१ कोरीन्‍थुपा 5:11 - ॱलोवा

¹¹ हीना राङला मास्‍यीकावा पी़न हीन ॱनेरी ॱनागीन, हीना लोक्‍येम धाङ ॱहाम्‍बा धाङ कुन्‍डाला क्षो़ये धाङ ॱमेबेप ताङये धाङ रा शीये धाङ ॱली़गीन लेगा झ्‍यीगीनक्‍यामुला ढेवा माझ्‍यी ॱनेरी, ङा धान्‍दा खेक्‍याला ढीयाहीन। देरे मीक्‍यामुला शामाः मुला माशा।

१ कोरीन्‍थुपा 5:11 Iomraidhean Croise

मेथा 18:17

याङ खी़ खुङक्‍यालाः मेङेन्‍ना, होदे लाबगो क्षो़छोकला स्‍यो़क। धेनी खी़ क्षो़छोकगी खाला मेङेन्‍ना, खो ख्‍यी़ क्षीला धेपा मीझ्‍यीगीन धाङ ठा धुगीनक्‍या च्‍योक्‍रे झ्‍युङास्‍योक।

मेथा 23:25

“खे शोक्‍पो क्षो़ठीमगी ॱलोपो़न धाङ फारुसीपाक्‍याला दुक्‍ङा क्षे हुङास्‍योक। घीझ्‍येरी ॱनाना खेक्‍या फोरा धाङ देरमागी फीगो चाङमा झ्‍यीदालाक हीना नाङगोला सो़न्‍ना धाङ राङदो़गी खारी धेदालाक।

लुका 18:11

फारुसीपागो खोराङ च्‍यीगा लारी ॱमो़लाम दे पुवालाक, ‘के को़न्‍क्षोक, खेराङला थुक्‍जेक्षे घीझ्‍येरी ॱनाना ङा श्‍येम्‍माक्‍या च्‍योक्‍रे ॱहाम्‍बा झ्‍येरी, ग्‍यु ठोक्‍कीन धाङ मेढाङा धाङ लोक्‍येम झ्‍यीगीन धाङ दे ठा धुगीन मी च्‍योक्‍रे मेक।

लुका 21:34

“हीना खेक्‍या च्‍याङजे झ्‍येरी धो़क। मेन्‍ना खीकी सेम ङ्याम ताङये धाङ शीरी धेये धाङ मीछेगी दुङागी ॱनेम्‍गीलाक। धेनी होदे ङीमागो ॱहाताक्‍पाला, ॱङीपला थेम्‍गीन च्‍योक्‍रे हुङगीलाक।

जेपा 1:15

श्‍याक्‍मो तीते स्‍याम्‍ने येशुला धेपा-झ्‍यीगीन मी ग्‍याराङ ङीउ चो़गी खोक्‍दु, पेटो लारी देरे ॱनेवालाक,

जेपा 9:17

धेनी आनानीया सोरी साउल धेता खाङबा नाङदु जुवालाक। खी़ साउलगी खाला लाक्‍पा श्‍याक्‍ती ॱनेवालाक, “साउल, ख्‍यो़ दुरु हुङी घाङला लाम्‍गाला जाजा चोवो येशुगी ङाला, ख्‍यी़ ॱमीक धाब्‍ले थोङयेला धाङ धाम्‍पे थुक्‍ङीगी खाङयेला ख्‍यी़चारु झाजुङ।”

रोमापा 13:13

ङीङमो च्‍योक्‍रे होराङ चो़पा शाङपो झ्‍यीघो़। चो़पा मेगीन श्‍युक्‍टाक्‍या धाङ शीये धाङ लोक्‍येम धाङ दो़छाक धाङ ठुक्‍पा धाङ ठादोक झ्‍यीये मालाक।

रोमापा 16:17

पी़नक्‍याओ, खेक्‍याला ॱलाप्‍ला क्षो़गी तावाने श्‍येम्‍मा ॱलाप्‍ती, खेक्‍या घुङदु टुक्‍कीन धाङ काल्‍ले घाक्‍वा शोगीन, मीक्‍याने शाप-शाप झ्‍यी धेनी खुङक्‍याने डारी धो़क ॱनेरी, ङा खेक्‍याला श्‍योवा पुलाहीन।

