१ कोरीन्‍थुपा 2:8 - ॱलोवा

⁸ दे धी़रापगी वाङ झ्‍यीगीनक्‍या सी़याः दे स्‍येराप दे ॱहामाघोवालाक। खुङक्‍याई ॱहाघो हो़ना, शीजेगी चोवोला खुङक्‍याई ग्‍याङस्‍यीङदु क्‍याङये मेक।

१ कोरीन्‍थुपा 2:8 Iomraidhean Croise

मेथा 11:25

होदे घाङला येशुगी सुवालाक, “के याप, नाम्‍खा धाङ सा ॱङीगी चोवो, खेकी दो़न दे खेपाक्‍या धाङ ॱहाघोगीनक्‍याने ॱयीप जेदी, टुवा च्‍योक्‍रेक्‍याला ॱङो़न्‍दा जेदी, खेराङला ङा तो़पा पुलाहीन।

मेथा 13:22

याङ छेम्‍मागी खोकला थोरथोवा साङागो, को़न्‍क्षोकगी कागो ङेन्‍दी हीना जीक्‍तेनगी दुङा धाङ ग्‍युनोरगी ॱली़टेगी का देला ॱनेम्‍दी, होदे ढेबु ॱमेक्षाक्‍कीन मी च्‍योक्‍रे लाक।

लुका 23:34

धेनी येशुगी सुवालाक, “ङी याप, देक्‍याला घोङपा ॱनाङरो ॱनाङ घीझ्‍येरी ॱनाना देक्‍याई घी झ्‍यीगीनगो देक्‍या ॱमेस्‍येलालाक।” धेनी ॱमाक्‍मीक्‍याई येशुगी घोलाकगो गेन ग्‍याप्‍ती, खोराङक्‍या नाङदु घो़वालाक।

योहान्‍ना 16:3

खुङक्‍याई यापला ङो ॱमेस्‍ये धेनी ङालाः ङो ॱमेस्‍येगीन झ्‍येरी, देरे लेगाक्‍या झ्‍यीगीलाक।

योहान्‍ना 7:48

पो़न्‍पोक्‍या धाङ फारुसीपाक्‍याने च्‍यीकगीया खोङला धेपा झ्‍ये दुक्‍ये?

योहान्‍ना 8:19

धेनी खुङक्‍याई खोङबाला “ख्‍यी़ याप घारु हो़ताले?” ॱनेरी ढीवालाक। येशुगी सुङा जेपालाक, “खेक्‍याई ङाला ङो ॱमेस्‍ये धेनी ङी यापला ङो ॱमेस्‍येलालाक। खेक्‍याई ङाला ङोस्‍ये हो़ना, ङी यापलाः ङो स्‍येयेहो़क।”

जेपा 13:27

हीना येरुसालेमदु धेगीनक्‍या धाङ खुङक्‍याई पो़न्‍पोक्‍याई येशुला क्‍याम्‍गो़नगो लाक ॱनेरी ङो ॱमास्‍येवालाक। ॱङो़नस्‍येखेनक्‍याई क्षो़ठीमला ढीक्‍टा लाब धाम्‍पे ङासुगीन ङीमाला च्‍योई ढोक्‍कीन झ्‍येरीया, खुङक्‍याई ॱहामाघोरपालाक। येशुला सेये छेपा तेरती खुङक्‍याई क्षो़ठीमला, खोङबागी कोरला ढीक्‍टा लाबगो डुप्‍पालाक।

जेपा 7:2

सेतेफेनगी लेन ग्‍याप्‍पालाक, “पी़नक्‍याओ, ङाला ङेन्‍रोनाङ। शीजेगी को़न्‍क्षोकगी होरी, मेमे आब्‍राहामला हारानदु धेगीन एन्‍लाराङ, मेसोपोटामीया ॱनागीन लुङबादु थोङनाङ ॱनावालाक।

१ कोरीन्‍थुपा 1:20

मी खेवागो घाना? क्षो़ठीमगी ॱलोपो़नक्‍या घाना? दे धी़रापगी चो़लीङ झ्‍यीगीनक्‍या घाना? को़न्‍क्षोकगी दे जीक्‍तेनगी स्‍येरापगोला ॱलेन्‍दा जेपा मालाक से?

१ कोरीन्‍थुपा 2:6

धा धेपा तेन्‍पो हो़गीनक्‍याई घुङदु हेक्‍या स्‍येरापगी तामक्‍या स्‍येदाहीन हीना स्‍येराप दे नी, दे धी़राप याङना मेताला डोये हीन्‍गीन, दे धी़रापगी वाङ झ्‍यीगीनक्‍याई स्‍येराप मालाक।

२ कोरीन्‍थुपा 3:14

हीना खुङक्‍याई सेम ग्‍योङा झ्‍युवालाक घीझ्‍येरी ॱनाना धीरीङ ङीमा थुक्‍पे, खुङक्‍या धाम्‍चा ॱङीङबागो ढोक्‍वाराङ, होदे रेगो काप्‍ती धेतालाक। घीझ्‍येरी ॱनाना मास्‍यीकागी थोक्‍ने च्‍यीगा होदे स्‍यु थुक्‍वालाक।

एफीसुपा 1:17

धेनी होरी चोवो येशु मास्‍यीकागी को़न्‍क्षोक, शीजेक्षे यापगी राङगी कोरला, खेक्‍याई घीरी ॱहाघोरयेगी क्षीला, सेम्‍ङीगी स्‍येराप धाङ साल्‍तो़न ॱनाङास्‍योक, ॱनेरी ङा ॱमो़लाम श्‍यी़हो़क।

एफीसुपा 4:18

धेनी खुङक्‍याई सेम ग्‍योङागी केनगी, खुङक्‍या नाङ हो़गीन तीमुकगी झ्‍येरी, खुङक्‍याई स्‍येयो़न मी़नाकगी तुम हो़तालाक धेनी को़न्‍क्षोकगी छेने खा ढा हो़तालाक।

१ तीमोथेउ 1:13

धेनी ङाला ॱङीङजे थोप्‍जुङ घीझ्‍येरी ॱनाना होदे घीरी धेपा मेती घाङला, ङी ॱमास्‍येवा झ्‍येवालाक।

याकोब 2:1

ङी पी़नक्‍याओ, खेक्‍याई धेपा होरी शीजेगी चोवो, चोवो येशु मास्‍यीका खाला हो़गीन झ्‍येरी, क्षोक्‍री माझ्‍यी च्‍यीक।