१ कोरीन्‍थुपा 5:13 - ॱलोवा

¹³ फीदी मीगी ठीम को़न्‍क्षोकगीराङ जेगीलाक। “खेरी खोक्‍ने, मी ङेन्‍पाक्‍याला पी़दी झोङ।”

१ कोरीन्‍थुपा 5:13 Iomraidhean Croise

मेथा 18:17

याङ खी़ खुङक्‍यालाः मेङेन्‍ना, होदे लाबगो क्षो़छोकला स्‍यो़क। धेनी खी़ क्षो़छोकगी खाला मेङेन्‍ना, खो ख्‍यी़ क्षीला धेपा मीझ्‍यीगीन धाङ ठा धुगीनक्‍या च्‍योक्‍रे झ्‍युङास्‍योक।

जेपा 17:31

घीझ्‍येरी ॱनाना खोङबागी को़ ॱनाङगीन मी देगी क्षीने, जाम्‍बुलीङगी मी घीरीगी ठीमगो ढाङपो चेये ॱनेरी, खोङबागी ठीम चेगीन ङीमा दे को़ जे हो़तालाक। देगी पाङपोगो खोङबागी खोङला छीवाने याङ सो़न्‍पो श्‍याङ जेदी मी घीरीला तो़न जे हो़तालाक।”

रोमापा 2:16

दे नी ङी सेटाक झ्‍येजा ताम्‍शाङला च्‍योक्‍रे, मास्‍यीका येशुगी थोक्‍ने को़न्‍क्षोकगी मीक्‍याई साङवे लेगाक्‍याई, ठीम चेगीन ङीमागोला झ्‍युङगीलाक।

१ कोरीन्‍थुपा 5:1

याहुदापा मेन्‍गीनक्‍याई खोक्‍दुवाः झ्‍यी ॱमेक्षोक्‍कीन लोक्‍येमगी लेगागो, खीकी खोक्‍दु दुक ॱनेरी, ङी ॱङोन्‍नेगी घोरजुङ। खेक्‍याने च्‍यीकगी राङगी आकीगी केमी श्‍याक्‍दुक ॱनेरी, ङी घोरजुङ।

१ कोरीन्‍थुपा 5:2

धेनी खेक्‍यागो ङोम्‍सो झ्‍यीदाले? खेक्‍या ग्‍यो़पा झ्‍यीघोये हो़तामाले? देरे लेगा झ्‍यीगीनला खीकी घुङने पी़।

१ कोरीन्‍थुपा 5:5

देरे मीला धी़ सातानगी लाकला ची ग्‍योप। देरे झ्‍येरी खी़ धीक्‍पे ली़गो मेताला सोरी, चोवोगी ङीमाला खी़ सेम्‍ङीगो क्‍योप्‍कीलाक।

१ कोरीन्‍थुपा 5:7

खेक्‍या ॱङोन्‍नेगी क्‍युरची मेन्‍गीन झ्‍येरी, खेक्‍या क्‍युरची मेगीन भाक्‍पे साबागो, झ्‍युङयेगी क्षीदु क्‍युरची ॱङीङबागो पोङ। घीझ्‍येरी ॱनाना होरी पेसाकगी लुक्‍टु हीन्‍गीन, मास्‍यीका नी क्षो़पाला पुसालाक।

ईब्‍रीपा 13:4

मी घीरीगी ॱङेन्‍डीला चीदोङ झ्‍यीघो़, धेनी नाङजाङ ॱङीगी घुङला लोक्‍येम मीझ्‍युङास्‍योक घीझ्‍येरी ॱनाना को़न्‍क्षोकगी लोक्‍येम्‍पाक्‍या धाङ दो़लोक झ्‍यीगीनक्‍याला ठीम्‍चो़ जेगीलाक।

२ पेटो 2:9

धा देरे झ्‍येरी, क्षो़सेमगी मीला छो़ता नाङने क्‍योप्‍ये धाङ क्षो़ ॱमीचीगीनक्‍याला ठीम्‍चो़गी ङीमा थुक्‍पे छेपा होकदु श्‍याक्‍येला, चोवोगी खेन्‍दालाक।