१ कोरीन्‍थुपा 6:13 - ॱलोवा

¹³ खेक्‍या “फोवागी क्षीदु शामा धाङ शामागी क्षीदु फोवा लाक।” ॱनेरी ॱनालाक हीना को़न्‍क्षोकगी दे ॱङीगाराला मेताला जेगीलाक। धेनी ली़ नी, लोक्‍येमगी क्षीदु मेन्‍दा चोवोगी क्षीदु लाक धेनी चोवो नी, ली़गी क्षीदु लाक।

१ कोरीन्‍थुपा 6:13 Iomraidhean Croise

मेथा 15:17

खा नाङदु डोगीन घीरी फोवा नाङदु जुरी, फीला थो़न्‍गीनगो खेक्‍याला क्षा मेताले?

मेथा 15:20

देक्‍याई राङ मीला ॱमेचाङा शोवालाक। हीना लाक्‍पा ॱमाठी़वा शाना, मीला ॱमेचाङा मेशोवालाक।”

मारकु 7:19

घीझ्‍येरी ॱनाना होदे खी़ सेमला मेन्‍दा, फोवाला डोवालाक धेनी होदे फीला थो़न्‍दालाक।” (देरे सुरी येशुगी शामा घीरी चाङमा लाक सुरी सेटाक जेपालाक।)

योहान्‍ना 6:27

मेताला डोगीन शामागी क्षीला मेन्‍दा, हीना मी-भुगी ॱनाङगीन थामेपे छेसोक छोगीन शामागी क्षीला काल्‍ले ग्‍योप। घीझ्‍येरी ॱनाना खोङबागी खाला याप को़न्‍क्षोक राङगी ताक जे हो़तालाक।”

योहान्‍ना 6:49

खीकी धाङबी फामाक्‍याई ॱमान्‍ना शेरीया खुङक्‍या स्‍यीवालाक।

रोमापा 12:1

होझ्‍येरी पी़नक्‍याओ, को़न्‍क्षोकगी खेक्‍याला ॱङीङजे शीया जेदी, खोङगी डुङदु धाम्‍पा धाङ थुक्‍ङेउ झ्‍युङयेला, राङगी ली़गो क्षो़पा सो़न्‍पो च्‍योक्‍रे फी़ ॱनेरी, ङा खेक्‍याला श्‍योवा पुलाहीन। देराङ खेक्‍याई खोङबाला पु घो़गीन क्षाक्‍क्षो़पा धेन्‍पागो लाक।

रोमापा 14:17

घीझ्‍येरी ॱनाना को़न्‍क्षोकगी ग्‍यासी नी, शाये धाङ थुङये मालाक हीना धाम्‍पे थुक्‍ङीगी नाङ ढाङतेन धाङ श्‍यीदे धाङ घाटो लाक।

रोमापा 6:12

होझ्‍येरी दो़क्षाकगी वाङ होकदु मेडोयेगी क्षीला, धीक्‍पाला खेक्‍याई स्‍यीरी डोये हीन्‍गीन ली़ला वाङ झ्‍यीदु ॱमाच्‍युक।

रोमापा 7:4

देरेराङ झ्‍येरी ङी पी़नक्‍याओ, खेक्‍याः मास्‍यीकागी कुली़गी थोक्‍ने, क्षो़ठीमगी क्षीदु स्‍यीवालाक। दे नी खेक्‍या छीवाने कुसो़न्‍पो श्‍याङस्‍या, मी श्‍येम्‍मा याङना मास्‍यीकामुला दुमा स्‍योक ॱनेरी, धेनी होराङक्‍या को़न्‍क्षोकगी क्षीदु ढेबु केलास्‍योक ॱनेरी लाक।

१ कोरीन्‍थुपा 3:16

खेक्‍या नी को़न्‍क्षोकगी क्षो़खाङ हीन्‍गीन धाङ को़न्‍क्षोकगी थुक्‍ङी, खीकी नाङ श्‍युक्‍कीनगो खेक्‍याला स्‍येये मेते?

१ कोरीन्‍थुपा 6:15

खीकी ली़ नी मास्‍यीकागी येन्‍लाकक्‍या हीन्‍गीनगो, खेक्‍याला स्‍येये मेते? धा ङा मास्‍यीकागी येन्‍लाकक्‍या खेरती, श्‍याङचोङगीनगी येन्‍लाक शोये? देरे फुक्‍की माझ्‍युङास्‍योक।

१ कोरीन्‍थुपा 6:19

खीकी नाङ श्‍युक्‍कीन धाङ को़न्‍क्षोकने खेक्‍याला थोप्‍था धाम्‍पे थुक्‍ङीगी क्षो़खाङ नी, खीकी ली़ हीन्‍गीनगो खेक्‍याला स्‍येये मेते? खेक्‍या खेरी राङगी मालाक।

२ कोरीन्‍थुपा 11:2

को़न्‍क्षोकगी लेमो ङा खेक्‍याई क्षीदु ठादोक झ्‍यीदीहो़क घीझ्‍येरी ॱनाना ख्‍योवा च्‍यीक च्‍यीगा हीन्‍गीन मास्‍यीकागी क्षीदु, ङी खेक्‍याला नाच्‍युङमा चाङमा च्‍यीक च्‍योक्‍रे ॱनामाला पुयेगो, ङी क्षो़ताम झ्‍येवी।

२ कोरीन्‍थुपा 5:15

धेनी खोङबा घीरीगी क्षीदु ढोङा जेपालाक। धा सो़न्‍पो ॱनेगीनक्‍या राङगी क्षीदु मेन्‍दा, खुङक्‍याई क्षीदु ढोङा जेगीन धाङ ॱलार सो़न्‍पो श्‍याङा जेगीन, खोङ मास्‍यीकागी क्षीदु सो़न्‍पो ॱनेघो़।

गालातीयापा 5:24

धेनी मास्‍यीका येशुगी हीन्‍गीनक्‍याई, खोरी धीक्‍चेन राङश्‍यीगो दो़क्षाक धाङ दो़पाक्‍यामुला ग्‍याङस्‍यीङदु क्‍याङदी सेपालाक।

एफीसुपा 5:23

घीझ्‍येरी ॱनाना क्षो़छोक नी, मास्‍यीकागी कुली़ झ्‍येरी मास्‍यीका नी, क्षो़छोकगी उ धाङ खोङबाराङ होदेगी क्‍याम्‍गो़न हीन्‍गीन च्‍योक्‍रे, ख्‍योवागो केमीगी गोवा हीन।