१ कोरीन्‍थुपा 7:10 - ॱलोवा

¹⁰ ॱनामा लेन्‍सासाक्‍याला ङा का दे तेराहीन (दे का नी ङी मेन्‍दा चोवोगी लाक), केमी च्‍यीक राङगी ख्‍योवाने खा माडास्‍योक।

१ कोरीन्‍थुपा 7:10 Iomraidhean Croise

मेथा 5:32

हीना ङा खेक्‍याला ॱनाहीन, दो़लोकगी दो़न्‍दाक माना श्‍येमा दो़न्‍दाक्‍याई झ्‍येरी, राङगी केमीमुला खा डागीनगी़ मोला लोक्‍येम झ्‍यीदु च्‍युक्‍वालाक। धेनी खा डागीन भोमो देमुला ॱनामा लेन्‍गीनगी़या, लोक्‍येम झ्‍यीदालाक।

मारकु 10:2

फारुसीपा रीङगा होरे, येशुला छो़ता झ्‍यीयेला देरे ढीवालाक, “केवे ख्‍योवा च्‍यीक राङगी केमीमुला, खा डाना क्षो़ठीमला थी़न्‍दाले?”

लुका 16:18

खोरी केमीला भोरती श्‍येम्‍मामुला ॱनामा लेन्‍ना, होदेगी लोक्‍येम झ्‍यीदालाक धेनी राङगी ख्‍योवाने, खा डागीन केमीमुला ॱनामा लेन्‍गीन मीगीया लोक्‍येम झ्‍यीदालाक।

१ कोरीन्‍थुपा 7:11

(हीना खा ढा हो़नाः, मो ॱनामाला मेडोवा धेघो़ याङना राङगी ख्‍योवामुला राङ क्षाम्‍घो़।) धेनी ख्‍योवागीयाः राङगी केमीला माभोरास्‍योक।

१ कोरीन्‍थुपा 7:12

धेनी खे श्‍येम्‍माक्‍याला ङा ॱनाहीन (दे चोवोगी मेन्‍दा, ङाराङगी ॱनाताङ हीन), पी़न च्‍यीकला धेपा मीझ्‍यीगीन केमी झ्‍येरी धेनी मो खी़मुला धेङी दो़ना, खो मी़मोला खा ढाये मेतालाक।

१ कोरीन्‍थुपा 7:15

हीना धेपा मीझ्‍यीगीनगी़ राङगी रोवामुला खा ढाङी दो़ना, खा डारु च्‍युक। देरे झ्‍युङना धेपा झ्‍यीगीन ख्‍योवा याङना केमीगो सी़याः वाङदु मेयोङालाक। घीझ्‍येरी ॱनाना को़न्‍क्षोकगी होराङला श्‍यीदेगी नाङदु ॱनेयेला भो़ जेपालाक।

१ कोरीन्‍थुपा 7:25

धा भोमो नाच्‍युङमाक्‍याई कोरला चोवोगी का ङाला मेक, हीना ङा चोवोगी थुक्‍जेगी गोने ॱलो काथुक्‍कीन मी च्‍यीक झ्‍येरी, ङारी साम्‍जु स्‍येदाहीन।

१ कोरीन्‍थुपा 7:40

हीना ङी साम्‍लोला, मो मोरोङमा राङ धेना मोला ॱयो़ल्‍ले कीदा झ्‍युङगीलाक। धेनी ङी दे ॱनी घाङला, ङा खेक्‍याला को़न्‍क्षोकगी थुक्‍ङी गोने ॱलोप्‍तो़न तेरी हो़क ॱनेरी, ङी साम्‍लो हो़क।

१ कोरीन्‍थुपा 7:6

ङा खेक्‍याला दे लाबक्‍या का च्‍योक्‍रे मेन्‍दा हीना थोप्‍ताङगी थोक्‍ने ॱनाहीन।