१ कोरीन्‍थुपा 10:14

होझ्‍येरी ङी चेवे रोवाक्‍याओ, ल्‍हाकुन्‍डाला क्षो़येने जेम्‍दी धो़क।

१ कोरीन्‍थुपा 11:21

घीझ्‍येरी ॱनाना खेक्‍या शी घाङला, रीङगा राङगी शामागो एन्‍ला शालाक। धेनी रीङगा तोक्‍ती धेतालाक धेनी श्‍येम्‍माक्‍या शीरी धेतालाक।

१ कोरीन्‍थुपा 5:13

फीदी मीगी ठीम को़न्‍क्षोकगीराङ जेगीलाक। “खेरी खोक्‍ने, मी ङेन्‍पाक्‍याला पी़दी झोङ।”

१ कोरीन्‍थुपा 6:10

याङना कुमा कुगीनक्‍या याङना ॱहाम्‍बा झ्‍यीगीनक्‍या याङना शीरी ग्‍युक्‍कीनक्‍या याङना ॱमेबेप ताङगीनक्‍या याङना ॱली़गीनक्‍याला, को़न्‍क्षोकगी ग्‍यासीगी थोप्‍ताङ ॱमेथोप्‍कीलाक।

१ कोरीन्‍थुपा 6:6

हीना पी़न च्‍यीकगी च्‍यीकला ठीम्‍खाङदु ठीई धेनी होदेगोवाः मास्‍यीकावा मेन्‍गीनक्‍याई दोङदु!

१ कोरीन्‍थुपा 6:9

याङना मेढाङाक्‍याला को़न्‍क्षोकगी ग्‍यासीगी थोप्‍ताङ ॱमेथोप्‍कीलाक ॱनेरी, खेक्‍या ॱमेस्‍येलाले? खेक्‍या गो ॱमाखोर घीझ्‍येरी ॱनाना दो़लोक चो़गीनक्‍या याङना ल्‍हाकुन्‍डाला क्षो़गीनक्‍या याङना लोक्‍येम्‍पाक्‍या याङना फोलोमोलो झ्‍यीगीनक्‍या याङना फोगी फोला चो़गीनक्‍या,

१ कोरीन्‍थुपा 7:12

धेनी खे श्‍येम्‍माक्‍याला ङा ॱनाहीन (दे चोवोगी मेन्‍दा, ङाराङगी ॱनाताङ हीन), पी़न च्‍यीकला धेपा मीझ्‍यीगीन केमी झ्‍येरी धेनी मो खी़मुला धेङी दो़ना, खो मी़मोला खा ढाये मेतालाक।

१ कोरीन्‍थुपा 7:15

हीना धेपा मीझ्‍यीगीनगी़ राङगी रोवामुला खा ढाङी दो़ना, खा डारु च्‍युक। देरे झ्‍युङना धेपा झ्‍यीगीन ख्‍योवा याङना केमीगो सी़याः वाङदु मेयोङालाक। घीझ्‍येरी ॱनाना को़न्‍क्षोकगी होराङला श्‍यीदेगी नाङदु ॱनेयेला भो़ जेपालाक।

१ कोरीन्‍थुपा 8:11

होझ्‍येरी खीकी स्‍येयो़नगी थोक्‍ने, साम्‍लो क्‍योवा हो़गीन पी़नगो मेताला डुगीलाक। धेनी मास्‍यीका नी, खी़ क्षीदुवा ढोङवालाक।

गालातीयापा 2:12

याकोबगी झाजा मीक्‍या ॱमालेप्‍कीन एन्‍ला, पेटो धेपा झ्‍यीगीन याहुदापा मेन्‍गीन मीरीकक्‍यामुला धेती शालाक हीना होदे मीक्‍या ॱलेप्‍ती, खो पाउ चेगीन ॱरो चीगीनक्‍यामुला जीक्‍ती, खो याहुदापा मेन्‍गीन मीरीकक्‍याने बेरी राजा धेपालाक।

एफीसुपा 5:18

धेनी मीछे ठोप्‍ला ताङगीन, घुन्‍क्षाङगी शीरी माग्‍युक हीना धाम्‍पे थुक्‍ङीगी खारी,

एफीसुपा 5:5

घीझ्‍येरी ॱनाना दो़लोक झ्‍यीगीन धाङ ले ॱमेचाङा झ्‍यीगीन धाङ ॱनाब्‍सेम्‍चेनगी मी सी़ हीन्‍ना (कुन्‍डा क्षो़गीनक्‍या), मास्‍यीका धाङ को़न्‍क्षोकगी ग्‍यासीगी कादा ॱमेथोप्‍कीलाक ॱनेरी, खेक्‍याई सावो स्‍येलाझ्‍यी।

