१ कोरीन्‍थुपा 5:10 - ॱलोवा

¹⁰ होदेगी दो़न्‍दाकगो दे जीक्‍तेनगी लोक्‍येम्‍पाक्‍या धाङ ॱहाम्‍बा झ्‍यीगीनक्‍या धाङ ॱली़गीनक्‍या धाङ कुन्‍डाला क्षो़गीनक्‍या, मुला फुक्‍की ढेवा माझ्‍यी ॱनेरी ॱना मालाक। देरे झ्‍यीये हीन्‍ना, खेक्‍या दे जाम्‍लीङ देनेराङ थो़न्‍दी डोघोगुलाक।

१ कोरीन्‍थुपा 5:10 Iomraidhean Croise

लुका 18:11

फारुसीपागो खोराङ च्‍यीगा लारी ॱमो़लाम दे पुवालाक, ‘के को़न्‍क्षोक, खेराङला थुक्‍जेक्षे घीझ्‍येरी ॱनाना ङा श्‍येम्‍माक्‍या च्‍योक्‍रे ॱहाम्‍बा झ्‍येरी, ग्‍यु ठोक्‍कीन धाङ मेढाङा धाङ लोक्‍येम झ्‍यीगीन धाङ दे ठा धुगीन मी च्‍योक्‍रे मेक।

योहान्‍ना 15:19

खेक्‍या जीक्‍तेनगी हीन्‍गीनगो हीन्‍ना, जीक्‍तेनगी राङगी हीन्‍गीनगोला झाम्‍पा झ्‍यीयेहो़क हीना खेक्‍या जीक्‍तेनगी मालाक। ङी जीक्‍तेनने खेक्‍याला दाम्‍दा झ्‍येरी जीक्‍तेनगी खेक्‍याला दाङा झ्‍यीदालाक।

योहान्‍ना 17:6

“खेराङगी जीक्‍तेन नाङने ङाला ॱनाङना मीक्‍याला, ङी खेकी छेन ॱङो़न्‍दु च्‍युकहो़क। खुङक्‍या खेराङगी हीन धेनी खेराङगी खुङक्‍या ङाला ॱनाङा जेजुङ। धेनी खुङक्‍याई खेराङगी का ॱरुङदुक।

योहान्‍ना 17:9

ङा खुङक्‍याई क्षीला सोवा ग्‍यावीहो़क। ङी जीक्‍तेनगी मीक्‍याई क्षीदु सोवा ग्‍यावामेन हीना खेराङगी ङाला ॱनाङना मीक्‍याई क्षीला, ङा सोवा ग्‍यावाहीन घीझ्‍येरी ॱनाना खुङक्‍या खेराङगी हीन।

योहान्‍ना 8:23

येशुगी खुङक्‍याला सुङा जेपालाक, “खेक्‍या होकने हीन धेनी ङा तो़ने हीन। खेक्‍या दे जीक्‍तेनगी लाक धेनी ङा दे जीक्‍तेनगी मेन।

१ कोरीन्‍थुपा 1:20

मी खेवागो घाना? क्षो़ठीमगी ॱलोपो़नक्‍या घाना? दे धी़रापगी चो़लीङ झ्‍यीगीनक्‍या घाना? को़न्‍क्षोकगी दे जीक्‍तेनगी स्‍येरापगोला ॱलेन्‍दा जेपा मालाक से?

