१ कोरीन्‍थुपा 4:1 - ॱलोवा

¹ मीक्‍याई हेक्‍याला मास्‍यीकागी श्‍याप्‍चीपा धाङ को़न्‍क्षोकगी साङवे दो़नक्‍याई, ॱङेरपा च्‍योक्‍रे चीघो़।

१ कोरीन्‍थुपा 4:1 Iomraidhean Croise

मेथा 13:11

खोङबागी सुवालाक, “नाम्‍खे ग्‍यासीगी साङवाक्‍या स्‍येयेला, खेक्‍याला ॱनाङ हो़तालाक हीना खुङक्‍याला ॱमानाङ हो़तालाक।

मेथा 24:45

“ॱलो का थुप्‍कीन धाङ स्‍येरापचेनगी ॱयोक्‍पोगो सुले? खीमगी दाक्‍पोगी धी़चो़ ताक-ताकगोला ॱयोक्‍पो श्‍येम्‍माक्‍याला शामा तेरयेला को़गीन ॱयोक्‍पोगो लाक।

मारकु 4:11

धेनी येशुगी खुङक्‍याला सुवालाक, “को़न्‍क्षोकगी ग्‍याखापगी साङवा, खेक्‍याला ॱनाङ हो़तालाक। हीना फीदागी मीक्‍याला लाब घीरी पेगी थोक्‍ने स्‍येगीलाक,

लुका 1:2

दे लेगा घीरी गोमाने थोथा, मीक्‍या धाङ कागी श्‍याप्‍तोक्‍पा हीन्‍गीन, मीक्‍याने हीकी ॱहाघोगीन च्‍योक्‍रे होदेक्‍याई ढीक्‍दुक।

लुका 12:42

चोवोगी सुवालाक, “धा दाक्‍पोगी राङगी नाङमीक्‍याला धी़चो़ ताक-ताकला राङ-राङगी कादागी शामा तेरयेला को़का, ॱङेरपा ॱलो काथुप्‍कीन धाङ स्‍येरापचेनगो सुले?

लुका 8:10

खोङबागी सुवालाक, “खेक्‍याला को़न्‍क्षोकगी ग्‍यासीगी साङवागी स्‍येराप ॱनाङ हो़तालाक हीना श्‍येम्‍माक्‍याला ङा पेने ॱनालाक। होझ्‍येरी सुङरापला हो़गीन दे डुप्‍पालाक ‘देक्‍याई तेरीयाः ॱमेथोङगीलाक, धेनी ङेन्‍दीयाः मेघोरकीलाक।’

रोमापा 11:25

पी़नक्‍याओ, खेक्‍या राङला खेवा ॱमीचीयेगी क्षीला, खेक्‍याई साङवा दे स्‍येलास्‍योक ॱनेरी, ङा दो़दीहो़क। याहुदापा मेन्‍गीनक्‍या छाङबो को़न्‍क्षोकगी डुङदु माहुङगीन थुक्‍पे, ईस्‍राएल्‍पा रीङगाक्‍याई सेम ग्‍योङा झ्‍युङ हो़तालाक।

रोमापा 16:25

धा को़न्‍क्षोकला शीजे हुङास्‍योक। धेनी येशु मास्‍यीकागी कोरला, ङी स्‍येगीन ताम्‍शाङगी थोक्‍ने धाङ धी़ थोक्‍माने सारी श्‍याकश्‍या, साङवा ॱङो़न्‍गीनगी थोक्‍ने, खोङबागी खेक्‍याला स्‍युक्‍क्षे जे थुक्‍वालाक।

१ कोरीन्‍थुपा 2:7

हीना साङवादु बेरी श्‍याकश्‍या को़न्‍क्षोकगी स्‍येराप दे हेक्‍या स्‍येदाहीन। स्‍येराप दे नी, जीक्‍तेन ॱमाको़ एन्‍लानेराङ, हीकी शीजेगी क्षीला को़न्‍क्षोकगी को़वालाक।

१ कोरीन्‍थुपा 3:5

धा ॱहाना, आपोल्‍लोस सुले? धेनी पाउलु सुले? खुङक्‍या नी चोवोगी रे-रेला को़ ॱनाङना धाङ खुङक्‍याई थोक्‍ने, खेक्‍याई धेपा झ्‍येजा श्‍याप्‍चीपा च्‍यीका लाक।

१ कोरीन्‍थुपा 4:13

हेला ॱमेबेप ताङाराङ, हेक्‍या लेन ज्‍याबोमा ॱलोक्‍यीहो़क। धान्‍दा थुक्‍पे, हेक्‍या जीक्‍तेनगी झोरा धाङ घीरीने घो ॱमेछोगीन च्‍यालाक च्‍योक्‍रे झ्‍युहो़क।

१ कोरीन्‍थुपा 4:2

धा ॱङेरपाक्‍या नी, ॱलो का थुप्‍कीन झ्‍युङघो़।

२ कोरीन्‍थुपा 11:23

खुङक्‍या मास्‍यीकागी श्‍याप्‍चीपा ले? ङा ॱयोल्‍ले श्‍याप्‍ची शाङा हीन। ङा ॱङ्योम्‍बा च्‍योक्‍रे लाब ताङीहो़क। ङी ॱमीच्‍यीकी काल्‍ले ग्‍याप्‍पी। ङा चो़न्‍खाङदु थेङ माङा छी़जुङ। ङाला ताच्‍याकगी दुङदाक माङा फोक्‍जुङ। धेनी थेङ माङा ङारी ॱरोक ङेन्‍काला छी़जुङ।

