१ कोरीन्‍थुपा 2:13 - ॱलोवा

¹³ धेनी हेक्‍याई स्‍येगीन तामक्‍या नी, मीगी स्‍येरापगी ॱलाप्‍ला छीकक्‍याने मालाक हीना धाम्‍पे थुक्‍ङीगी ॱनाङगीन छीकक्‍याला तेन्‍दी, हेक्‍या थुक्‍ङीगी छीकक्‍याई गोने थुक्‍ङीगी धेन्‍पे दो़नक्‍या टोलालाक।

१ कोरीन्‍थुपा 2:13 Iomraidhean Croise

लुका 12:12

घीझ्‍येरी ॱनाना होदे धी़चो़लाराङ खेक्‍याई ॱना घो़गीनगो, धाम्‍पे थुक्‍ङीगी खेक्‍याला ॱलावा जेगीलाक।”

जेपा 2:4

धेनी खुङक्‍या घीरी धाम्‍पे थुक्‍ङीगी खावालाक धेनी धाम्‍पे थुक्‍ङीगी केरीक श्‍येम्‍मा श्‍येम्‍माला लाब ताङयेला, खुङक्‍याला रोवा जेपालाक।

१ कोरीन्‍थुपा 1:17

घीझ्‍येरी ॱनाना मास्‍यीकागी ङाला ठी़सो़ तेरतु मेन्‍दा, ताम्‍शाङ स्‍येयेगी क्षीदु ॱङाक जेपालाक। धेनी दे नी, जीक्‍तेन्‍पा स्‍येरापगी तामक्‍याने मालाक। देरे हीन्‍ना मास्‍यीकागी ग्‍याङस्‍यीङला कु ढोङगीनगो दो़न्‍मेदु डोये हो़क।

१ कोरीन्‍थुपा 14:2

घीझ्‍येरी ॱनाना केरीक श्‍येम्‍मागी थोक्‍ने लाब ताङगीनक्‍या मीमुला मेन्‍दा, को़न्‍क्षोकमुला ताङालाक। खी़ घी ॱनागीनगो सी़याः ॱहामेघोरालाक हीना खो धाम्‍पे थुक्‍ङीगी थोक्‍ने साङवागी लाबक्‍या स्‍येदालाक।

१ कोरीन्‍थुपा 2:1

पी़नक्‍याओ, ङा खेक्‍याचारु हुङाराङ, को़न्‍क्षोकगी साङवागो ॱमीच्‍यीकी लाब खेवाक्‍या धाङ स्‍येरापगी गोने, सेटाक झ्‍येरी मायो।

१ कोरीन्‍थुपा 2:14

धाम्‍पे थुक्‍ङीला ॱमेतेन्‍गीन मीक्‍याई, को़न्‍क्षोकगी थुक्‍ङीगी लाबक्‍याला खेलेन मीझ्‍यीदालाक घीझ्‍येरी ॱनाना होदे लाबक्‍या खुङक्‍याई क्षीदु क्षोमेगीन लाक धेनी खुङक्‍याई होदे ॱहाघो ॱमीथुक्‍वालाक। घीझ्‍येरी ॱनाना हुरे लाबक्‍या धाम्‍पे थुक्‍ङीगी गोने च्‍यीगा स्‍येलालाक।

१ कोरीन्‍थुपा 2:4

खेक्‍याई धेपा मीगी स्‍येरापला मेन्‍दा हीना को़न्‍क्षोकगी नी़थुला तेन्‍येगी क्षीदु, ङी स्‍येगीन तामक्‍या धाङ क्षो़क्‍या, ताम खेवा धाङ स्‍येरापगी थोक्‍ने मेन्‍दा, धाम्‍पे थुक्‍ङी धाङ नी़थुगी गोने झ्‍युवालाक।

१ कोरीन्‍थुपा 9:11

हेक्‍याई खीकी खोक्‍दु सेम्‍ङीगी साङा ताप हो़ना, खीकी जीक्‍तेनगी हुङघुङने हीकी लोदोक धी़ ॱमेक्षोक्‍वाले?

एफीसुपा 5:19

च्‍यीकगी च्‍यीकमुला सुङगुर धाङ तो़लु धाङ घुरलुक्‍या थोक्‍ने लाब तारी धेनी राङगी सेमने चोवोला तो़याङ धाङ रोल्‍याङ फी़।

कोलोसेपा 3:16

मास्‍यीकागी का खेक्‍या नाङ मेछो़ली ॱनेघो़। धेनी स्‍येराप घीरीने च्‍यीकगी च्‍यीकला ॱलोप धेनी ॱलापच्‍या ग्‍योप। धेनी को़न्‍क्षोकला राङगी ॱङीङ थाक्‍पाने, काटीन्‍क्षे श्‍यी़री सुङगुर धाङ तो़याङ धाङ घुरलुक्‍या लेन।

१ पेटो 1:12

धेनी राङला मेन्‍दा खेक्‍याई श्‍याप्‍ची श्‍युगीनगो, ॱङो़नस्‍येखेनक्‍याला ॱङो़न्‍पालाक। धेनी धान्‍दा नाम्‍खे श्‍यीङखामने ॱङाक्‍ङा धाम्‍पे थुक्‍ङीगी वाङगी गोने क्षो़ सुङगीनक्‍याई, खेक्‍याला ताम्‍शाङ दे स्‍ये हो़तालाक। धेनी नाम्‍खे भाङछेनक्‍यागीयाः दो़न देक्‍या स्‍येङी दो़दालाक।

२ पेटो 1:16

घीझ्‍येरी ॱनाना हीकी खेक्‍याला होरी चोवो येशु मास्‍यीकागी नी़थु धाङ खोङ फेप्‍ये हीन्‍गीनगी कोरला स्‍येदी घाङला, मीगी चोम्‍दी शो़सा ताम्‍पेक्‍या च्‍योक्‍रे ॱमास्‍ये, हीना खोङबागी शीजे हीकी ॱमीकगी ॱङो़न्‍सुम ज्‍यावालाक।