१ कोरीन्‍थुपा 6:10 - ॱलोवा

¹⁰ याङना कुमा कुगीनक्‍या याङना ॱहाम्‍बा झ्‍यीगीनक्‍या याङना शीरी ग्‍युक्‍कीनक्‍या याङना ॱमेबेप ताङगीनक्‍या याङना ॱली़गीनक्‍याला, को़न्‍क्षोकगी ग्‍यासीगी थोप्‍ताङ ॱमेथोप्‍कीलाक।

१ कोरीन्‍थुपा 6:10 Iomraidhean Croise

मेथा 21:19

लाम्‍गागी शुरला सेयापगी दोङबो शीक्‍ती, खोङबा होदे डामदु फेप्‍पालाक हीना होदुरु लोमा माना श्‍येम्‍मा घीया ॱमाङेबालाक। धेनी खोङबागी होदेला सुवालाक, “देने ॱहाला ढेबु नामाः ॱमाकेया स्‍योक!” धेनी लाम्‍साङ होदे सेयापगी दोङबोगो काम्‍बालाक।

मेथा 23:13

“खे शोक्‍पो क्षो़ठीमगी ॱलोपो़न धाङ फारुसीपाक्‍याला, दुक्‍ङेल क्षे हुङास्‍योक। घीझ्‍येरी ॱनाना खेक्‍या नाम्‍खे ग्‍यासीगी घोगो मीक्‍याई दोङला ग्‍याप्‍ती, खेराङक्‍या मीजुलालाक धेनी डोये दो़गीनक्‍याला काः लाक।

मेथा 23:33

“खे डुलक्‍या, दुक्‍डुगी ग्‍युपाक्‍या, खेक्‍या ॱङ्यावागी छेपाने घाङगी झ्‍येरी थारये?

योहान्‍ना 12:6

खी़ दे उटेक्‍याला ॱङीङजे केरी ॱनेवामालाक। हीना खो नी कुमा च्‍यीक लाक। ॱङुगी खुमाकगो खी़ ङ्यारालाक। धेनी होदे नाङदु ॱलुक्‍कीनने, खो राङला घो़गीनगो कुवालाक।

जेपा 20:32

“धा ङा खेराङक्‍याला को़न्‍क्षोकगी क्षाकला पुयेहीन धेनी खोङबागी थुक्‍जेगी खाङखा काला भोरयेहीन। होदेगी खेराङक्‍याला धेपाला स्‍युक्‍क्षे शो थुक्‍कीलाक धेनी को़न्‍क्षोकगी राङगी मीक्‍याला ॱनाङना, झ्‍यीलाप खेराङक्‍यालाः थोप्‍कीलाक।

१ कोरीन्‍थुपा 15:50

धा पी़नक्‍याओ, ङा खेक्‍याला ॱनाहीन स्‍याठाकला को़न्‍क्षोकगी ग्‍यासीगी थोप्‍ताङ ॱमेथोबालाक धेनी मेताला डुगीन ली़ला मेताला मेडोगीनगी थोप्‍ताङ ॱमेथोबालाक।

१ कोरीन्‍थुपा 5:11

हीना राङला मास्‍यीकावा पी़न हीन ॱनेरी ॱनागीन, हीना लोक्‍येम धाङ ॱहाम्‍बा धाङ कुन्‍डाला क्षो़ये धाङ ॱमेबेप ताङये धाङ रा शीये धाङ ॱली़गीन लेगा झ्‍यीगीनक्‍यामुला ढेवा माझ्‍यी ॱनेरी, ङा धान्‍दा खेक्‍याला ढीयाहीन। देरे मीक्‍यामुला शामाः मुला माशा।

गालातीयापा 5:21

ॱङीङनाक धाङ रा शीगीन धाङ चो़पा मेगीन श्‍युक्‍टा धाङ देरे च्‍योक्‍रे लेगाक्‍या लाक। देरे झ्‍यीगीनक्‍याला को़न्‍क्षोकगी ग्‍यासीगी ग्‍युज्‍यीन थोप्‍कीमालाक, ॱनेरी ङी एन्‍ला खेक्‍याला ॱनेवी धेनी धान्‍दाः ॱनाहीन।

एफीसुपा 4:28

कुगीनगी धा ॱमाकुवास्‍योक। हीना खी़ काल्‍ले ग्‍यास्‍योक। खी़ राङगी लाक्‍पा ॱङीगी ढाङपो झ्‍येरी, काल्‍ले ग्‍यास्‍योक धेनी घो़गीनक्‍याला झ्‍यीम्‍बा ताङास्‍योक।

एफीसुपा 5:5

घीझ्‍येरी ॱनाना दो़लोक झ्‍यीगीन धाङ ले ॱमेचाङा झ्‍यीगीन धाङ ॱनाब्‍सेम्‍चेनगी मी सी़ हीन्‍ना (कुन्‍डा क्षो़गीनक्‍या), मास्‍यीका धाङ को़न्‍क्षोकगी ग्‍यासीगी कादा ॱमेथोप्‍कीलाक ॱनेरी, खेक्‍याई सावो स्‍येलाझ्‍यी।

१ थेसालोनीकेपा 4:6

दो़न देला मी सी़याः राङगी पी़नला दुक्‍पु तारी गोकोर ॱमेछोक्‍कीलाक घीझ्‍येरी ॱनाना हीकी खेक्‍याला एन्‍दुरु ॱनागीन च्‍योक्‍रे, चोवोगी देरे लेगा झ्‍यीगीनक्‍याला डास्‍या लेन जेगीलाक।

१ पेटो 4:15

हीना खेक्‍याने सुवाः ॱरोक चेगीन याङना कुमा कुगीन याङना ङेन्‍पा झ्‍यीगीन याङना थेप्‍तोक झ्‍यीगीनला च्‍योक्‍रे दुक्‍पु माङ्याङा स्‍योक।