१ कोरीन्‍थुपा 6:11 - ॱलोवा

¹¹ धेनी खेक्‍या नाङने रीङगा एम्‍मा देरे हो़तालाक। हीना चोवो येशु मास्‍यीकागी छेन धाङ होरी को़न्‍क्षोकगी थुक्‍ङीगी थोक्‍ने, खेक्‍या चाङमा धाङ धाम्‍पा धाङ ढाङपो जेपालाक।

१ कोरीन्‍थुपा 6:11 Iomraidhean Croise

मेथा 20:4

धेनी खी़ खुङक्‍याला ॱनेवालाक, ‘खेक्‍याः घुन्‍डुमगी दुम्‍रादु सोङ धेनी ॱला तेर घो़गीनगो, ङी खेक्‍याला तेरु।’

लुका 18:14

धेनी येशुगी सुवालाक, “ङा खेक्‍याला ॱनाहीन, श्‍येम्‍मा मीगो मेन्‍दा, दे मी दे को़न्‍क्षोकगी डुङदु याङदाक्‍पा झ्‍युरी, खोरी नाङला लोक्‍पालाक। घीझ्‍येरी ॱनाना राङला थोवा शोगीनक्‍या, घीरी ॱमावा जेगीलाक धेनी राङला ॱमावा शोगीन घीरीला थोवा जेगीलाक।”

योहान्‍ना 13:10

येशुगी खोला सुवालाक, “ठी़ ग्‍याप्‍सागीनगी़ काङबा माना, घीया ठी़ मेघोगीलाक। खो चाङमा हुङालाक। धेनी खेक्‍या चाङमा हीन हीना घीरी मालाक।”

योहान्‍ना 13:8

पेटोगी येशुला श्‍यी़वालाक, “खेराङगी ङी काङबा नामा ठी़ये मेतालाक।” येशुगी खोला लेन ॱनावालाक, “ङी ख्‍यो़ला ॱमाठी़ना, ख्‍यो़ ङीमुला ढेवा मेतालाक।”

योहान्‍ना 5:4

[खुङक्‍या होदे क्षु घुयेला घुक्‍ती धेतालाक। घीझ्‍येरी ॱनाना धी़-धी़ला को़न्‍क्षोकगी भाङछेन च्‍यीक होरी, होदे जीङुगी क्षु टुक्‍वालाक धेनी क्षुगो घुलुङ मेताला सु एन्‍ला होदे नाङदु जुली, होदे नाजा घारेगी तुम्‍दी धेहो़ना खो ढालाक।]

जेपा 13:39

येशुला धेपा-झ्‍यीगीनक्‍या घीरी धीक्‍पाने थारपा थोप्‍ती, को़न्‍क्षोकगी डुङदु ढाङपो झ्‍युङगीलाक। दे लेगा मोशेगी ॱनाङना क्षो़ठीमगी डुप ॱमाथुक्‍पालाक।

जेपा 22:16

होझ्‍येरी धा ख्‍यो़ घीला घुक्‍ती धेता? लोङ धेनी ठी़सो़ लेन धेनी ख्‍यो़री धीक्‍पाक्‍या चाङमा शोयेला, चोवो येशुगी छेन भो़।’

जेपा 26:18

ङा ख्‍यो़ला खुङक्‍याई ॱमीक पेरी, खुङक्‍याला मी़नाक्‍पाने हो़क स्‍योकला ठीक्‍ती हुङये धाङ धी़कगी आङजाने को़न्‍क्षोक चारु ठीक्‍ती हुङयेला झाङाहीन। धेनी ङाला धेपा झ्‍येरी, खुङक्‍याला खोरी धीक्‍पागी घोङपा राक्‍कीलाक धेनी खुङक्‍यालाः को़न्‍क्षोकगी मीक्‍यामुला धेये राक्‍कीलाक।’

रोमापा 3:24

हीना राङगी थुक्‍जेगी रीङ मेगीन ॱनाङज्‍यीनने, को़न्‍क्षोकगी मी घीरीला ढाङपो जेदालाक। दे नी, मीक्‍याला धीक्‍पाने थारपा जेगीन, येशु मास्‍यीकागी थोक्‍ने जेदालाक।

रोमापा 4:5

हीना लेगा मीझ्‍यीगीन धाङ क्षो़ ॱमीचीगीनक्‍याला ढाङपो जेगीन को़न्‍क्षोकला, धेपा झ्‍यीना होदे मीगी धेपागो ढाङपो चीलालाक।

रोमापा 5:1

होझ्‍येरी धेपागी गोने होराङ ढाङपो चीचा झ्‍येरी, होराङ होरी चोवो येशु मास्‍यीकागी थोक्‍ने, को़न्‍क्षोकमुला दुम्‍पालाक।

