१ कोरीन्‍थुपा 4:6 - ॱलोवा

⁶ धा पी़नक्‍याओ, खेक्‍याला फेन्‍येगी क्षीदु, ङी ङाराङ धाङ आपोल्‍लोसगी पे श्‍याक्‍ती, हेक्‍याने खेक्‍याई सुङराप नाङदु ढीक्‍टा च्‍योक्‍रे मीछे पी़येगो ज्‍याङयेला तो़न हो़क। धेनी खेक्‍या च्‍यीकला ङोम्‍सो झ्‍येरी श्‍येम्‍माला दाङा झ्‍यीगीमालाक।

१ कोरीन्‍थुपा 4:6 Iomraidhean Croise

जेपा 18:24

होदे घुङला आलेक्‍जेन्‍डीयागी मी आपोल्‍लोस ॱनागीन, याहुदापा च्‍यीक एफीसुदु ॱलेप्‍पालाक। खो ॱमीच्‍यीकी घा लाब ताङ थुप्‍कीन धाङ क्षो़ठीमगी कोरला ॱमीच्‍यीकी खेवा हो़तालाक।

जेपा 19:1

आपोल्‍लोस कोरीन्‍थुरु हो़ती घाङला, पाउलु एशीयागी घुङने झ्‍युरी एफीसु ग्‍याजाला ॱलेप्‍पालाक। होदुरु खी़ धेपा-झ्‍यीगीन रीङगा थुक्‍पालाक।

रोमापा 12:3

ङाला ॱनाङना थुक्‍जेगी लेगेनगी गोने, ङा खेक्‍या रे-रेला ॱनाहीन, राङ घारे हो़गीनने ल्‍हाक थोवा राङला ॱमासाम। हीना को़न्‍क्षोकगी खेक्‍याला ॱनाङना धेपागी छेला तेन्‍ती, साम्‍लो ढाङपो तोङ।

१ कोरीन्‍थुपा 1:12

ङी ॱनागीनगो घी लाक ॱनाना, खेक्‍याने रीङगागी “ङा पाउलुगी हीन” धेनी रीङगागी “ङा आपोल्‍लोसगी हीन” धेनी रीङगागी “ङा केफासगी हीन” धेनी रीङगागी “ङा मास्‍यीकागी हीन” ॱनेरी ॱनी।

१ कोरीन्‍थुपा 1:19

घीझ्‍येरी ॱनाना सुङरापला देरे ढीक हो़तालाक, “ङा मी खेवाक्‍याई स्‍येराप मेताला ताङयेहीन, धेनी मी रीक्‍पाचेनक्‍याई रीक्‍पा फाम्‍दु च्‍युक्‍येहीन।”

१ कोरीन्‍थुपा 1:31

होझ्‍येरी देरे ढीक हो़तालाक, “ङोम्‍सो झ्‍यीगीनक्‍याई, चोवोगी खाला ङोम्‍सो झ्‍यीघो़।”

१ कोरीन्‍थुपा 13:4

झाम्‍पा नी शो़पाचेन धाङ ॱङीङजेचेन हुङालाक। झाम्‍पागी ठादोक मीझ्‍यीदालाक धेनी राङतो़ मीझ्‍यीदालाक धेनी दे ङागेल क्षे मेयोङालाक।

१ कोरीन्‍थुपा 3:19

घीझ्‍येरी ॱनाना दे जीक्‍तेनगी स्‍येराप नी, को़न्‍क्षोकगी ॱमीक्‍वादु ॱलेन्‍दा लाक। सुङरापला देरे ढीक हो़तालाक, “मी खेवाक्‍याला खोरी चाङग्‍यु नाङलाराङ, खोङबागी शीम्‍गीलाक।”

१ कोरीन्‍थुपा 3:21

होझ्‍येरी सी़याः मी खाला ङोम्‍सो माझ्‍यीदास्‍योक। घीझ्‍येरी ॱनाना दो़न घीरी खीकीराङ लाक।

१ कोरीन्‍थुपा 5:2

धेनी खेक्‍यागो ङोम्‍सो झ्‍यीदाले? खेक्‍या ग्‍यो़पा झ्‍यीघोये हो़तामाले? देरे लेगा झ्‍यीगीनला खीकी घुङने पी़।

१ कोरीन्‍थुपा 5:6

खेक्‍या ङोम्‍सो झ्‍यीगीन दे घा मालाक। क्‍युरची च्‍यीमे च्‍यीकगी भाक्‍पे हो़लेला क्‍युर ॱलाङालाक ॱनेरी, खेक्‍या ॱमेस्‍येलालाक से?

१ कोरीन्‍थुपा 8:1

धा ल्‍हाकुन्‍डाला पुपा शामागी कोरला, ङा ॱनाहीन। होराङ घीरीला स्‍येयो़न हो़गीनगो, होराङला स्‍येये हो़तालाक। स्‍येयो़नगी ङागेल केरु च्‍युक्‍वालाक हीना झाम्‍पागी च्‍यीकगी च्‍यीकला यारके ताङालाक।

१ कोरीन्‍थुपा 9:23

मी श्‍येम्‍माक्‍याईमुला ताम्‍शाङगी झ्‍यीलाप थोप्‍येगी क्षीदु, ङा दे घीरी ताम्‍शाङगी क्षीदु झ्‍यीदाहीन।

