१ कोरीन्‍थुपा 7:31 - ॱलोवा

³¹ धेनी जीक्‍तेनगी च्‍यालाकक्‍या लाक्‍लेन ताङगीनक्‍या, होदेला ढेवा घीया मेगीन च्‍योक्‍रे झ्‍यीघो़। घीझ्‍येरी ॱनाना जीक्‍तेनगी धान्‍दागी ॱनाम्‍पा नी मेताला डी़।

१ कोरीन्‍थुपा 7:31 Iomraidhean Croise

लुका 21:34

“हीना खेक्‍या च्‍याङजे झ्‍येरी धो़क। मेन्‍ना खीकी सेम ङ्याम ताङये धाङ शीरी धेये धाङ मीछेगी दुङागी ॱनेम्‍गीलाक। धेनी होदे ङीमागो ॱहाताक्‍पाला, ॱङीपला थेम्‍गीन च्‍योक्‍रे हुङगीलाक।

१ कोरीन्‍थुपा 7:29

पी़नक्‍याओ, ङी ॱनागीनगी दो़न्‍दाकगो दे लाक। धी़चो़ तुङा दुक। धा देने ॱहाला केमी हो़गीनक्‍या केमी मेगीन च्‍योक्‍रे, झ्‍येरी मीछे क्‍याघो़।

१ कोरीन्‍थुपा 7:30

दुक ॱरुङगीनक्‍या दुक ॱमीरुङगीनक्‍या च्‍योक्‍रे, ङ्यामो ताङगीनक्‍या ङ्यामो ॱमेताङगीनक्‍या च्‍योक्‍रे धेनी च्‍यालाक ङ्योगीनक्‍या राङला घीया मेगीन च्‍योक्‍रे,

१ कोरीन्‍थुपा 9:18

धा ॱहाना ङी ज्‍यागागो घी ले? ताम्‍शाङ स्‍येयेगी लेगाला ङारी आङजागी थोप्‍ताङ ॱमेचाला धेनी रीङ मेलेन्‍दा ताम्‍शाङ स्‍येये राक्‍ये दे, च्‍यीगा ङी ज्‍यागा लाक।

ईब्‍रीपा 12:27

“धोराङाः थेङ च्‍यीक” सुङगीन का दी, को़पागी नाङ हो़गीन घु-घु ताङ थुक्‍कीन घीरी मेताला जेगीलाक धेनी घु-घु ताङ ॱमीथुक्‍कीनक्‍या ॱनेगीलाक।

याकोब 4:14

ॱङेटो घी झ्‍युङगीनगो खेक्‍या ॱमेस्‍येलालाक। खीकी मीछे दे घी लाक से? घीझ्‍येरी ॱनाना खेक्‍या नी धी़ तीते च्‍यीक ॱङो़न्‍दी, येरी डुगीन ॱमुक्‍पा च्‍योक्‍रे लाक।

१ पेटो 1:24

घीझ्‍येरी ॱनाना, “स्‍याठाक घीरी चा धाङ डा, शीजे घीरी चागी मेन्‍तोक डा। चा नी काम्‍ने मेन्‍तोक ये।

१ पेटो 4:7

दो़न घीरीगी थागो ङे ॱलेप्‍दुक। होझ्‍येरी खेक्‍या ॱमो़लाम ग्‍याप्‍येगी क्षीदुराङ, छो़ शीम्‍गीन धाङ शाप-शाप झ्‍युङघो़।

१ योहान्‍ना 2:17

दे जीक्‍तेन धाङ दी दो़क्षाकक्‍या येरी डोवालाक हीना को़न्‍क्षोकगी थुकोङ डुप्‍कीनक्‍या ग्‍युने ग्‍युन्‍दु ॱनेलालाक।