रोमापा 5:9

धा खोङगी कुठाकगी गोने होराङ ढाङपो चीचा झ्‍येरी, खोङगी थोक्‍ने होराङ को़न्‍क्षोकगी थुक्‍ठो़ने ॱयो़ल्‍ले माङा थारकीलाक।

रोमापा 8:30

धेनी खोङगी खुङक्‍याला दामा जेदी, खुङक्‍याला राङचारु भो़याः जेपालाक। धेनी खोङगी राङचारु भो़ जेजाक्‍याला, ढाङपोवाः जेपालाक। धेनी ढाङपो जेजाक्‍याला राङगी शीजेगोवाः ॱनाङा जेपालाक।

रोमापा 8:33

को़न्‍क्षोकगी दामा जेजाक्‍याला सी़ क्‍यो़न चुक थुक्‍कीले? ढाङपो जेगीन नी को़न्‍क्षोक लाक।

१ कोरीन्‍थुपा 1:2

कोरीन्‍थुरु हो़गीन, को़न्‍क्षोकगी क्षो़छोक धाङ मास्‍यीका येशुगी थोक्‍ने, को़न्‍क्षोकगी धाम्‍पा जेजा धाङ धाम्‍पे मी झ्‍युङयेला भो़पाक्‍यामुला साजा हो़लेने, खुङक्‍या धाङ होरी चोवो हीन्‍गीन होरी चोवो येशु मास्‍यीकागी छेन भो़गीन घीरीला,

१ कोरीन्‍थुपा 1:30

मास्‍यीका येशुगी नाङ खेक्‍या हो़गीन दे, को़न्‍क्षोकगी झ्‍येरी लाक। धेनी मास्‍यीका नी, होरी दो़नला को़न्‍क्षोकने होरी स्‍येराप धाङ होरी ढाङतेन धाङ होरी धाम्‍पा धाङ होरी थारलाम झ्‍युवालाक।

१ कोरीन्‍थुपा 12:2

धेनी खेक्‍या धेपा मीझ्‍यीदी घाङला, थापस्‍यी माङागी थोक्‍ने लाब ताङ ॱमीथुक्‍कीन ल्‍हाकुन्‍डाक्‍या स्‍योकला, खेक्‍या क्षाक्‍क्षो़पा पुयेला यो़री सोसागो खेक्‍याई स्‍येलालाक।

गालातीयापा 2:16

हीना क्षो़ठीमगी लेक्‍याने ढाङपो मीग्‍युरा, येशु मास्‍यीकाला धेपा झ्‍यीना ढाङपो ग्‍युरालाक ॱनेरी, होराङक्‍या स्‍येलालाक। होझ्‍येरी क्षो़ठीमगी लेने सुवा ढाङपो मीग्‍युरकीन झ्‍येरी, लेगाने मेन्‍दा मास्‍यीकाला धेपा झ्‍येरी ढाङपो ग्‍युरयेगी क्षीला, होराङक्‍यागीया येशु मास्‍यीकाला धेपा झ्‍येवालाक।

गालातीयापा 3:11

को़न्‍क्षोकगी डुङदु क्षो़ठीमगी थोक्‍ने, सुवा दाक्‍कीमालाक ॱनेरी सावो हो़तालाक घीझ्‍येरी ॱनाना, “ढाङतेन्‍पा नी धेपागी थोक्‍नेराङ सो़न्‍पो ॱनेगीलाक।”

गालातीयापा 3:24

होराङ धेपागोने को़न्‍क्षोक डुङदु याङदाक्‍पा ग्‍युरयेला, मास्‍यीका ॱमाफेप्‍कीन थुक्‍पे क्षो़ठीम होरी तादोक झ्‍यीगीन झ्‍युवालाक।

गालातीयापा 3:8

को़न्‍क्षोकगी धेपागी थोक्‍ने, याहुदापा मेन्‍गीन मीरीकक्‍याला दाक्‍तु जेये हीन्‍गीनगो, सुङरापगी एन्‍लाराङ शीक्‍ती आब्‍राहामला, “ख्‍यी़ थोक्‍ने मीरीक घीरीला झ्‍यीलाप थोप्‍कीलाक।” ॱनेरी एम्‍मानेराङ ताम्‍शाङ दे सुङा जेपालाक।

एफीसुपा 5:26

दीगी दो़नगो, क्षो़छोकला धाम्‍पा जेयेगी क्षीला कागी थोक्‍ने, क्षुगी ठी़री चाङमा जेपालाक।

