१ कोरीन्‍थुपा 6:15 - ॱलोवा

¹⁵ खीकी ली़ नी मास्‍यीकागी येन्‍लाकक्‍या हीन्‍गीनगो, खेक्‍याला स्‍येये मेते? धा ङा मास्‍यीकागी येन्‍लाकक्‍या खेरती, श्‍याङचोङगीनगी येन्‍लाक शोये? देरे फुक्‍की माझ्‍युङास्‍योक।

१ कोरीन्‍थुपा 6:15 Iomraidhean Croise

लुका 20:16

खो होरी खुङक्‍याला सेगीलाक धेनी दुम्‍रागो श्‍येम्‍माक्‍याला तेरकीलाक।” मीक्‍याई होदे घोरती ॱनेवालाक, “देरे नामाः माझ्‍युङास्‍योक।”

रोमापा 12:5

होराङ माङा हो़गीनक्‍याः मास्‍यीका नाङ, होराङ ली़ च्‍यीक लाक धेनी होराङ घीरी होदेगी येन्‍लाकक्‍या लाक।

रोमापा 3:31

धा हुरे हीन्‍ना धेपागी थोक्‍ने, क्षो़ठीमगो दो़न मेगीन झ्‍युङालाक से? देरे फुक्‍की मालाक। ॱयोल्‍ले होराङ क्षो़ठीम तेन्‍पो झ्‍येरी ॱरुङालाक।

रोमापा 3:6

देरे फुक्‍की मालाक। देरे हीन्‍ना, को़न्‍क्षोकगी जीक्‍तेनला घाङगी झ्‍येरी ठीम्‍चो़ जे थुक्‍कीलाक से?

रोमापा 6:15

धा ॱहाना घी? होराङ क्षो़ठीमगी वाङ होकदु मेन्‍दा हीना थुक्‍जेगी वाङ होकदु हो़क ॱनेरी, होराङ धीक्‍पा झ्‍यीगुलाक से? देरे फुक्‍की मालाक।

रोमापा 6:2

देरे फुक्‍की मालाक। होराङ नी, धीक्‍पागी नाङ स्‍यीछारसा झ्‍येरी, धा धोराङा होदे नाङदु घाङगी झ्‍येरी छोवा क्‍याथुक्‍कीले?

रोमापा 7:13

धा ॱहाना शाङपो हीन्‍गीन क्षो़ठीमगी, ङाला छीवा खेरती होवालाक से? देरे फुक्‍की मालाक। हीना धीक्‍पागो धीक्‍पा लाक ॱनेरी ङोस्‍येरु च्‍युक्‍येगी क्षीला, शाङा हीन्‍गीनगो भेचो़ झ्‍येरी धीक्‍पागी ङाला सेपालाक। धेनी होझ्‍येरी कागी थोक्‍ने, धीक्‍पागो ॱयोल्‍ले छाप्‍क्षे धीक्‍पा तो़न्‍बालाक।

रोमापा 7:7

धा ॱहाना हेक्‍या घी ॱनाये? क्षो़ठीमगो धीक्‍पा लाक से? फुक्‍की मालाक। क्षो़ठीमगो मेना, ङी धीक्‍पा घी हीन्‍गीनगो ङोस्‍येये मेक। घीझ्‍येरी ॱनाना “ख्‍यी़ ॱहाम्‍बा माझ्‍यी।” ॱनेरी क्षो़ठीमगी ॱमाने हो़ना, ॱहाम्‍बा झ्‍यीयेगो घी ले ॱनेरी ङी स्‍येयेमेक।

१ कोरीन्‍थुपा 11:3

हीना केवे-भु घीरीगी उ नी मास्‍यीका लाक धेनी केमीगी उ नी, मोरी ख्‍योवा लाक धेनी मास्‍यीकागी उ नी को़न्‍क्षोक लाक ॱनेरी, खेक्‍याई स्‍येगीनगो ङा दो़दीहो़क।

