१ कोरीन्‍थुपा 4:15 - ॱलोवा

¹⁵ मास्‍यीकागी थोक्‍ने, खेक्‍याला ताक्‍योङ झ्‍यीगीन मी ठी च्‍यीक हो़ना, खेक्‍याला आकीक्‍या माङा मेतालाक। घीझ्‍येरी ॱनाना मास्‍यीका येशुगी नाङ ताम्‍शाङगी गोने, ङा खीकी आकी झ्‍युवालाक।

१ कोरीन्‍थुपा 4:15 Iomraidhean Croise

रोमापा 15:20

धेनी मी श्‍येम्‍मागी तीङ सासा ॱमाङस्‍यीगी खाला, खाङबा ॱमीचीक्‍येगी क्षीदु ङी च्‍योई मास्‍यीकागी छेन ॱमेस्‍येगीन, साजाक्‍याला च्‍यीगा ताम्‍शाङ स्‍येयेगी दो़पा श्‍याक्‍पी।

१ कोरीन्‍थुपा 1:30

मास्‍यीका येशुगी नाङ खेक्‍या हो़गीन दे, को़न्‍क्षोकगी झ्‍येरी लाक। धेनी मास्‍यीका नी, होरी दो़नला को़न्‍क्षोकने होरी स्‍येराप धाङ होरी ढाङतेन धाङ होरी धाम्‍पा धाङ होरी थारलाम झ्‍युवालाक।

१ कोरीन्‍थुपा 15:1

धा पी़नक्‍याओ, ङी खेक्‍याला स्‍येगीन ताम्‍शाङगो, ङा खेक्‍याला ढेन्‍सो ॱलाङाहीन। दे ताम्‍शाङला खीकी खेलेन झ्‍येवालाक धेनी होदेला तेन्‍पो ॱनेती धेदालाक।

१ कोरीन्‍थुपा 3:10

को़न्‍क्षोकगी ङाला ॱनाङना थुक्‍जेगी गोने, ङी खाङबा शोगीन खेवा च्‍यीक च्‍योक्‍रे, खाङबी ॱमाङस्‍यीगो तीवी धेनी श्‍येम्‍माक्‍याई होदेगी खाला चीक्‍पा चीक्‍यी। हीना खाङबा चीक्‍कीन रे-रेगी, होदे चीक्‍यी घाङला दो़नाङ झ्‍यीघो़।

१ कोरीन्‍थुपा 3:6

ङी साङा ताप्‍पी धेनी आपोल्‍लोसगी क्षु ॱलुक्‍जुङ हीना को़न्‍क्षोकगी होदे केरु च्‍युक्‍वा जेपालाक।

१ कोरीन्‍थुपा 3:8

साङा ताप्‍कीन धाङ क्षु ॱलुक्‍कीन नी, च्‍यीक्‍पा लाक धेनी खुङक्‍याला राङगी काल्‍ले ग्‍याप्‍कीनगी छो़लाराङ ॱलाज्‍या थोप्‍कीलाक।

१ कोरीन्‍थुपा 9:12

श्‍येम्‍माक्‍याला खीकी हुङघुङने रोक्‍राम थोप्‍येगी आङजा हो़ना, हेक्‍याला देले क्षे आङजा हो़तामाले? घीहीन्‍ना हीकी दे आङजागी भेचो़ माझ्‍येहो़क हीना मास्‍यीकागी ताम्‍शाङला ॱनो़ ॱमेक्‍यायेगी क्षीदु, हेक्‍या दो़न घीरीला शो़गोम झ्‍यीदीहो़क।

१ कोरीन्‍थुपा 9:14

देरेराङ झ्‍येरी ताम्‍शाङ स्‍येगीनक्‍यालाः ताम्‍शाङ स्‍येगीन लेगागी गोनेराङ, छोवा क्‍यायेला रोक्‍राम थोप्‍घोगुलाक ॱनेरी चोवोगी का ॱनाङ हो़तालाक।