एफीसुपा 5:8

घीझ्‍येरी ॱनाना काब च्‍यीकला खेक्‍या मी़नाक नाङ हो़तालाक हीना धान्‍दा, चोवोगी नाङ खेक्‍या हो़ नाङदु हो़तालाक। हो़गी टुवाक्‍या च्‍योक्‍रे मीछे क्‍यो़।

२ थेसालोनीकेपा 2:13

चोवोगी चेवे पी़न्‍दाक्‍याओ, खीकी दो़नला हेक्‍या च्‍योई को़न्‍क्षोकला काटीन्‍क्षे श्‍यु घोली घीझ्‍येरी ॱनाना थारपा थोप्‍येगी क्षीला, को़न्‍क्षोकगी खेक्‍याला एम्‍माने दाम जेपालाक। थारपा दे नी, खेक्‍याला राप्‍ने जेगीन धाम्‍पे थुक्‍ङी धाङ धेन्‍पाला यीच्‍चे झ्‍यीगीनगी थोक्‍ने झ्‍युवालाक।

ईब्‍रीपा 10:22

होरी सेम नाङगी साम्‍लो ङेन्‍पाक्‍या, मास्‍यीकागी कुठाक तोरती दाक्‍ता धाङ होरी ली़ क्षु चाङमागी ठी़री, होराङ सेम ढाङपो धाङ यीच्‍चे तेन्‍पोगी खारी, होराङ को़न्‍क्षोकगी डुङदु डो।

ईब्‍रीपा 10:29

धा को़न्‍क्षोकगी सेला काङबा होकला श्‍याक्‍कीन धाङ राङला धाम्‍पा जेगीन, धाम्‍चागी कुठाकगोला ॱमेचाङा चीगीन धाङ थुक्‍जेगी थुक्‍ङीला ॱमेटा ताङगीनक्‍याला, देने घाजो़ ल्‍हाक छेपा फोक्‍यी हो़टी़ ॱनेरी, खेराङक्‍याराङ साम्‍लो तोङदाङ।

ईब्‍रीपा 2:11

घीझ्‍येरी ॱनाना धाम्‍पा जेगेन धाङ धाम्‍पा झ्‍युजा घीरीगी याप च्‍यीक्‍पा लाक। होझ्‍येरी खुङक्‍याला पी़न ॱनेरी, भो़येला येशुगी ङोजा मेजेदालाक।

१ पेटो 1:2

याप को़न्‍क्षोकगी एम्‍मानेराङ खेक्‍याला खेन्‍दा जेदी दामा जेपालाक धेनी खोङबागी थुक्‍ङीगी थोक्‍ने, खेक्‍याला धाम्‍पा जेपालाक। होझ्‍येरी खेक्‍याई येशु मास्‍यीकाला चीरी, खोङबागी कुठाकगी थोक्‍ने खेक्‍या चाङमा झ्‍युङ हो़तालाक। को़न्‍क्षोकगी खेक्‍याला, थुक्‍जे धाङ श्‍यीदे मेछो़ली ॱनाङास्‍योक।

१ पेटो 1:22

को़न्‍क्षोकगी धेन्‍पे काला चीगीनगी गोने, खेक्‍याई राङगी सेम चाङमा शो़ हो़तालाक। होझ्‍येरी पी़नक्‍याला ॱनाम्‍पा दाक्‍पो चेवा झ्‍यी धेनी च्‍यीकगी च्‍यीकला सेम तीङनेराङ चेवा झ्‍यी।

१ पेटो 3:21

क्षु दे नी खेक्‍याला धान्‍दा क्‍योप्‍कीन, ठी़सो़गी ताक लाक। दे नी ली़गी ढीमाक ठुगीन च्‍योक्‍रे मालाक हीना साम्‍लो ॱनाम्‍पा दाक्‍पागी क्षीला, को़न्‍क्षोकगी डुङदु धाम्‍चा च्‍यीक लाक। येशु मास्‍यीका छीवाने कुसो़न्‍पो ग्‍युरकीनगी थोक्‍ने, ठी़सो़गी खेक्‍याला क्‍योप्‍कीलाक।

१ योहान्‍ना 2:12

चेवे टुवाक्‍याओ, ङा खेक्‍याला ढीयाहीन, घीझ्‍येरी ॱनाना येशुगी छेनगी थोक्‍ने, खीकी धीक्‍पाक्‍या सेल हो़तालाक।

ॱङो़न्‍पा 7:14

ङी खोङला ॱनेवी, “ॱलोपो़न ला, खेराङ राङ खेन्‍दालाक।” धेनी खोङगी ङाला सुजुङ, “देक्‍या नी, दुक्‍पु क्षेने थो़न्‍दी होवाक्‍या लाक। धेनी खुङक्‍याई राङगी घो़, लुक्‍टुगी ठाकला ठी़री काउ शो़ हो़तालाक।”