२ कोरीन्‍थुपा 12:6

ङा ङोम्‍सोराङ झ्‍यीङी दो़हो़ना, ङा कुक्‍पा झ्‍युङगीमालाक घीझ्‍येरी ॱनाना ङी धेन्‍पागो राङ स्‍येगीलाक। हीना मी सी़या ङी नाङ थोङगीन धाङ ङाने घोरकीनने ल्‍हाक ङाला ॱमासामास्‍योक ॱनेरी, ङा ङोम्‍सो झ्‍यीयेने राङला काईहो़क।

२ कोरीन्‍थुपा 4:5

घीझ्‍येरी ॱनाना हेक्‍या राङगी कोरला मेन्‍दा, हीना हेक्‍या येशुगी क्षीदु खेक्‍याई श्‍याप्‍चीपा झ्‍युरी, येशु मास्‍यीकाराङ चोवो हीन ॱनेरी सेटाक झ्‍यीदाहीन।

२ कोरीन्‍थुपा 6:4

हीना हेक्‍या राङला को़न्‍क्षोकगी श्‍याप्‍चीपा हीन्‍गीनगो, दे घीरीगी थोक्‍ने तो़न्‍दाहीन, शो़पा क्षे धाङ दुङा धाङ काङे धाङ क्‍यो़न हुङाराङ,

एफीसुपा 1:9

मास्‍यीका खाला ॱनेना, खोङबागी क्षास्‍यीला तेन्‍ती, राङगी थुकोङगी साङवा दे होराङला ॱङो़न्‍तु जेपालाक।

एफीसुपा 6:19

धेनी ताम्‍शाङगी साङवागो ॱङीङक्षे झ्‍येरी सेटाक झ्‍यी थुप्‍येला, ङी खा पेली घाङला काक्‍या ॱनाङास्‍योक ॱनेरी ङी क्षीला ॱमो़लाम श्‍यी़।

कोलोसेपा 2:2

ङी देरे झ्‍यीगीनगी दो़न नी, खेक्‍याला सेमस्‍युक थोप्‍ती झाम्‍पागी गोने, खेक्‍या नाङ थी़न्‍डी हुङयेगी क्षीदु लाक। धेनी खेक्‍याला स्‍येयो़न छाङगोगी तेर घीरी थोबास्‍योक धेनी को़न्‍क्षोकगी साङवा नी, मास्‍यीका हीन्‍गीनगो स्‍येलास्‍योक ॱनेरी लाक।

कोलोसेपा 4:3

मास्‍यीकागी साङवागो स्‍येयेला, को़न्‍क्षोकगी हेक्‍याला कागी क्षीदु घो पेवास्‍योक ॱनेरी, हीकी क्षीलाः ॱमो़लाम ग्‍योप। दो़न दी क्षीदु ङा चो़न्‍खाङदु हो़क।

१ तीमोथेउ 3:16

क्षो़सेमगी साङवा ॱमीच्‍यीकी ॱहालेवा दुक ॱनेरी, हेक्‍या खे लेन्‍दाहीन। खोङबा नी ली़ला ॱङो़न, थुक्‍ङीगी ॱनामदाक्‍पा तो़न। नाम्‍खे भाङछेनक्‍याई खोङबाला ज्‍याल, मीरीक नाङला खोङ नी डाक, जीक्‍तेनदु खोङबाला धेपा झ्‍ये, शीजेगी थोक्‍ने नाम्‍खे श्‍यीङखामला फाक।

१ तीमोथेउ 3:6

खो धेपाला साम्‍बा ग्‍युरवा मी हुङये मेतालाक घीझ्‍येरी ॱनाना खो पोवा केरी धी़कगी क्षेपा नाङला ल्‍हीम थुप्‍कीलाक।

१ तीमोथेउ 3:9

खुङक्‍या धेपागी साङवागोला स्‍येराप शाङपोगी थोक्‍ने, ॱरुङ घोगुलाक।

तीतोस 1:7

क्षो़छोकगी गोठीगो को़न्‍क्षोकगी श्‍याप्‍ची झ्‍येरी, क्‍यो़न मेगीन हुङ घोगीलाक। खो दो़पा क्षे धाङ ॱना तुङा धाङ क्षाङदुवा धाङ ठुक्‍चारा धाङ आलेला, मेढाङा हुङये मेतालाक।

१ पेटो 4:10

खेक्‍या नाङने मी रे-रेला को़न्‍क्षोकने ॱनाङज्‍यीन थोप्‍था झ्‍येरी, को़न्‍क्षोकगी थुक्‍जेगी ॱनाङज्‍यीन ॱनाछोक थोप्‍था ॱङेरपाक्‍या च्‍योक्‍रे, राङला थोप्‍था ॱनाङज्‍यीनगो च्‍यीकगी च्‍यीकला श्‍याप्‍ची श्‍यी़येला भेचो़ झ्‍यी।