१ कोरीन्‍थुपा 9:16

होझ्‍येरी ङी ताम्‍शाङ स्‍येना, ङाला ङोम्‍सो झ्‍यीयेगी दो़न घीया मेक घीझ्‍येरी ॱनाना ताम्‍शाङ स्‍येये माना, ङाला थापस्‍यी श्‍येम्‍मा मेक। ङी ताम्‍शाङ ॱमेस्‍येना ङाला क्षेपा फोक्‍वास्‍योक।

१ कोरीन्‍थुपा 9:18

धा ॱहाना ङी ज्‍यागागो घी ले? ताम्‍शाङ स्‍येयेगी लेगाला ङारी आङजागी थोप्‍ताङ ॱमेचाला धेनी रीङ मेलेन्‍दा ताम्‍शाङ स्‍येये राक्‍ये दे, च्‍यीगा ङी ज्‍यागा लाक।

१ कोरीन्‍थुपा 9:23

मी श्‍येम्‍माक्‍याईमुला ताम्‍शाङगी झ्‍यीलाप थोप्‍येगी क्षीदु, ङा दे घीरी ताम्‍शाङगी क्षीदु झ्‍यीदाहीन।

२ कोरीन्‍थुपा 4:5

घीझ्‍येरी ॱनाना हेक्‍या राङगी कोरला मेन्‍दा, हीना हेक्‍या येशुगी क्षीदु खेक्‍याई श्‍याप्‍चीपा झ्‍युरी, येशु मास्‍यीकाराङ चोवो हीन ॱनेरी सेटाक झ्‍यीदाहीन।

गालातीयापा 3:24

होराङ धेपागोने को़न्‍क्षोक डुङदु याङदाक्‍पा ग्‍युरयेला, मास्‍यीका ॱमाफेप्‍कीन थुक्‍पे क्षो़ठीम होरी तादोक झ्‍यीगीन झ्‍युवालाक।

गालातीयापा 3:25

हीना धान्‍दा धेपा ॱङो़न्‍सुमदु ग्‍युरती, धा होराङ तादोक झ्‍यीगीन क्षो़ठीमगी होकदु मेतालाक।

गालातीयापा 4:19

ङी चेवे टुवाक्‍याओ, खेक्‍या मास्‍यीकागी स्‍यीका च्‍योक्‍रे माझ्‍युङगीन थुक्‍पे, ङा खीकी क्षीला याङदा केशुकला हो़गीन च्‍योक्‍रे दुक।

२ तीमोथेउ 4:3

घीझ्‍येरी ॱनाना मीक्‍याई तावा ढाङतेनगी ॱलापच्‍याला ङेन्‍ङी मेदो़दा, राङगी ङेन्‍ङी दो़गीन लाबक्‍या धाङ राङगी थेगीन ॱलोपो़नक्‍या चायेगी धी़ स्‍यारकीलाक।

तीतोस 1:4

ङीमुला धेपा च्‍यीक्‍पा हो़गीन, ङी ॱङोन्‍नेगी भीजा तीतोसला, दे यीक ढीयाहीन। याप को़न्‍क्षोक धाङ होराङला थारपा ॱनाङगीन येशु मास्‍यीकागी, ख्‍यो़ला थुक्‍जे धाङ श्‍यीदे ॱनाङास्‍योक।

फीलेमोन 1:19

ङा पाउलु ङाराङगी लाक्‍पागी दे ढीयाहीन, ङी होदे जाङु। हीना ख्‍यी़ मीछेगी ढीन्‍लेनगो, ङी केनगी हीन्‍गीनगो ख्‍यो़ला ॱनाघोगुमालाक।

याकोब 1:18

खोङबागी को़पा घीरीने, लोदोक फी़गो होराङ झ्‍युङास्‍योक ॱनेरी, खोङबाराङगी थुकोङगी धेन्‍पे का थोक्‍ने, होराङला केवा साबा ॱनाङा जेपालाक।

१ पेटो 1:23

घीझ्‍येरी ॱनाना खेक्‍या मेताला डुगीन साङाने मेन्‍दा, ग्‍युने ग्‍युन्‍दु ॱनेगीन साङा हीन्‍गीन, को़न्‍क्षोकगी सो़न्‍पो धाङ ताक्‍दु ॱनेगीन कागी थोक्‍ने धाब्‍ले केवालाक।