१ कोरीन्‍थुपा 12:27

धा खेक्‍या मास्‍यीकागी कुली़ लाक धेनी खेक्‍या रे-रे खोङगी येन्‍लाकक्‍या लाक।

१ कोरीन्‍थुपा 6:13

खेक्‍या “फोवागी क्षीदु शामा धाङ शामागी क्षीदु फोवा लाक।” ॱनेरी ॱनालाक हीना को़न्‍क्षोकगी दे ॱङीगाराला मेताला जेगीलाक। धेनी ली़ नी, लोक्‍येमगी क्षीदु मेन्‍दा चोवोगी क्षीदु लाक धेनी चोवो नी, ली़गी क्षीदु लाक।

१ कोरीन्‍थुपा 6:17

हीना चोवोमुला डेगीन नी, खोङमुला थुक्‍ङीने च्‍यीक झ्‍युङालाक।

१ कोरीन्‍थुपा 6:19

खीकी नाङ श्‍युक्‍कीन धाङ को़न्‍क्षोकने खेक्‍याला थोप्‍था धाम्‍पे थुक्‍ङीगी क्षो़खाङ नी, खीकी ली़ हीन्‍गीनगो खेक्‍याला स्‍येये मेते? खेक्‍या खेरी राङगी मालाक।

१ कोरीन्‍थुपा 6:3

नाम्‍खे भाङछेनक्‍याई ठीम, होराङ चेयेलाक ॱनेरी, खेक्‍याला स्‍येये मेते? देरे हीन्‍ना दे मीछेला झ्‍युङगीन दो़नक्‍या घी क्षे लाक से?

गालातीयापा 2:17

हीना होराङ मास्‍यीकागी गोने ढाङपो झ्‍युङयेगी थापस्‍यी चाली घाङला, होराङक्‍याराङ क्षो़ठीमगो पारी धीक्‍पा झ्‍यीगीन थुक्‍ना, मास्‍यीकागी धीक्‍पा झ्‍यीरु च्‍युक्‍पाले? दे फुक्‍की मालाक।

गालातीयापा 3:21

धा हाना, को़न्‍क्षोकगी धाम्‍चाक्‍याला क्षो़ठीमगी ग्‍याप्‍केल झ्‍यीदाले? देरे फुक्‍की मालाक। छे ॱनाङ थुप्‍कीन क्षो़ठीम तेर हो़ना, क्षो़ठीमने राङ ढाङतेनला ग्‍युरये हो़क।

गालातीयापा 6:14

ङा राङ-राङला चोवो येशु मास्‍यीकागी ग्‍याङस्‍यीङला माना, श्‍येम्‍मा घीला ङोमग्‍यु ॱमीझ्‍युङास्‍योक। खोङबागी ग्‍याङस्‍यीङगी गोने ङी क्षीला जीक्‍तेन धाङ ङा जीक्‍तेनगी क्षीला स्‍यीवा हीन।

एफीसुपा 4:12

मास्‍यीकागी क्षो़छोक यारके ताङयेगी क्षीला श्‍याप्‍ची श्‍युयेगी लेगाक्‍याला, मी धाम्‍पाक्‍या डाढीक झ्‍यीयेला लाक।

एफीसुपा 5:23

घीझ्‍येरी ॱनाना क्षो़छोक नी, मास्‍यीकागी कुली़ झ्‍येरी मास्‍यीका नी, क्षो़छोकगी उ धाङ खोङबाराङ होदेगी क्‍याम्‍गो़न हीन्‍गीन च्‍योक्‍रे, ख्‍योवागो केमीगी गोवा हीन।

एफीसुपा 5:30

घीझ्‍येरी ॱनाना होराङ खोङबागी कुली़गी येन्‍लाकक्‍या लाक।

कोलोसेपा 2:19

देरेक्‍या नी, कुली़गी उ हीन्‍गीन मास्‍यीकाने, खा डा हो़तालाक। दे उ नेराङ शु घीरीला री़छीक धाङ ग्‍युपागी थोक्‍ने, च्‍यी़ जोरती मुला ढीक्‍ती, को़न्‍क्षोकने झ्‍युङगीन छारलुङला केरी डोवालाक।