२ कोरीन्‍थुपा 10:12

राङगी तो़टा राङ ताङगीन मी रीङगाक्‍यामुला, हेक्‍या हेराङला छे च्‍यीकला श्‍याक्‍ये याङना राङला खुङक्‍यामुला दुरयेगी ॱलोगोक मीझ्‍यीहो़क। हीना खुङक्‍या खोराङक्‍या नाङदु च्‍यीकगी च्‍यीकला छे ग्‍याराङ याङना दुराराङ, खोराङक्‍या ॱलेन्‍दा झ्‍युङालाक।

२ कोरीन्‍थुपा 10:15

हेक्‍या हेरी छेने दारी, श्‍येम्‍माक्‍याई काल्‍ले ग्‍याप्‍कीनगोला ङोम्‍सो मीझ्‍यीहो़क। हीना खेक्‍याई धेपागो छारती डोवाराङ, खेक्‍याई खोक्‍दु हीकी लेगागी छामगो ग्‍याक्षेरु डोवास्‍योक ॱनेरी, हीकी रेवा हो़क।

२ कोरीन्‍थुपा 10:7

खेक्‍याई ॱमीकगी दोङदु हो़गीनगोला तो़। धेनी राङला मास्‍यीकागी हीन्‍गीनगोला यीच्‍चे तेन्‍पो हो़ना, खी़ राङला मास्‍यीकागी हीन्‍गीन च्‍योक्‍रे हेक्‍याः मास्‍यीकागी लाक ॱनेरी, ढेन्‍सो ॱलाङघो़।

२ कोरीन्‍थुपा 11:4

घीझ्‍येरी ॱनाना मी रीङगा होरी हीकी सेटाक झ्‍येजा, येशु मेन्‍दा श्‍येम्‍मा च्‍यीक सेटाक झ्‍यीना याङना खेक्‍याई थोप्‍था थुक्‍ङी मेन्‍दा, सेम्‍ङी श्‍येम्‍मा खेक्‍याई खेलेन्‍ना याङना खेक्‍याला थोप्‍था ताम्‍शाङने श्‍येम्‍मा ताम्‍शाङ खेक्‍याई खेलेन्‍ना, खेक्‍या दे घीरीगी होकला लेल्‍हामोमा छी़दालाक।

२ कोरीन्‍थुपा 12:19

धान्‍दा थुक्‍पे हेक्‍या खीकी दोङदु राङगी क्‍यो़न मेगीनगी कोरला, सेस्‍ये झ्‍यीगीनगो खेक्‍या सामाले? हेक्‍या नी मास्‍यीकागी नाङ को़न्‍क्षोकगी डुङदु ॱनीहो़क। चेवेक्‍याओ, दे घीरी खेक्‍याला यारके ताङयेगी क्षीदु लाक।

२ कोरीन्‍थुपा 12:20

घीझ्‍येरी ॱनाना ङा हुङाराङ ङी दो़गीन च्‍योक्‍रे, खेक्‍या मेगीन धाङ खीकी दो़गीन च्‍योक्‍रे ङा मेगीनगो थुक्‍टु ॱनेरी, ङा जीक्‍ई। च्‍यीक झ्‍यीना होदुरु धुगा धाङ ठादोक धाङ खोङडो धाङ राङदो़ धाङ ॱमेबेप धाङ ठामा धाङ ङागेल धाङ ॱङ्योक्‍टाक्‍या झ्‍युङहुङ।

२ कोरीन्‍थुपा 12:6

ङा ङोम्‍सोराङ झ्‍यीङी दो़हो़ना, ङा कुक्‍पा झ्‍युङगीमालाक घीझ्‍येरी ॱनाना ङी धेन्‍पागो राङ स्‍येगीलाक। हीना मी सी़या ङी नाङ थोङगीन धाङ ङाने घोरकीनने ल्‍हाक ङाला ॱमासामास्‍योक ॱनेरी, ङा ङोम्‍सो झ्‍यीयेने राङला काईहो़क।

२ कोरीन्‍थुपा 4:15

घीझ्‍येरी ॱनाना देक्‍या घीरी खेक्‍याला फेन्‍येगी क्षीदु लाक। धेनी दे नी थुक्‍जेगो मी माङाचारु फेरी डोवाराङ, को़न्‍क्षोकगी शीजे हुङयेला काटीन्‍क्षे श्‍युयेगोवा फेयेगी क्षीदु लाक।

कोलोसेपा 2:18

धेनी मी सी़या खेक्‍याला ॱङ्यामच्‍युङ झ्‍युङये धाङ नाम्‍खे भाङछेनला क्षाक्‍क्षो़पा पुयेला उजुक ग्‍याप्‍ती, खीकी ज्‍यागा ठोक्‍तु ॱमाच्‍युक। देरे मीक्‍या राङगी थोङनाङगी कोरला, लाब ॱना माङा ताङालाक धेनी राङगी जीक्‍तेनगी साम्‍लो ताङदाङला, खुङक्‍या दो़न्‍मेदु ङागेलगी खाङालाक।

१ थेसालोनीकेपा 1:5

घीझ्‍येरी ॱनाना हीकी ताम्‍शाङगो खेक्‍याचारु छीकला च्‍यीगा मेन्‍दा, वाङ धाङ धाम्‍पे थुक्‍ङी धाङ ॱङोन्‍ने ढाङने धेन्‍पे थोक्‍ने होवालाक। खेक्‍याई घुङदु खीकी क्षीला हीकी चो़पा घारे हो़तालाक ॱनेरी, खेक्‍या स्‍येलालाक।

२ तीमोथेउ 2:10

होझ्‍येरी धाम्‍दा मीक्‍यागी दो़नला ङा घीरी शो़पा घोमीहो़क। देरे झ्‍येरी खुङक्‍याला थामेपे शीजेमुला, मास्‍यीका येशुने थारपा थोप्‍कीलाक।