१ कोरीन्‍थुपा 3:23 - ॱलोवा

²³ धेनी खेक्‍यागो मास्‍यीकागी लाक धेनी मास्‍यीका नी, को़न्‍क्षोकगी लाक।

१ कोरीन्‍थुपा 3:23 Iomraidhean Croise

मेथा 17:5

पेटोगी लाब ताङी-ताङी, खोङबाक्‍याला ॱरीङबा काउ च्‍यीकगी ढीम्‍बालाक। धेनी ॱरीङबा साङने सुङकेक च्‍यीकगी देरे सुवालाक, “दे नी ङी चेवे से हीन। दीमुला ङा ॱमीच्‍यीकी ङ्यामो घा हो़क। खोङला ङेन।”

योहान्‍ना 17:18

खेराङगी ङाला जीक्‍तेनदु ॱङाक्‍कीन च्‍योक्‍रे, ङीयाः खुङक्‍याला जीक्‍तेनदु ॱङाक्‍पाहीन।

योहान्‍ना 17:21

खुङक्‍या घीरी च्‍यीक झ्‍युङयेगी क्षीला ङा सोवा ग्‍यावाहीन। के याप, खेराङ ङी नाङ श्‍युक्‍कीन धाङ ङा खेराङ नाङ हो़गीन च्‍योक्‍रे, खुङक्‍याः होराङ ॱङीउ नाङ च्‍यीक झ्‍युङास्‍योक। धेनी खेराङगी ङाला ॱङाक्‍पालाक ॱनेरी जीक्‍तेनगी धेपा झ्‍यीदास्‍योक।

रोमापा 14:8

धेनी होराङ छोवा क्‍याना, चोवोगी क्षीदु छोवा क्‍यालालाक धेनी स्‍यीये हीन्‍ना, चोवोगी क्षीदुराङ होराङ स्‍यीलालाक। होझ्‍येरी होराङ छोवा क्‍याना याङना स्‍यीना, होराङ चोवोगीराङ लाक।

१ कोरीन्‍थुपा 11:3

हीना केवे-भु घीरीगी उ नी मास्‍यीका लाक धेनी केमीगी उ नी, मोरी ख्‍योवा लाक धेनी मास्‍यीकागी उ नी को़न्‍क्षोक लाक ॱनेरी, खेक्‍याई स्‍येगीनगो ङा दो़दीहो़क।

१ कोरीन्‍थुपा 15:23

हीना दे नी रेमीला झ्‍युङगीलाक, ढेबु धाङपोगो मास्‍यीका लाक धेनी मास्‍यीका धाब्‍ले फेई घाङला, खोङगी हीन्‍गीनक्‍या छीवाने सो़न्‍गीलाक।

१ कोरीन्‍थुपा 15:28

धेनी घीरी खोङगी वाङ होकदु श्‍या जेसारती, घीरी खोङगी वाङ होकदु श्‍या जेगीन, को़न्‍क्षोकगी वाङ होकदु से खोराङ ॱनेगीलाक। दे नी, को़न्‍क्षोक ॱङोपो घीरीगी थोकला थोस्‍योक झ्‍युङयेगी क्षीदु लाक।

१ कोरीन्‍थुपा 7:22

घीझ्‍येरी ॱनाना चोवोगी नाङ भो़ली घाङला, ढेन्‍योक हो़गीनगो धा चोवोगी राङवाङगी मी झ्‍यु हो़तालाक। होदेरेराङ झ्‍येरी चोवोगी भो़ली घाङला राङवाङ हो़गीन मीगो, धा मास्‍यीकागी ढेन्‍योक झ्‍यु हो़तालाक।

१ कोरीन्‍थुपा 8:6

हीना होरी क्षीदु याप को़न्‍क्षोक च्‍यीका हो़तालाक। खोङने राङ ॱङोपो घीरी झ्‍युवालाक धेनी खोङगी क्षीदुराङ होराङ छोवा क्‍यालालाक। धेनी चोवो च्‍यीक नी, येशु मास्‍यीका लाक धेनी खोङगी थोक्‍ने ॱङोपो घीरी झ्‍युवालाक धेनी खोङने होराङ छोवा क्‍यालालाक।

२ कोरीन्‍थुपा 10:7

खेक्‍याई ॱमीकगी दोङदु हो़गीनगोला तो़। धेनी राङला मास्‍यीकागी हीन्‍गीनगोला यीच्‍चे तेन्‍पो हो़ना, खी़ राङला मास्‍यीकागी हीन्‍गीन च्‍योक्‍रे हेक्‍याः मास्‍यीकागी लाक ॱनेरी, ढेन्‍सो ॱलाङघो़।

गालातीयापा 3:29

धा खेक्‍या मास्‍यीकागी हीन्‍ना, खेक्‍या आब्‍राहामगी भुग्‍यु लाक धेनी को़न्‍क्षोकगी धाम्‍चाला थी़न्‍गीन ग्‍युज्‍यीनक्‍या लाक।

गालातीयापा 5:24

धेनी मास्‍यीका येशुगी हीन्‍गीनक्‍याई, खोरी धीक्‍चेन राङश्‍यीगो दो़क्षाक धाङ दो़पाक्‍यामुला ग्‍याङस्‍यीङदु क्‍याङदी सेपालाक।

एफीसुपा 1:10

धेनी खोङबागी थुकोङगी धी़ तीक-तीकगो भावी घाङला, ॱनाम्‍सा ॱङीला हो़गीन घीरी च्‍यीकदु मास्‍यीकागी वाङला धी़ये लाक।