१ कोरीन्‍थुपा 3:8 - ॱलोवा

⁸ साङा ताप्‍कीन धाङ क्षु ॱलुक्‍कीन नी, च्‍यीक्‍पा लाक धेनी खुङक्‍याला राङगी काल्‍ले ग्‍याप्‍कीनगी छो़लाराङ ॱलाज्‍या थोप्‍कीलाक।

१ कोरीन्‍थुपा 3:8 Iomraidhean Croise

मेथा 16:27

घीझ्‍येरी ॱनाना मी-भु नी, राङगी भाङछेनक्‍यामुला राङगी यापगी शीजेला फेप्‍कीलाक धेनी मी रे-रेला राङगी ज्‍यावाला थी़न्‍गीन लेन ॱनाङगीलाक।

लुका 19:19

खी़ खोला ॱनेवालाक, ‘ख्‍यो़लाः ग्‍याजा ॱङागी खाला वाङ थोप्‍कीलाक।’

रोमापा 2:6

को़न्‍क्षोकगी मी रे-रेला, राङगी लेगाला थी़न्‍गीन ढेबु ॱनाङगीलाक।

१ कोरीन्‍थुपा 15:58

होझ्‍येरी ङी चेवे पी़नक्‍याओ, खेक्‍या तेन्‍पो धाङ घु-घु मीझ्‍यीदा धो़क। धेनी चोवोगी नाङ खीकी काल्‍ले ग्‍याप्‍कीनगो दो़न मेगीन मेयोङालाक ॱनेरी, खेक्‍याई स्‍येगीन झ्‍येरी, खेक्‍या चोवोगी क्षाक्‍ले ॱमीच्‍यीकी हुरा झ्‍येरी झ्‍यीदी सोङ।

१ कोरीन्‍थुपा 3:14

धेनी ॱमाङस्‍यी दी खाला चीक्‍चागो ॱनेना, चीक्‍गीनगोला ज्‍यागा थोप्‍कीलाक।

१ कोरीन्‍थुपा 3:7

होझ्‍येरी ताप्‍कीन याङना क्षु ॱलुक्‍कीन नी, घीया मालाक हीना होदेला केरु च्‍युक्‍कीन को़न्‍क्षोकराङ गेक्षे लाक।

१ कोरीन्‍थुपा 3:9

घीझ्‍येरी ॱनाना हेक्‍या नी, को़न्‍क्षोकगी लेरोकक्‍या हीन धेनी खेक्‍यागो को़न्‍क्षोकगी श्‍यीङ धाङ श्‍युक्‍खाङ लाक।

१ कोरीन्‍थुपा 4:15

मास्‍यीकागी थोक्‍ने, खेक्‍याला ताक्‍योङ झ्‍यीगीन मी ठी च्‍यीक हो़ना, खेक्‍याला आकीक्‍या माङा मेतालाक। घीझ्‍येरी ॱनाना मास्‍यीका येशुगी नाङ ताम्‍शाङगी गोने, ङा खीकी आकी झ्‍युवालाक।

१ कोरीन्‍थुपा 9:7

राङगी डोसोङ तारी, ॱमाक्‍मी लेगा सी़ झ्‍यीगीलाक से? घुन्‍डुमगी दुम्‍रा ताप्‍ती होदेगी ढेबुगो सी़ मेशागीलाक से? रा-लुक ख्‍यु चारी, सी़ होदेगी होमा ॱमीथुङगीलाक से?

गालातीयापा 6:4

हीना रे-रेगी राङगी लेगाला ताक्‍चा झ्‍यीघोगीलाक। देरे झ्‍यीना खी़ राङला श्‍येम्‍मामुला मादुरा, राङगी च्‍यो़पाला ङोम्‍सो झ्‍यी थुक्‍कीलाक।

गालातीयापा 6:5

घीझ्‍येरी ॱनाना राङगी खु राङ-राङ खुर घो़गीलाक।

ईब्‍रीपा 6:10

घीझ्‍येरी ॱनाना को़न्‍क्षोक नी, मेढाङा मेतालाक। खेक्‍याई झ्‍यीगीन ले शाङाक्‍या धाङ खेक्‍याई खोङबाला चेवा झ्‍यीगीन झ्‍येरी, एम्‍मा धाम्‍पे मीक्‍याला श्‍याप्‍तोक पुपा धाङ धेनी धान्‍दा झ्‍यीगीन देला को़न्‍क्षोकगी ज्‍येदा जेगीमालाक।

१ पेटो 5:4

धेनी झ्‍यीवु चोगो ॱङो़न्‍सुमदु फेवी घाङला, खेक्‍याला नामा येरी मेडोगीन शीजेगी चोपो़न थोप्‍कीलाक।

२ योहान्‍ना 1:8

हेक्‍याई डुप्‍टा दो़नगो खेक्‍याई स्‍योरतु ॱमाच्‍युक हीना खेक्‍याला ज्‍यागा छाङगो थोप्‍ये क्षीला, खेक्‍या शाप-शाप झ्‍यी।

ॱङो़न्‍पा 2:23

ङा मी़ टुवाक्‍याला सेयेहीन। धेनी मीगी सेम धाङ साम्‍लोला ताक्‍चा झ्‍यीगीनगो, ङा हीन ॱनेरी, क्षो़छोक घीरीगी स्‍येगीलाक। धेनी ङा खेक्‍या घीरीला, खेराङक्‍याई लेगाला तेरी तेराहीन।

ॱङो़न्‍पा 22:12

येशुगी सुङालाक, “तो़दाङ, ङा ग्‍योक्‍वा हुङीहो़क। मी घीरीला राङ-राङगी झ्‍यीगीनला तेरी, होदेगी ढेबु तेरयेहीन।