१ कोरीन्‍थुपा 3:12 - ॱलोवा

¹² धा होदे ॱमाङस्‍यी खाला मी सु च्‍यीकगीयाः सेर धाङ ॱङु धाङ धो रीङक्षे धाङ स्‍यीङ धाङ चा काम्‍बो धाङ सोक्‍मागी खाङबा चीक्‍नाः,

१ कोरीन्‍थुपा 3:12 Iomraidhean Croise

जेपा 20:30

खेराङक्‍या खोक्‍नेराङ क्षो़ शोक्‍पो तेरकीन मीक्‍या थो़न्‍दी, चोवोगी ङेनेक्‍याला खोराङक्‍या स्‍योकला ग्‍युरतु च्‍युक्‍कीलाक।

रोमापा 16:17

पी़नक्‍याओ, खेक्‍याला ॱलाप्‍ला क्षो़गी तावाने श्‍येम्‍मा ॱलाप्‍ती, खेक्‍या घुङदु टुक्‍कीन धाङ काल्‍ले घाक्‍वा शोगीन, मीक्‍याने शाप-शाप झ्‍यी धेनी खुङक्‍याने डारी धो़क ॱनेरी, ङा खेक्‍याला श्‍योवा पुलाहीन।

१ कोरीन्‍थुपा 3:11

घीझ्‍येरी ॱनाना ॱमाङस्‍यी तीङ सासागो नी, येशु मास्‍यीका लाक धेनी होदे माना श्‍येम्‍मा ॱमाङस्‍यी सी़याः तीङ ॱमीथुक्‍कीलाक।

१ कोरीन्‍थुपा 3:13

खुङक्‍या रे-रेगी लेगागो सावो थोङगीलाक घीझ्‍येरी ॱनाना ठीम्‍चो़गी ङीमागी होदे ॱङो़न्‍गीलाक। होदे नी, मेगी गोने ॱङो़न्‍गीलाक धेनी मी रे-रेगी लेगा घारे हो़गीनगो, मेगी राङ ताक्‍चा झ्‍यीगीलाक।

२ कोरीन्‍थुपा 2:17

घीझ्‍येरी ॱनाना मी माङक्षे च्‍योक्‍रे, हेक्‍या को़न्‍क्षोकगी का राङला खेब्‍साङ हुङयेगी क्षीदु ॱमेस्‍येहो़क। हीना को़न्‍क्षोकगी ॱङाक जेजा मी ढाङपोक्‍या च्‍योक्‍रे, हेक्‍या को़न्‍क्षोकगी डुङदु मास्‍यीकागी नाङ ताम्‍शाङ स्‍येदाहीन।

२ कोरीन्‍थुपा 4:2

हीना हेक्‍याई साङवा धाङ ङोछागीन लेगा घीरी पा हो़क। धेनी हेक्‍या ॱली़टे धाङ को़न्‍क्षोकगी काला ॱयो़येगी लेगाक्‍या मीझ्‍यीहो़क। हीना को़न्‍क्षोकगी ॱमीक्‍वादु मी घीरीगी स्‍येशाङला, हेक्‍या मी घा हीन्‍गीनगो तो़न्‍येला, हेक्‍या धेन्‍पे कागो सावो झ्‍येरी सेटाक झ्‍यीदीहो़क।

कोलोसेपा 2:8

मी सु च्‍यीकगीया खेक्‍याला खुङ मेगीन धाङ ॱली़गीन ॱलापच्‍याक्‍याई थोक्‍ने, वाङदु धी़रु ॱमाच्‍युक। देक्‍या नी, मास्‍यीकागी थोक्‍ने मेन्‍दा, मीगी लुक्‍सो़ धाङ जीक्‍तेनगी तावाक्‍याला तेन्‍दालाक।

१ तीमोथेउ 6:3

होरी चोवो येशु मास्‍यीकाई क्‍यो़न मेगीन, सुङ धाङ क्षो़सेमला थी़न्‍गीन ॱलापच्‍याक्‍याला खेमेलेन्‍दा, तावा श्‍येम्‍माक्‍या ॱलाप्‍ना,

