१ कोरीन्‍थुपा 5:7 - ॱलोवा

⁷ खेक्‍या ॱङोन्‍नेगी क्‍युरची मेन्‍गीन झ्‍येरी, खेक्‍या क्‍युरची मेगीन भाक्‍पे साबागो, झ्‍युङयेगी क्षीदु क्‍युरची ॱङीङबागो पोङ। घीझ्‍येरी ॱनाना होरी पेसाकगी लुक्‍टु हीन्‍गीन, मास्‍यीका नी क्षो़पाला पुसालाक।

१ कोरीन्‍थुपा 5:7 Iomraidhean Croise

मेथा 13:33

याङ खोङबागी पे श्‍येम्‍मा च्‍यीक सुवालाक, “नाम्‍खे ग्‍यासी दे केमी च्‍यीकगी क्‍युरची खेरती, पादी सुम चो़ बाक्‍पेमुला ॱरेरी बाक्‍पे घीरीला, क्‍युरची ॱमालाङगीन थुक्‍पे ॱङ्यारी श्‍यालाक।”

मारकु 14:12

धेनी क्‍युरची मेगीन ग्‍याङगा शागीन धी़छेनगी ङीमा धाङपोगोला, येशुगी ङेनेक्‍याई खोङबाला श्‍यी़वालाक, “खेराङगी क्षीला पेसाकगी धी़छेनगी श्‍युक्‍टा घारु सोरी डाढीक झ्‍यीगु?” होदे ङीमागो थारपा थोप्‍थोवा धी़छेनला, लुक्‍टुगी ॱमारछो़ पुलालाक।

योहान्‍ना 1:29

धेनी ङीमा स्‍याम्‍मागो योहान्‍नागी, येशुला राङ स्‍योकला फेप्‍कीनगो ज्‍यारी ॱनेवालाक, “तो़दाङ, जीक्‍तेनगी धीक्‍पा ॱनुम्‍गीन, को़न्‍क्षोकगी लुक्‍टुगो फेप्‍दुक!

योहान्‍ना 1:36

धेनी येशु होदेने फेप्‍कीनगो ज्‍यारी खी़ ॱनेवालाक, “तो़दाङ, को़न्‍क्षोकगी लुक्‍टु फेवी।”

योहान्‍ना 19:14

धा होदे ङीमागो पेसाकगी धी़छेन डाढीक झ्‍यीगीन ङीमागो लाक। धेनी होदे घाङला ङीङमो छुची च्‍युङङी झ्‍यु हो़तालाक। पीलातुगी याहुदापाक्‍याला ॱनेवालाक, “खेक्‍याई ग्‍यावुला तो़!”

रोमापा 3:25

धेनी खोङ मास्‍यीकागी कुठाक ॱली़री, धीक्‍पा सेल्‍येगी ॱमारछो़ झ्‍युङयेला, को़न्‍क्षोकगी खोङला पुवालाक। दे नी धेपा झ्‍येरी च्‍यीगा थोप्‍कीलाक। धेनी दे को़न्‍क्षोकगी राङगी ढाङतेन ॱङो़न्‍येगी क्षीदु जेपालाक घीझ्‍येरी ॱनाना एम्‍मा को़न्‍क्षोकगी शो़पा जेदी, मीक्‍याई झ्‍येजा धीक्‍पाक्‍याला छेपा का माजेपालाक।

१ कोरीन्‍थुपा 10:17

घीझ्‍येरी ॱनाना ग्‍याङगागो च्‍यीकराङ हो़तालाक धेनी होराङ घीरी ग्‍याङगा च्‍यीक्‍नेराङ शागीन झ्‍येरी, होराङ माङा हो़गीनक्‍या ली़ च्‍यीक लाक।

१ कोरीन्‍थुपा 5:13

फीदी मीगी ठीम को़न्‍क्षोकगीराङ जेगीलाक। “खेरी खोक्‍ने, मी ङेन्‍पाक्‍याला पी़दी झोङ।”

एफीसुपा 4:22

दे नी ॱली़गीन दो़छाकगी रुरा, एम्‍मा मीछेगी च्‍यो़पाला थी़न्‍गीन खेरी च्‍यो़पा ॱङीङबागो पोङ।

ॱङो़न्‍पा 5:12

खोङबाक्‍या सुङकेक क्षेला देरे सुङी हो़तालाक, “सेसा लुक्‍टुगोला, वाङ धाङ नोर धाङ स्‍येराप धाङ स्‍युक, धेनी कुरती धाङ शीजे धाङ तो़पा थोप घोयेदुक।”