१ कोरीन्‍थुपा 3:5 - ॱलोवा

⁵ धा ॱहाना, आपोल्‍लोस सुले? धेनी पाउलु सुले? खुङक्‍या नी चोवोगी रे-रेला को़ ॱनाङना धाङ खुङक्‍याई थोक्‍ने, खेक्‍याई धेपा झ्‍येजा श्‍याप्‍चीपा च्‍यीका लाक।

१ कोरीन्‍थुपा 3:5 Iomraidhean Croise

मेथा 25:15

खुङक्‍याई ज्‍यो़न्‍दाङला तेरी, दाक्‍पोगी़ धाङपोगोला सेरगी टाङगा ॱङातोङ धेनी ॱङीवागोला ङीतोङ धेनी सुम्‍बागोला च्‍यीकतोङ तेरपालाक। धेनी खो होदेने सोवालाक।

लुका 1:2

दे लेगा घीरी गोमाने थोथा, मीक्‍या धाङ कागी श्‍याप्‍तोक्‍पा हीन्‍गीन, मीक्‍याने हीकी ॱहाघोगीन च्‍योक्‍रे होदेक्‍याई ढीक्‍दुक।

योहान्‍ना 3:27

योहान्‍नागी लेन तेरपालाक, “नाम्‍खे श्‍यीङखामने को़न्‍क्षोकगी दे ॱमानाङगीन थुक्‍पे, मी सुलाः घीया थोप ॱमीथुप्‍कीलाक।

जेपा 18:24

होदे घुङला आलेक्‍जेन्‍डीयागी मी आपोल्‍लोस ॱनागीन, याहुदापा च्‍यीक एफीसुदु ॱलेप्‍पालाक। खो ॱमीच्‍यीकी घा लाब ताङ थुप्‍कीन धाङ क्षो़ठीमगी कोरला ॱमीच्‍यीकी खेवा हो़तालाक।

जेपा 19:1

आपोल्‍लोस कोरीन्‍थुरु हो़ती घाङला, पाउलु एशीयागी घुङने झ्‍युरी एफीसु ग्‍याजाला ॱलेप्‍पालाक। होदुरु खी़ धेपा-झ्‍यीगीन रीङगा थुक्‍पालाक।

रोमापा 15:16

याहुदापा मेन्‍गीनक्‍याई क्षीदु मास्‍यीका येशुगी श्‍याप्‍चीपा झ्‍युङयेलाक। धेनी धाम्‍पे थुक्‍ङीगी याहुदापा मेन्‍गीनक्‍याला धाम्‍पा जेदी, खुङक्‍या को़न्‍क्षोकला थुक्‍ङेउ हुङगीन क्षो़पा झ्‍युङयेगी क्षीला, को़न्‍क्षोकगी ताम्‍शाङ स्‍येयेगी क्षो़पो़न च्‍यीकगी लेगेनगो, ङाला ॱनाङ हो़तालाक।

१ कोरीन्‍थुपा 12:28

को़न्‍क्षोकगी क्षो़छोक नाङला धाङपो कुछापक्‍या, ॱङीवा ॱङो़नस्‍येखेनक्‍या, सुम्‍बा ॱलोपो़नक्‍या धेनी ॱहाङसागीन लेगा झ्‍यीगीनक्‍या धेनी नेपा सोगीन ॱनाङज्‍यीन थोप्‍थाक्‍या धेनी रोक्‍राम झ्‍यीगीनक्‍या धेनी गोठी झ्‍यीगीनक्‍या धेनी केरीक ढामेढा स्‍येगीनक्‍या को़ जे हो़तालाक।

१ कोरीन्‍थुपा 16:12

धा होरी पी़न आपोल्‍लोसगी कोरला ॱनाना, खोला पी़न श्‍येम्‍माक्‍यामुला खीकीचारु डोयेला, ङी ॱमीच्‍यीकी उजुक ग्‍याप्‍पी हीना धान्‍दा खो डोयेला फुक्‍की दो़पा मीझ्‍यीदा। धेनी घुकाप जोराराङ खो हुङगीलाक।