२ तीमोथेउ 2:20

खाङबा क्षे च्‍यीक नाङदु सेर-ॱङुगी ॱनो़क्‍या च्‍यीका मेन्‍दा, स्‍यीङ धाङ जागी ॱनो़क्‍या हुङालाक। रीङगा ॱमीक्‍सेगी धी़ शाङागी क्षीला धेनी रीङगा नामग्‍यु भेचो़गी क्षीला हुङालाक।

२ तीमोथेउ 3:13

हीना मी ङेन्‍पाक्‍या धाङ शोक झ्‍यीगीनक्‍या श्‍येम्‍माक्‍याला गोवा कोरती धेनी राङ गोकोरला छी़दी, दुक्‍तु दुक्‍तु डुगीलाक।

२ तीमोथेउ 3:7

देरे केमीक्‍या च्‍योई ज्‍याङये थापस्‍यी झ्‍यीदालाक हीना धेन्‍पागो नामा स्‍ये ॱमीथुक्‍वालाक।

२ तीमोथेउ 4:3

घीझ्‍येरी ॱनाना मीक्‍याई तावा ढाङतेनगी ॱलापच्‍याला ङेन्‍ङी मेदो़दा, राङगी ङेन्‍ङी दो़गीन लाबक्‍या धाङ राङगी थेगीन ॱलोपो़नक्‍या चायेगी धी़ स्‍यारकीलाक।

ईब्‍रीपा 13:9

क्षो़ खेन्‍छा धाङ ढामेढाक्‍याई, खेक्‍याला ॱली़रु ॱमाच्‍युक। घीझ्‍येरी ॱनाना को़न्‍क्षोकगी थुक्‍जेगी गोने, मीगी सेम तेन्‍पो झ्‍युङालाक हीना शाये धाङ थुङयेगी ॱरोक्‍या ॱरुङदी मीझ्‍युङालाक। देरे ॱरो ॱरुङगीनक्‍याला घीयाः, फेन्‍थोक माझ्‍यु हो़तालाक।

१ पेटो 1:7

देक्‍या नी, खीकी धेपा ॱङोन्‍ने हीन्‍गीनगी पाङपो तो़न्‍ये धाङ येशु मास्‍यीका ॱङो़न्‍दी घाङला, खेक्‍याला तो़पा धाङ शीजे धाङ कुरती थोप्‍ये क्षीदु हुङालाक। पेला ताना मेताला डोगीन सेरक्‍या, मेला ॱराक्‍ती चाङा शोवालाक हीना खेक्‍याई धेपा सेर ले चाक्षे लाक।

ॱङो़न्‍पा 2:14

हीना ङाला खेक्‍याला क्‍यो़न चुक्‍येगी लाबक्‍या हो़क। खेक्‍याई खोक्‍दु बालामगी क्षो़ला ती़न्‍गीन, मी रीङगा दुक। ईस्‍राएल्‍पाक्‍याला धीक्‍पे नाङदु ॱली़येला, ल्‍हाकुन्‍डाक्‍याला पुपा शामा शाये धाङ लोक्‍येम झ्‍यीयेला बालामगी, बालाकला ॱलाप्‍पालाक।

ॱङो़न्‍पा 21:18

होदे च्‍यारीगो ॱयाङटी ॱङोम्‍पोगी शो़ हो़तालाक धेनी ग्‍याजागो दाङस्‍येल च्‍योक्‍रे साला हो़गीन, सेरगी च्‍योमागी शो़ हो़तालाक।

ॱङो़न्‍पा 3:18

होझ्‍येरी ख्‍यो़ क्षुक्‍पु झ्‍युङयेगी क्षीदु, ङाने मेगी चाङमा शो़सा सेर धाङ राङगी ॱमाराङा झ्‍युजागी ङोजा काप्‍येगी क्षीदु, घो़ काउ धाङ ख्‍यो़ थोङ थुक्‍येगी क्षीदु ख्‍यी़ ॱमीकला ॱमेन, ङाने ङ्यो़ ॱनेरी, ङा ख्‍यो़ला ॱलापच्‍या तेराहीन।