१ कोरीन्‍थुपा 3:13 - ॱलोवा

¹³ खुङक्‍या रे-रेगी लेगागो सावो थोङगीलाक घीझ्‍येरी ॱनाना ठीम्‍चो़गी ङीमागी होदे ॱङो़न्‍गीलाक। होदे नी, मेगी गोने ॱङो़न्‍गीलाक धेनी मी रे-रेगी लेगा घारे हो़गीनगो, मेगी राङ ताक्‍चा झ्‍यीगीलाक।

१ कोरीन्‍थुपा 3:13 Iomraidhean Croise

मेथा 10:15

ङा खेक्‍याला धेन्‍पाराङ ॱनाहीन, ठीम चेगीन ङीमागोला, होदे ग्‍याजाला सादोम धाङ गोमोरा ग्‍याजाक्‍याने ल्‍हाक ठीम फोक्‍कीलाक।”

मेथा 16:27

घीझ्‍येरी ॱनाना मी-भु नी, राङगी भाङछेनक्‍यामुला राङगी यापगी शीजेला फेप्‍कीलाक धेनी मी रे-रेला राङगी ज्‍यावाला थी़न्‍गीन लेन ॱनाङगीलाक।

लुका 2:35

होझ्‍येरी मी माङक्षेगी सेमगी साम्‍लोक्‍या ॱङो़न्‍सुमदु थोङगीलाक। धेनी ख्‍यी़ सेम राडीगी चुक्‍कीन च्‍योक्‍रे दुक्‍कीलाक।”

रोमापा 2:16

दे नी ङी सेटाक झ्‍येजा ताम्‍शाङला च्‍योक्‍रे, मास्‍यीका येशुगी थोक्‍ने को़न्‍क्षोकगी मीक्‍याई साङवे लेगाक्‍याई, ठीम चेगीन ङीमागोला झ्‍युङगीलाक।

रोमापा 2:5

हीना ख्‍यी़ राङगी सेम ग्‍योङा धाङ ग्‍यो़पा मीझ्‍यीदा सेम माग्‍युरकीनगी झ्‍येरी, को़न्‍क्षोकगी ढाङतेनगी ठीम्‍चो़ ॱङो़न्‍गीन खोङबागी थुक्‍ठो़गी ङीमागी क्षीला, ख्‍यो़ राङगी खाला को़न्‍क्षोकगी थुक्‍ठो़ साःलाक।

१ कोरीन्‍थुपा 1:8

धेनी होरी चोवो येशु मास्‍यीका धाब्‍ले फेप्‍ये हीन्‍गीन ङीमागोला, खेक्‍या क्‍यो़न मेगीन झ्‍युङयेगी क्षीला, खोङबागी खेक्‍याला था थुक्‍पे तेन्‍पो जेगीलाक।

१ कोरीन्‍थुपा 3:12

धा होदे ॱमाङस्‍यी खाला मी सु च्‍यीकगीयाः सेर धाङ ॱङु धाङ धो रीङक्षे धाङ स्‍यीङ धाङ चा काम्‍बो धाङ सोक्‍मागी खाङबा चीक्‍नाः,

१ कोरीन्‍थुपा 4:5

होझ्‍येरी को़का धी़गो माभाप्‍कीन एन्‍ला, मी सी़याः ठीम ॱमाचे। धेनी चोवो फेप्‍कीन थुक्‍पे घुक्‍ती धो़क। खोङबागी मी़नाकगी नाङ बेरी श्‍याक्‍सा, लाब घीरी हो़ला ॱङो़न जेगीलाक धेनी मीगी सेम्‍बे क्षास्‍यीक्‍या ॱङो़न जेगीलाक। धेनी होदे घाङला मी रे-रेगी, को़न्‍क्षोकने राङगी तो़पा थोप्‍कीलाक।

२ तीमोथेउ 1:12

दी झ्‍येरी ङा हुरे दुक्‍पु ङ्याङाहीन। हीना ङी सी़ खाला धेपा झ्‍यीगीनगो, ङाला स्‍येये झ्‍येरी ङा ङोमेछा। याङ ङाला च्‍योगीनगो होदे ङीमा थुक्‍पे खोङबा राङगी ॱरुङगीलाक ॱनेरी, ङाला दुङा घीया मीदुक।

