे हो़तालाक।

रोमापा 15:14

ङी पी़नक्‍याओ, खेक्‍या शाङा धाङ स्‍येयो़नगी खाङखा धाङ च्‍यीकगी च्‍यीकला ॱलोप्‍तो़न झ्‍यी थुप्‍कीन दुक ॱनेरी, ङाला यीच्‍चे तेन्‍पो हो़क।

१ कोरीन्‍थुपा 1:5

घीझ्‍येरी ॱनाना ताम ॱना घीरी धाङ स्‍येयो़न ॱना घीरीगी थोक्‍ने, खेक्‍या खोङगी नाङ क्षोक घीरीने क्षुक्‍पु जेदुक।

१ कोरीन्‍थुपा 10:15

स्‍येरापचेन मीक्‍याला च्‍योक्‍रे, ङा खेक्‍याला ॱनाहीन धेनी ङी ॱनागीन लाबक्‍याला खेक्‍याराङ ताक्‍चा झ्‍यी।

१ कोरीन्‍थुपा 10:28

हीना मी च्‍यीकगी ख्‍यो़ला, “दे नी क्षो़पाला पुपा लाक।” ॱनेरी ॱनाना, होदे ॱनागीन मी धाङ शाङा याङना ङेन्‍पागी थाक चेगीन स्‍येयो़नगी क्षीला होदे माशा।

१ कोरीन्‍थुपा 14:20

पी़नक्‍याओ, साम्‍लो ताङदाङला टुवा च्‍योक्‍रे माझ्‍युङ। ङेन्‍पे क्षीदु टुवा च्‍योक्‍रे झ्‍युङ हीना साम्‍लो ताङदाङला मी क्षे च्‍योक्‍रे झ्‍युङ।

१ कोरीन्‍थुपा 15:34

खेक्‍या रीक्‍पा शीम धेनी धा देने ॱहाला, धीक्‍पा माझ्‍यी। खेक्‍याने रीङगागी को़न्‍क्षोकला ङोगोवाः ॱमेस्‍येगीन झ्‍येरी, खेक्‍या ङोछा घोयेदुक ॱनेरी ङा ॱनाहीन।

१ कोरीन्‍थुपा 4:10

मास्‍यीकागी दो़न्‍दु हेक्‍या ॱलेन्‍पा धाङ खेक्‍या मास्‍यीकागी नाङ खेवा दुक। हेक्‍या नी, क्‍योवा हो़क हीना खेक्‍या स्‍युक्‍क्षे दुक। धेनी खेक्‍याला कुरती धाङ हेक्‍याला ॱमेबेप थोप्‍दुक।

१ कोरीन्‍थुपा 4:18

ङा खेक्‍याचारु मेयोङगीलाक ॱनेरी साम्‍दी, खेक्‍याने रीङगा राङडा क्षे झ्‍युदुक।

१ कोरीन्‍थुपा 4:6

धा पी़नक्‍याओ, खेक्‍याला फेन्‍येगी क्षीदु, ङी ङाराङ धाङ आपोल्‍लोसगी पे श्‍याक्‍ती, हेक्‍याने खेक्‍याई सुङराप नाङदु ढीक्‍टा च्‍योक्‍रे मीछे पी़येगो ज्‍याङयेला तो़न हो़क। धेनी खेक्‍या च्‍यीकला ङोम्‍सो झ्‍येरी श्‍येम्‍माला दाङा झ्‍यीगीमालाक।

१ कोरीन्‍थुपा 5:2

धेनी खेक्‍यागो ङोम्‍सो झ्‍यीदाले? खेक्‍या ग्‍यो़पा झ्‍यीघोये हो़तामाले? देरे लेगा झ्‍यीगीनला खीकी घुङने पी़।

१ कोरीन्‍थुपा 5:6

खेक्‍या ङोम्‍सो झ्‍यीगीन दे घा मालाक। क्‍युरची च्‍यीमे च्‍यीकगी भाक्‍पे हो़लेला क्‍युर ॱलाङालाक ॱनेरी, खेक्‍या ॱमेस्‍येलालाक से?

१ कोरीन्‍थुपा 8:2

मी च्‍यीकगी “ङाला स्‍येयेहो़क” ॱनेरी साम्‍ना, खी़ स्‍येघो़गीनगो खी़ ॱमेस्‍येलालाक।

१ कोरीन्‍थुपा 8:4

धा ॱहाना ल्‍हाकुन्‍डाला पुपा शामागी कोरला ॱनाना “ल्‍हाकुन्‍डा नी हो़याः मेतालाक।” धेनी “को़न्‍क्षोक च्‍यीक माना श्‍येम्‍मा मेतालाक।” ॱनेरी, होराङला स्‍येये हो़तालाक।

१ कोरीन्‍थुपा 8:7

घीहीनाः मी घीरीला दे स्‍येयो़न मेयोङालाक। हीना मी रीङगाला ल्‍हाकुन्‍डा क्षो़येगो घोम्‍सासा झ्‍युरी, खुङक्‍या हुरे शामा शी घाङला ॱङोन्‍ने कुन्‍डाला पुपा लाक ॱनेरी सामालाक। धेनी खुङक्‍याई साम्‍लोगो क्‍योवा झ्‍युरी, खुङक्‍या ॱमेचाङा झ्‍युङालाक।

एफीसुपा 4:16

खोङबानेराङ ली़ घाङजाङ ग्‍युपा रे-रेगी थी़था धाङ मुला धाम्‍दा हो़तालाक। होझ्‍येरी येन्‍लाक मीरी-मीरीगी राङगी झ्‍यीघोगीन लेगागो झ्‍यीना, ली़ घाङजाङ छारती झाम्‍पागी थोक्‍ने राङला यारके ताङालाक।

कोलोसेपा 2:18

धेनी मी सी़या खेक्‍याला ॱङ्यामच्‍युङ झ्‍युङये धाङ नाम्‍खे भाङछेनला क्षाक्‍क्षो़पा पुयेला उजुक ग्‍याप्‍ती, खीकी ज्‍यागा ठोक्‍तु ॱमाच्‍युक। देरे मीक्‍या राङगी थोङनाङगी कोरला, लाब ॱना माङा ताङालाक धेनी राङगी जीक्‍तेनगी साम्‍लो ताङदाङला, खुङक्‍या दो़न्‍मेदु ङागेलगी खाङालाक।

ॱङो़न्‍पा 2:14

हीना ङाला खेक्‍याला क्‍यो़न चुक्‍येगी लाबक्‍या हो़क। खेक्‍याई खोक्‍दु बालामगी क्षो़ला ती़न्‍गीन, मी रीङगा दुक। ईस्‍राएल्‍पाक्‍याला धीक्‍पे नाङदु ॱली़येला, ल्‍हाकुन्‍डाक्‍याला पुपा शामा शाये धाङ लोक्‍येम झ्‍यीयेला बालामगी, बालाकला ॱलाप्‍पालाक।

ॱङो़न्‍पा 2:20

हीना ख्‍यो़ला ङा क्‍यो़न च्‍यीक चुक्‍येहो़क। ख्‍यो़ एजेबेल ॱनागीन भोमोला शो़पा झ्‍यीदीक। मो मोराङला ॱङो़नस्‍येखेन च्‍यीक हीन ॱनालाक धेनी ङी श्‍याप्‍चीक्‍याला लोक्‍येम झ्‍यीये धाङ ल्‍हाकुन्‍डाक्‍याला पुपा शामा शाये ॱलाप्‍ती, खुङक्‍याला ॱली़लालाक।