१ कोरीन्‍थुपा 3:10

को़न्‍क्षोकगी ङाला ॱनाङना थुक्‍जेगी गोने, ङी खाङबा शोगीन खेवा च्‍यीक च्‍योक्‍रे, खाङबी ॱमाङस्‍यीगो तीवी धेनी श्‍येम्‍माक्‍याई होदेगी खाला चीक्‍पा चीक्‍यी। हीना खाङबा चीक्‍कीन रे-रेगी, होदे चीक्‍यी घाङला दो़नाङ झ्‍यीघो़।

१ कोरीन्‍थुपा 3:22

होदेगो पाउलु हीन्‍ना आपोल्‍लोस हीन्‍ना केफास हीन्‍ना जीक्‍तेन हीन्‍ना छेसोक याङना छीवा हीन्‍ना धान्‍दा याङना माउपार हीन्‍ना, दो़न घीरी खेक्‍याई लाक।

१ कोरीन्‍थुपा 3:7

होझ्‍येरी ताप्‍कीन याङना क्षु ॱलुक्‍कीन नी, घीया मालाक हीना होदेला केरु च्‍युक्‍कीन को़न्‍क्षोकराङ गेक्षे लाक।

१ कोरीन्‍थुपा 9:17

घीझ्‍येरी ॱनाना ङा ङारी थेदी ताम्‍शाङ स्‍येना, ङाला ज्‍यागा हो़क। हीना ङी ङारी थेदी मेन्‍नाः, ताम्‍शाङ स्‍येयेगी गेन दे ङाला चोवालाक।

२ कोरीन्‍थुपा 11:23

खुङक्‍या मास्‍यीकागी श्‍याप्‍चीपा ले? ङा ॱयोल्‍ले श्‍याप्‍ची शाङा हीन। ङा ॱङ्योम्‍बा च्‍योक्‍रे लाब ताङीहो़क। ङी ॱमीच्‍यीकी काल्‍ले ग्‍याप्‍पी। ङा चो़न्‍खाङदु थेङ माङा छी़जुङ। ङाला ताच्‍याकगी दुङदाक माङा फोक्‍जुङ। धेनी थेङ माङा ङारी ॱरोक ङेन्‍काला छी़जुङ।

२ कोरीन्‍थुपा 3:3

धेनी खेक्‍या नी हीकी श्‍याप्‍ची श्‍युगीनगी ढेबु हीन्‍गीन, मास्‍यीकागी ढीया जेजा यीक लाक। दे यीक नी, ॱनाक्‍चागी ढीक्‍टा मालाक हीना कुसो़न्‍पो श्‍युक्‍कीन को़न्‍क्षोकगी थुक्‍ङीने ढीक्‍टालाक। धेनी धोलेप खाला ढीक्‍टा मेन्‍दा, मीगी सेम नाङदु ढीक्‍टा यीक लाक।

२ कोरीन्‍थुपा 3:6

खोङबागी हेक्‍याला धाम्‍चा साबागी श्‍याप्‍तोक्‍पा झ्‍युङयेला, ज्‍यो़न्‍पो जेजुङ। धेनी दे नी, यीगी थोक्‍ने मेन्‍दा हीना धाम्‍पे थुक्‍ङीगी थोक्‍ने लाक घीझ्‍येरी ॱनाना ढीक्‍टा क्षो़ठीमगी मीला छीवागी छेपा कालालाक हीना धाम्‍पे थुक्‍ङीगी छे ॱनाङालाक।

२ कोरीन्‍थुपा 4:1

होझ्‍येरी को़न्‍क्षोकगी ॱङीङजेगी गोने, हेक्‍याला दे श्‍याप्‍ची दे थोप्‍ती हेक्‍या सेमस्‍युक ॱमेक्षाक।

