2 धा ॱङेरपाक्या नी, ॱलो का थुप्कीन झ्युङघो़।
दाक्पोगी़ खोला ॱनेवालाक, ‘ॱयोक्पो शाङपो धाङ ॱलो का थुप्कीन, ख्यी़ ॱमीच्यीकी घा झ्येदुक। ख्यी़ ङ्युङाला ढाङपो झ्येरी, धा ङा ख्यो़ला माङागी गेन तेराहीन। धा ङीमुला घाटो ताङदु स्योक।’
चोवोगी सुवालाक, “धा दाक्पोगी राङगी नाङमीक्याला धी़चो़ ताक-ताकला राङ-राङगी कादागी शामा तेरयेला को़का, ॱङेरपा ॱलो काथुप्कीन धाङ स्येरापचेनगो सुले?
मीक्याई हेक्याला मास्यीकागी श्याप्चीपा धाङ को़न्क्षोकगी साङवे दो़नक्याई, ॱङेरपा च्योक्रे चीघो़।
धेनी होझ्येरीराङ चोवोगी नाङ ॱलो का थुप्कीन, ङी चेवे भु तीमोथेला, ङी खीकीचारु झाहो़क। धेनी साजा हो़लेदु क्षो़छोक घीरीला ङी क्षो़ स्येस्या च्योक्रे थी़न्गीन, मास्यीका येशुगी नाङ ङी मीछे घारे हो़गीनगो, खी़ खेक्याला ढेन्सो ॱलाङगीलाक।
खेक्याने याङना मीगी ठीम्राने, ङी ठीम चेना, ङाला घीया फोक्येमेक। धेनी ङी ङाराङगीया राङला ठीम ॱमेचेहो़क।
धा भोमो नाच्युङमाक्याई कोरला चोवोगी का ङाला मेक, हीना ङा चोवोगी थुक्जेगी गोने ॱलो काथुक्कीन मी च्यीक झ्येरी, ङारी साम्जु स्येदाहीन।
घीझ्येरी ॱनाना मी माङक्षे च्योक्रे, हेक्या को़न्क्षोकगी का राङला खेब्साङ हुङयेगी क्षीदु ॱमेस्येहो़क। हीना को़न्क्षोकगी ॱङाक जेजा मी ढाङपोक्या च्योक्रे, हेक्या को़न्क्षोकगी डुङदु मास्यीकागी नाङ ताम्शाङ स्येदाहीन।
हीना हेक्याई साङवा धाङ ङोछागीन लेगा घीरी पा हो़क। धेनी हेक्या ॱली़टे धाङ को़न्क्षोकगी काला ॱयो़येगी लेगाक्या मीझ्यीहो़क। हीना को़न्क्षोकगी ॱमीक्वादु मी घीरीगी स्येशाङला, हेक्या मी घा हीन्गीनगो तो़न्येला, हेक्या धेन्पे कागो सावो झ्येरी सेटाक झ्यीदीहो़क।
दी कोरला, हीकी चेवे लेरोक एपाब्राने खीकी ज्यावालाक। खो हीकी छापला मास्यीकागी श्याप्तोक्पा, ॱलो काथुप्कीन च्यीक लाक।
धेनी आरकीप्पोला, “चोवोगी गोने ख्यो़ला थोप्था लेगेनगो, ख्यी़ घाङगी झ्येरी हीन्ना डुप्पा झ्यी।” ॱनेरी ॱनो़।
ङी ॱनेछु घीरी, खेक्याला तुखीकोसगी स्येगीलाक। खो नी, चेवे पी़न धाङ ॱलो का थुप्कीन श्याप्तोक्पा धाङ चोवोगी नाङ लेरोक च्यीक्पा लाक।