२ तीमोथेउ 1:18

चोवोगी ङीमागोला खोङबागी खोला थुक्‍जे शीयास्‍योक। धेनी एफीसुरु खी़ ङाला श्‍यी़गीन श्‍याप्‍तोक घीरी, ख्‍यो़ला घामोमा स्‍येये हो़तालाक।

२ तीमोथेउ 3:9

हीना होदे मी ॱङीउला झ्‍युजा च्‍योक्‍रे, खुङक्‍या ॱलेन्‍दा हीन्‍गीनगो घीरीगी दोङदु ॱङो़न्‍दी, खुङक्‍या हामी रीङा ॱमीथुप्‍कीलाक।

२ तीमोथेउ 4:8

धा देने ॱहाला ङी क्षीला ढाङतेनगी उगेन श्‍याक हो़तालाक धेनी होदे ढाङतेनगी ठीम्‍पो़न, चोवोगी होदे ङीमागोला ङाला ॱनाङगीलाक धेनी ङाला च्‍यीका मेन्‍दा, खोङबागी धाब्‍ले फेप्‍सुला घागीन घीरीला ॱनाङगीलाक।

ईब्‍रीपा 10:25

मी रीङगा छोक्‍दुला डोङी मेदो़गीन हुङालाक हीना होराङक्‍यामुला जोम्‍येला छाम माश्‍याक। हीना चोवोगी ङीमा ङे ॱलेप्‍कीनगो, खेक्‍याई थोथा झ्‍येरी ॱयो़ल्‍ले ल्‍हाक च्‍यीकगी च्‍यीकला सेमस्‍युक पोर।

१ पेटो 1:7

देक्‍या नी, खीकी धेपा ॱङोन्‍ने हीन्‍गीनगी पाङपो तो़न्‍ये धाङ येशु मास्‍यीका ॱङो़न्‍दी घाङला, खेक्‍याला तो़पा धाङ शीजे धाङ कुरती थोप्‍ये क्षीदु हुङालाक। पेला ताना मेताला डोगीन सेरक्‍या, मेला ॱराक्‍ती चाङा शोवालाक हीना खेक्‍याई धेपा सेर ले चाक्षे लाक।

१ पेटो 4:12

चेवेक्‍याओ, खेक्‍याला छो़ता झ्‍यीयेला मे च्‍योक्‍रे, दुक्‍पु खीकी खाला भाप्‍ना, खेक्‍याला खेन्‍छा च्‍यीक झ्‍युङगीन च्‍योक्‍रे ॱहाङ ॱमासाङ।

२ पेटो 3:10

हीना चोवो फेप्‍कीन ङीमागो कुमु हुङगीन च्‍योक्‍रे हुङगीलाक। होदे ङीमाला नाम्‍खा नी, हुरडा क्षे ग्‍याप्‍ती येरी डुगीलाक धेनी झ्‍युङवा श्‍यी नी, मेगी तोरस्‍यीक ताङगीलाक धेनी साश्‍यी धाङ दी नाङ हो़गीन घीरी, को़न्‍क्षोकगी मेताला जेदु च्‍युक्‍कीलाक।

२ पेटो 3:7

हीना को़न्‍क्षोकगी होदे कागी थोक्‍नेराङ, धान्‍दागी ॱनाम-सा ॱङीला मेगी ॱराक्‍येगी क्षीदु श्‍याक हो़तालाक धेनी ठीम्‍चो़गी ङीमा धाङ को़न्‍क्षोकगी काला मेङेन्‍गीनक्‍याला चामेदु ताङयेगी धी़ थुक्‍पेगी क्षीदु, श्‍याक हो़तालाक।

ॱङो़न्‍पा 20:12

धेनी ङी क्षे धाङ च्‍युङा स्‍यीम्‍पो घीरीला, श्‍युक्‍ठीगी दोङदु लारी धेगीनगो थोजुङ धेनी धेपक्‍या खा पेवालाक। धेनी छेसोकगी धेप हीन्‍गीन धेप श्‍येम्‍मा च्‍यीयाः खा पेवालाक। धेनी होदे धेबक्‍या नाङला ढीक हो़गीन, खुङक्‍याई झ्‍येजाला तेन्‍ती खुङक्‍याला ठीम्‍चो़ झ्‍युवालाक।