२ कोरीन्‍थुपा 4:5

घीझ्‍येरी ॱनाना हेक्‍या राङगी कोरला मेन्‍दा, हीना हेक्‍या येशुगी क्षीदु खेक्‍याई श्‍याप्‍चीपा झ्‍युरी, येशु मास्‍यीकाराङ चोवो हीन ॱनेरी सेटाक झ्‍यीदाहीन।

२ कोरीन्‍थुपा 4:7

हीना पाक्‍तु मेगीन नी़थुगो हेक्‍याई मेन्‍दा, को़न्‍क्षोकगी लाक ॱनेरी तो़न्‍येगी क्षीदु, होदे तेर दे होरी जामागी ॱनो़ नाङदु हो़तालाक।

२ कोरीन्‍थुपा 5:18

दे घीरी को़न्‍क्षोकने झ्‍युवालाक। धेनी खोङबागी होराङला मास्‍यीकागी थोक्‍ने, राङमुला दुमा जेपालाक धेनी थी़न्‍ढीलगी श्‍याप्‍तोक ॱनावालाक।

२ कोरीन्‍थुपा 6:1

हेक्‍या को़न्‍क्षोकगी लेरोक हीन्‍गीन झ्‍येरी, हेक्‍या खेक्‍याला को़न्‍क्षोकगी थुक्‍जेगो दो़न्‍मेदु मालेन ॱनेरी, श्‍योवा पुलाहीन।

२ कोरीन्‍थुपा 6:4

हीना हेक्‍या राङला को़न्‍क्षोकगी श्‍याप्‍चीपा हीन्‍गीनगो, दे घीरीगी थोक्‍ने तो़न्‍दाहीन, शो़पा क्षे धाङ दुङा धाङ काङे धाङ क्‍यो़न हुङाराङ,

एफीसुपा 3:7

को़न्‍क्षोकगी नी़थुगी क्षाक्‍ले थोक्‍ने, ङाला ॱनाङगीन खोङबागी थुक्‍जेगी ॱनाङज्‍यीनला तेन्‍ती, ङाला ताम्‍शाङगी श्‍याप्‍तोक्‍पा को़वालाक।

कोलोसेपा 1:23

होझ्‍येरी खेक्‍याई घोरकीन ताम्‍शाङने थोप्‍था रेवागो ॱमेपाङा, मी़थुने धेपाला तेन्‍पो ॱनेघो़। ताम्‍शाङ दे नाम्‍खे श्‍यीङखामगी होकदु जीक्‍तेनदु हो़गीन, घीरीला स्‍ये हो़तालाक धेनी ङा पाउलु दी श्‍याप्‍तोक्‍पा च्‍यीक हीन।

कोलोसेपा 1:25

खेक्‍याई क्षीदु ङाला को़न्‍क्षोकगी ॱनाङगीन लेगेनला तेन्‍ती, खोङगी का छाङबो झ्‍येरी स्‍येयेला, ङा क्षो़छोकगी श्‍याप्‍तोक्‍पा च्‍यीक झ्‍युहो़क।

१ तीमोथेउ 1:12

ङाला स्‍युक ॱनाङगीन, होरी चोवो मास्‍यीका येशुला ङा थुक्‍चीछे पुलाहीन। घीझ्‍येरी ॱनाना एम्‍मा, ङा को़न्‍क्षोकला कुरवा धेप्‍कीन च्‍यीक धाङ दुक्‍जोङ ताङगीन धाङ मी चुपो च्‍यीक झ्‍येरीयाः, खोङबागी श्‍याप्‍चीला ङाला को़ जेदी, खोङबागी ङाला ॱलोते जेसोङ।

१ पेटो 4:10

खेक्‍या नाङने मी रे-रेला को़न्‍क्षोकने ॱनाङज्‍यीन थोप्‍था झ्‍येरी, को़न्‍क्षोकगी थुक्‍जेगी ॱनाङज्‍यीन ॱनाछोक थोप्‍था ॱङेरपाक्‍या च्‍योक्‍रे, राङला थोप्‍था ॱनाङज्‍यीनगो च्‍यीकगी च्‍यीकला श्‍याप्‍ची श्‍यी़येला भेचो़ झ्‍यी।