कोलोसेपा 3:5

होझ्‍येरी खीकी नाङला हो़गीन लोक्‍येम धाङ ॱमेचाङा धाङ दो़क्षाक धाङ दो़ङेन धाङ कुन्‍डाला क्षो़ये हीन्‍गीन, दो़ङाम च्‍योक्‍रे जीक्‍तेनगी स्‍यीकाक्‍या सो़।

२ थेसालोनीकेपा 3:14

सी़ च्‍यीकगी हीकी यीक देगी ॱलापच्‍याला दो़नाङ ॱमेतेरना, होदे मीला ङो स्‍येलाझ्‍यी धेनी खोला ङोछारु च्‍युक्‍येला खी़मुला ढेवा घीन्‍दा माझ्‍यी।

२ थेसालोनीकेपा 3:6

पी़न्‍दाक्‍याओ, लेमेलाम्‍गीन ख्‍याम्‍बोक्‍या धाङ हीकी तेरता ॱलापच्‍याक्‍याला ॱमीचीगीनक्‍यामुला मादेप, ॱनेरी हेक्‍या होरी चोवो येशु मास्‍यीकागी छेनला खेक्‍याला कुलाहीन।

१ तीमोथेउ 3:3

धेनी क्षाङदुवा मेगीन, चुक्‍वा मेगीन हीना श्‍यीवा हो़गीन धेनी चो़पा मेग्‍याप्‍कीन धाङ ॱङुला ॱमेक्षाक्‍कीन हुङ घो़गुलाक।

१ तीमोथेउ 6:5

धेनी क्षो़सेम नी नोर थोप्‍येगी थापस्‍यी लाक, साम्‍गीन ॱलेपा रुरा धाङ धेन्‍पाने डागीन मीक्‍याई खोक्‍दु ॱमेछेदा ठुक ॱलाङालाक।

२ योहान्‍ना 1:10

खीकीचारु होरी दे सुङगीन क्षो़ दे खेरती मेयोङगीन सुलाः, खीकी खाङबा नाङदु ॱमासी़ याङना छाम्‍डी माश्‍यी़।

ॱङो़न्‍पा 2:14

हीना ङाला खेक्‍याला क्‍यो़न चुक्‍येगी लाबक्‍या हो़क। खेक्‍याई खोक्‍दु बालामगी क्षो़ला ती़न्‍गीन, मी रीङगा दुक। ईस्‍राएल्‍पाक्‍याला धीक्‍पे नाङदु ॱली़येला, ल्‍हाकुन्‍डाक्‍याला पुपा शामा शाये धाङ लोक्‍येम झ्‍यीयेला बालामगी, बालाकला ॱलाप्‍पालाक।

ॱङो़न्‍पा 2:20

हीना ख्‍यो़ला ङा क्‍यो़न च्‍यीक चुक्‍येहो़क। ख्‍यो़ एजेबेल ॱनागीन भोमोला शो़पा झ्‍यीदीक। मो मोराङला ॱङो़नस्‍येखेन च्‍यीक हीन ॱनालाक धेनी ङी श्‍याप्‍चीक्‍याला लोक्‍येम झ्‍यीये धाङ ल्‍हाकुन्‍डाक्‍याला पुपा शामा शाये ॱलाप्‍ती, खुङक्‍याला ॱली़लालाक।

ॱङो़न्‍पा 21:8

हीना ॱङीङ च्‍युङाक्‍या धाङ धेपा मेगीनक्‍या धाङ आम्‍लोवाक्‍या धाङ ॱरोक चेगीनक्‍या धाङ लोक्‍येम्‍पाक्‍या धाङ ङेन ॱङाक ग्‍याप्‍कीनक्‍या धाङ ल्‍हाकुन्‍डा छो़गीनक्‍या धाङ शोक स्‍येगीनक्‍या घीरीगी कादागो, मे धाङ मुशे भारकीन छो लाक। दे नी, छीवा ॱङीवागो लाक।”

ॱङो़न्‍पा 22:15

ग्‍याजागी फीला कीक्‍या धाङ ङेन ॱङाक झ्‍यीगीनक्‍या धाङ लोक्‍येम्‍पाक्‍या धाङ ॱरोक चेगीनक्‍या धाङ ल्‍हाकुन्‍डाक्‍या छो़गीनक्‍या धाङ शोक स्‍येयेला थेगीनक्‍या धाङ होदे च्‍योक्‍रे झ्‍यीगीनक्‍या हो़तालाक।