१ कोरीन्‍थुपा 4:4 - ॱलोवा

⁴ ङी ङारी झ्‍येजा नोन्‍डुक्‍याई कोरला घीया ढेन्‍सो़ झ्‍यी ॱमीथुक्‍वा, हीना दी ङाला क्‍यो़न मेगीन मेशोवालाक। धेनी ङी ठीम चेगीन नी, चोवो हीन।

१ कोरीन्‍थुपा 4:4 Iomraidhean Croise

योहान्‍ना 21:17

थेङ सुम्‍बा खोङबागी खोला सुवालाक, “योहान्‍नागी भीजा सीमोन, ख्‍यो़ ङाला चेवा झ्‍यीदी हो़ती?” धा येशुगी पेटोला थेङ सुम्‍बा थुक्‍पे, “ख्‍यी़ ङाला चेवा झ्‍यीदी हो़ती?” सुरी ढीवा जेगीनगोला खो सेम फाम्‍बालाक। धेनी खी़ खोङबाला श्‍यी़वालाक, “चोवो, खेराङ घीरी खेन्‍दालाक। ङी खेराङला चेवा झ्‍यीगीनगोवा खेराङ खेन्‍दालाक।” येशुगी खोला सुवालाक, “ङी लुकक्‍या छो़।

जेपा 23:1

पाउलुगी छोक्‍दी़गी स्‍योकला स्‍यारी तेरी ॱनेवालाक, “पी़नक्‍याओ, धान्‍दा थुक्‍पे को़न्‍क्षोकगी दोङदु, ङी स्‍येशाङ चाङमागी गोने मीजी पीहो़क।”

रोमापा 2:13

घीझ्‍येरी ॱनाना को़न्‍क्षोकगी डुङदु क्षो़ठीम घोरकीनक्‍या ढाङपो मेन्‍दा, क्षो़ठीमगी सुङगीन च्‍योक्‍रे, झ्‍यीगीनक्‍या ढाङपो चीगीलाक।

रोमापा 4:2

आब्‍राहाम लेगागी थोक्‍ने, को़न्‍क्षोकगी डुङदु ढाङपो झ्‍युङहो़ना, खोङला ङोम्‍सो झ्‍यीये दो़न च्‍यीक हो़तालाक हीना को़न्‍क्षोकगी डुङदु मेतालाक।

१ कोरीन्‍थुपा 4:3

खेक्‍याने याङना मीगी ठीम्‍राने, ङी ठीम चेना, ङाला घीया फोक्‍येमेक। धेनी ङी ङाराङगीया राङला ठीम ॱमेचेहो़क।

१ कोरीन्‍थुपा 4:5

होझ्‍येरी को़का धी़गो माभाप्‍कीन एन्‍ला, मी सी़याः ठीम ॱमाचे। धेनी चोवो फेप्‍कीन थुक्‍पे घुक्‍ती धो़क। खोङबागी मी़नाकगी नाङ बेरी श्‍याक्‍सा, लाब घीरी हो़ला ॱङो़न जेगीलाक धेनी मीगी सेम्‍बे क्षास्‍यीक्‍या ॱङो़न जेगीलाक। धेनी होदे घाङला मी रे-रेगी, को़न्‍क्षोकने राङगी तो़पा थोप्‍कीलाक।

२ कोरीन्‍थुपा 1:12

हीकी ङोम्‍सो झ्‍यीयेगी दो़न नी, दे जीक्‍तेनगी मीक्‍यामुला हीकी चो़पा धाङ ॱमीक्‍सेदु खेक्‍यामुला हीकी ढेवा नी, को़न्‍क्षोकने झ्‍युङगीन सेम ढाङपो धाङ चाङमा थोक्‍ने हीन्‍गीनगो, हीकी स्‍येयो़नगीराङ पाङपो झ्‍यीदालाक। दे नी जीक्‍तेनगी स्‍येरापगी थोक्‍ने मेन्‍दा, को़न्‍क्षोकगी थुक्‍जे थोक्‍ने झ्‍युवालाक।

२ कोरीन्‍थुपा 5:10

घीझ्‍येरी ॱनाना होराङ घीरी मास्‍यीकागी ठीम्‍चो़गी, श्‍युक्‍ठी दोङदु लाङ घोगुलाक। देरे झ्‍येरी ली़ दे नाङ हो़ताराङ, शाङा याङना ङेन्‍पा घी झ्‍यीगीनगोला तेन्‍ती, होदेगी ढेबुगो होराङ रे-रेला थोप्‍कीलाक।