१ कोरीन्‍थुपा 10:27

धेपा मीझ्‍यीगीन मी च्‍यीकगी ख्‍यो़ला डो़नला भो़ना, धेनी ख्‍यो़ डोङी दो़ना ख्‍यी़ दोङदु घी श्‍याक्‍हो़ना, होदेगो शाङा याङना ङेन्‍पागी थाक चेगीन ख्‍यी़ स्‍येयो़नगी गोने, ढीवा मीढीला शो।

१ कोरीन्‍थुपा 5:11

हीना राङला मास्‍यीकावा पी़न हीन ॱनेरी ॱनागीन, हीना लोक्‍येम धाङ ॱहाम्‍बा धाङ कुन्‍डाला क्षो़ये धाङ ॱमेबेप ताङये धाङ रा शीये धाङ ॱली़गीन लेगा झ्‍यीगीनक्‍यामुला ढेवा माझ्‍यी ॱनेरी, ङा धान्‍दा खेक्‍याला ढीयाहीन। देरे मीक्‍यामुला शामाः मुला माशा।

१ कोरीन्‍थुपा 5:9

ङी खेक्‍याला ताङगीन यीकगोला, लोक्‍येम्‍पाक्‍यामुला ढेवा माझ्‍यी ॱनेरी ढीक्‍पी।

२ कोरीन्‍थुपा 4:4

खुङक्‍याई कोरला स्‍ये घोना, को़न्‍क्षोकगी ॱयीप हीन्‍गीन मास्‍यीकागी, शीजेगी ताम्‍शाङगो खुङक्‍याला थोङदु ॱमीच्‍युक्‍येला, दे जीक्‍तेनगी ल्‍हागी धेपा मीझ्‍यीगीनक्‍याई सेम श्‍याराक्‍या लेमो ॱमेथोङगीन शो़ हो़तालाक।

एफीसुपा 2:2

होदे घाङला खेक्‍या जीक्‍तेनगी लुक्‍सो़ ङेन्‍पाक्‍या ॱरुरी, बारनाङ खामगी नी़थुक्‍याला वाङ झ्‍यीगीनला चीरी, हुरे मीछे क्‍यालालाक। धेनी सेम्‍ङी देराङ धान्‍दा को़न्‍क्षोकगी काला मेङेन्‍गीन, मीक्‍याई खाला वाङ झ्‍यीदालाक।

फीलीप्‍पीपा 2:15

धेनी खेक्‍या क्‍यो़न मेगीन धाङ चाङमा झ्‍युरी, दे मेढाङा धाङ दुकच्‍याक मीरापगी खोक्‍दु, क्‍यो़न मेगीन को़न्‍क्षोकगी से धाङ सेमो झ्‍युङास्‍योक। धेनी खेक्‍या जीक्‍तेनदु खुङक्‍या खोक्‍दु ॱनामगी कारमाक्‍या च्‍योक्‍रे स्‍यारती,

१ योहान्‍ना 4:5

खुङक्‍या नी, जीक्‍तेनने लाक, होझ्‍येरी जीक्‍तेनगी राङ लाब ताङालाक धेनी जीक्‍तेनगी खुङक्‍याई लाबला ङेन्‍दालाक।

१ योहान्‍ना 4:7

ङी चेवेक्‍याओ, होराङक्‍या च्‍यीकगी च्‍यीकला झाम्‍पा झ्‍यीदु घीझ्‍येरी ॱनाना झाम्‍पा नी, को़न्‍क्षोकने लाक। धेनी झाम्‍पा झ्‍यीगीन घीरी को़न्‍क्षोकने केवालाक धेनी को़न्‍क्षोकला ङो स्‍येलालाक।

१ योहान्‍ना 5:19

होराङ को़न्‍क्षोकने लाक धेनी जीक्‍तेन घीरी धी़गी वाङ होकला हो़तालाक ॱनेरी, होराङ स्‍येलालाक।

ॱङो़न्‍पा 12:9

होदे डुक क्षेगो माला ॱयुक्‍पालाक। दे नी, जीक्‍तेनगी मी घीरीला ॱली़गीन धी़ याङना सातान ॱनेरी, ॱनागीन एम्‍मा-एम्‍मागी डुगो लाक। होदेला साश्‍यीदु ॱयुक्‍पालाक धेनी होदेमुला खी़ भाङछेनक्‍याः ॱयुक्‍पालाक।