१ कोरीन्‍थुपा 16:16 - ॱलोवा

¹⁶ देरे मीक्‍या धाङ देरेराङ झ्‍येरी काल्‍ले ग्‍याप्‍कीन लेरोकक्‍याई खाला ङेन ॱनेरी, ङा खेक्‍याला श्‍योवा पुलाहीन।

१ कोरीन्‍थुपा 16:16 Iomraidhean Croise

रोमापा 16:12

चोवोगी नाङ काल्‍ले ग्‍याप्‍कीन भोमो, तीरुफेना धाङ तीरुफोसाला छाम्‍डी श्‍यी़। चोवोगी नाङ ॱमीच्‍यीकी काल्‍ले ग्‍याप्‍कीन ङी चेवे रोवा, पेरसीला छाम्‍डी श्‍यी़।

रोमापा 16:3

धेनी मास्‍यीका येशुगी नाङ, ङी लेरोक पीरीस्‍का धाङ आकुलाला छाम्‍डी श्‍यी़।

रोमापा 16:6

धेनी खीकी क्षीदु ॱमीच्‍यीकी काल्‍ले ग्‍यापक्‍या, मीरीयामला छाम्‍डी श्‍यी़।

रोमापा 16:9

धेनी मास्‍यीकागी नाङ ङी लेरोक, उरबानु धाङ ङी चेवे रोवा स्‍ताकुसला छाम्‍डी श्‍यी़।

१ कोरीन्‍थुपा 12:28

को़न्‍क्षोकगी क्षो़छोक नाङला धाङपो कुछापक्‍या, ॱङीवा ॱङो़नस्‍येखेनक्‍या, सुम्‍बा ॱलोपो़नक्‍या धेनी ॱहाङसागीन लेगा झ्‍यीगीनक्‍या धेनी नेपा सोगीन ॱनाङज्‍यीन थोप्‍थाक्‍या धेनी रोक्‍राम झ्‍यीगीनक्‍या धेनी गोठी झ्‍यीगीनक्‍या धेनी केरीक ढामेढा स्‍येगीनक्‍या को़ जे हो़तालाक।

१ कोरीन्‍थुपा 3:9

घीझ्‍येरी ॱनाना हेक्‍या नी, को़न्‍क्षोकगी लेरोकक्‍या हीन धेनी खेक्‍यागो को़न्‍क्षोकगी श्‍यीङ धाङ श्‍युक्‍खाङ लाक।

एफीसुपा 5:21

धेनी मास्‍यीकाला ॱङीङकुर फी़येला फेन्‍छुन खाला ङेन।

फीलीप्‍पीपा 4:3

धेनी ङी धेन्‍पे लेरोक, ख्‍यी़याः दे केमी ॱङीउला रोवा झ्‍यी ॱनेरी, ङा श्‍युवाहीन। घीझ्‍येरी ॱनाना खुङ ॱङीउगीयाः ताम्‍शाङगी लेगाला, ङीमुला कीलेमेस धाङ ङी लेरोक श्‍येम्‍माक्‍यामुला काल्‍ले ग्‍याप हो़तालाक। खुङ घीरीगी मीङ छेसोकगी धेप नाङला छी़ हो़तालाक।

१ थेसालोनीकेपा 1:3

होरी याप को़न्‍क्षोकगी डुङदु, खेक्‍याई धेपागी लेगा धाङ झाम्‍पागी काल्‍ले धाङ होरी चोवो येशु मास्‍यीकागी खाला रेवा तेन्‍पोगोला, हेक्‍याई ॱमो़लामला ॱमेक्षेता ढेन्‍दी हो़क।

१ थेसालोनीकेपा 2:9

पी़न्‍दाक्‍याओ, खेक्‍याला को़न्‍क्षोकगी ताम्‍शाङ स्‍येदी घाङला, सुलाः घाक्‍वा माझ्‍युवास्‍योक ॱनेरी, हीकी ङीन-छेन लेगा झ्‍येवी धेनी हीकी काल्‍ले धाङ दुक्‍पु खेक्‍याला स्‍येये हो़तालाक।

१ थेसालोनीकेपा 5:12

पी़न्‍दाक्‍याओ, खीकी खोक्‍दु काल्‍ले ग्‍याप्‍कीन धाङ चोवोगी क्षीला, खेक्‍याई गोठी झ्‍युरी खेक्‍याला ॱलापच्‍या ॱनाङगीनक्‍याला घुस्‍याप झ्‍यी।

१ तीमोथेउ 5:17

क्षो़छोकगी गेम्‍पा तातोक घा झ्‍यीगीन धेनी ॱमीक्‍सेदु क्षो़ स्‍येये धाङ ॱलापच्‍या ॱलाप्‍कीन, लेगाला काल्‍ले ग्‍याप्‍कीन गेम्‍पाक्‍याला, कुरती दाप ॱङी थोप घोवालाक।

ईब्‍रीपा 13:17

राङगी गोठीक्‍याई काला ङेन धेनी खुङक्‍याई होकला धो़क। घीझ्‍येरी ॱनाना को़न्‍क्षोकला ची पु घोगुलाक ॱनेरी, खुङक्‍याई स्‍येये झ्‍येरी खुङक्‍याई खेक्‍याला तातोक झ्‍यीदालाक। धेनी सेम क्‍योरी मेन्‍दा हीना घाटोगी गोने, खुङक्‍याई दे लेगा दे झ्‍यीघो़। देरे मेन्‍ना होदेने खेक्‍याला घीया फेन्‍थोक मेतालाक।

ईब्‍रीपा 13:24

खेक्‍याई गोठी घीरी धाङ धाम्‍पे मी घीरीला छाम्‍डी श्‍यी़। ईटाली युने हुङगीनक्‍याई खेक्‍याला छाम्‍डी श्‍यी़क।

ईब्‍रीपा 6:10

घीझ्‍येरी ॱनाना को़न्‍क्षोक नी, मेढाङा मेतालाक। खेक्‍याई झ्‍यीगीन ले शाङाक्‍या धाङ खेक्‍याई खोङबाला चेवा झ्‍यीगीन झ्‍येरी, एम्‍मा धाम्‍पे मीक्‍याला श्‍याप्‍तोक पुपा धाङ धेनी धान्‍दा झ्‍यीगीन देला को़न्‍क्षोकगी ज्‍येदा जेगीमालाक।

१ पेटो 5:5

दुक झ्‍येरीराङ, श्‍यो़न्‍पाक्‍याओ, गेम्‍पाक्‍याई होकला धो़क। खेक्‍या घीरी ॱङ्यामच्‍युङगी थोक्‍ने, च्‍यीकगी च्‍यीकला श्‍याप्‍ची श्‍यी़ घीझ्‍येरी ॱनाना, “को़न्‍क्षोकगी ङागेल क्षेक्‍याला ङोलोक जेदालाक, हीना ॱङ्यामच्‍युङक्‍याला थुक्‍जे जेदालाक।”

३ योहान्‍ना 1:8

होझ्‍येरी धेन्‍पे दो़न्‍दु होराङमुला लेगा झ्‍यीये क्षीदु, देरे मीक्‍याला होराङ ग्‍यापक्‍यो़र झ्‍यीघो़।

ॱङो़न्‍पा 2:3

धेनी ङी मीङगी दो़न्‍दु खेक्‍याई शो़पा घोम्‍गीन धाङ दुक्‍पु ङ्याङगीनगो, ङाला स्‍येयेहो़क। धेनी खेक्‍या धोराङा थाङ ॱमाछेदुक।