१ कोरीन्‍थुपा 16:1 - ॱलोवा

¹ धा धाम्‍पे मीक्‍याई क्षीदु श्‍यान्‍देप पुयेगी कोरला, ङी गालातीयागी क्षो़छोकक्‍याला का तेरता च्‍योक्‍रे, खेक्‍याई झ्‍यी।

१ कोरीन्‍थुपा 16:1 Iomraidhean Croise

जेपा 11:28

आगाबु ॱनागीन ॱङो़नस्‍येखेन च्‍यीक छोक्‍पागी खोकला लारी, धाम्‍पे थुक्‍ङीने साजा घीरी ॱमीच्‍यीकी क्षे मुगेला स्‍योरकीलाक ॱनेरी ॱङो़न खेन्‍बालाक। (कालोदेहु ग्‍यावुगी धी़चो़ला ॱङो़नस्‍ये दे डुप्‍पालाक।)

जेपा 11:30

देरे झ्‍येरी होदे आलेगो क्षो़छोकगी गोठीक्‍याला पुयेला, बारनाबा धाङ साउलगी लागाला कुरपालाक।

जेपा 16:6

धाम्‍पे थुक्‍ङीगी पाउलु धाङ सीलवानु धाङ तीमोथेउला एशीया स्‍योकला, ताम्‍शाङ स्‍येरु डोयेला काक जेदी, खुङक्‍या फारुगीया धाङ गालातीया स्‍योकने झ्‍युरी सोवालाक।

जेपा 18:23

ङीमा आरुङ माङा होदुरु धेसारती, खो गालातीया धाङ फारुगीया लुङबागी साजाक्‍या झ्‍युरी सोवालाक। धेनी होदे साजाक्‍याला हो़गीन धेपा-झ्‍यीगीनक्‍या, धेपाला स्‍युक्‍क्षेरु तारी सोवालाक।

जेपा 24:17

“लो घाजीङगी स्‍याम्‍ने, ङा येरुसालेमदु ङारी मीक्‍याला ज्‍यीम्‍बा ताङदु धाङ को़न्‍क्षोकला क्षो़पा पुयेला होवाहीन।

जेपा 9:13

आनानीयागी लेन ॱलोक्‍पालाक, “चोवो, दे मी देगी येरुसालेमदु हो़गीन, खेराङगी धाम्‍पे मीक्‍याला ॱमीच्‍यीकी दुक्‍पु तादुक ॱनेरी, मीक्‍याने ङी ॱहाघोसुङ।

जेपा 9:41

धेनी पेटोगी खोरी लाक्‍पा तेरती, मो टोङी लाङयेला रोवा झ्‍येवालाक। खी़ श्‍येम्‍मा धाम्‍पे मीक्‍या धाङ युक्‍जामाक्‍याला भो़री मो सो़न्‍पो तो़न्‍बालाक।

रोमापा 12:13

मास्‍यीकावा पी़नक्‍या नाङ मेगीनगोला, रोक्‍राम झ्‍यी। धेनी डो़न्‍बोक्‍याला फेप्‍सु श्‍यी़।

१ कोरीन्‍थुपा 11:34

धेनी मुला जोमाराङ खेक्‍याला ठीम ॱमेफोक्‍येगी क्षीला, खेक्‍याने तोक्‍कीन रे हो़ना होदेगी राङगी खीमदु शाघो़। धेनी दो़न श्‍येम्‍माक्‍याई कोरला, ङा हुङाराङ खेक्‍याला ॱलापच्‍या तेरयेहीन।

१ कोरीन्‍थुपा 16:15

पी़नक्‍याओ, सेतेफानगी नाङमी नी आकाईयादु धेपा झ्‍यीगीन धाङस्‍योकगो लाक धेनी खुङक्‍याई धाम्‍पे मीक्‍याई श्‍याप्‍तोक पुयेगी क्षीदु राङला फी़ हो़तालाक ॱनेरी, खेक्‍याई स्‍येलालाक।

१ कोरीन्‍थुपा 4:17

धेनी होझ्‍येरीराङ चोवोगी नाङ ॱलो का थुप्‍कीन, ङी चेवे भु तीमोथेला, ङी खीकीचारु झाहो़क। धेनी साजा हो़लेदु क्षो़छोक घीरीला ङी क्षो़ स्‍येस्‍या च्‍योक्‍रे थी़न्‍गीन, मास्‍यीका येशुगी नाङ ङी मीछे घारे हो़गीनगो, खी़ खेक्‍याला ढेन्‍सो ॱलाङगीलाक।

गालातीयापा 1:2

धाङ ङीमुला हो़गीन पी़नक्‍या घीरीने, गालातीयागी क्षो़छोकक्‍याला,

गालातीयापा 2:10

मी उटेक्‍याला ढेन्‍सो़ झ्‍यी ॱनेरी च्‍यीगा, खुङक्‍याई हेला कुजुङ धेनी देरे झ्‍यीयेला एम्‍माने ङाला ॱमीच्‍यीकी दो़पा हो़क।

फीलेमोन 1:5

घीझ्‍येरी ॱनाना चोवो येशुला ख्‍यी़ धेपा धाङ धाम्‍पे मी घीरीगी क्षीला, ख्‍यी़ चेवे कोरला ङी घोरी।

फीलेमोन 1:7

ङी पी़न ख्‍यी़ धाम्‍पे मीक्‍याला सेम्‍सो पारती, ख्‍यी़ झाम्‍पाने ङाला घाटो धाङ सेमस्‍युक क्षे थोप्‍सुङ।

ईब्‍रीपा 6:10

घीझ्‍येरी ॱनाना को़न्‍क्षोक नी, मेढाङा मेतालाक। खेक्‍याई झ्‍यीगीन ले शाङाक्‍या धाङ खेक्‍याई खोङबाला चेवा झ्‍यीगीन झ्‍येरी, एम्‍मा धाम्‍पे मीक्‍याला श्‍याप्‍तोक पुपा धाङ धेनी धान्‍दा झ्‍यीगीन देला को़न्‍क्षोकगी ज्‍येदा जेगीमालाक।

१ योहान्‍ना 3:17

जीक्‍तेन दी ग्‍युनोर हो़गीन मी च्‍यीकगी, राङगी पी़न च्‍यीकला घो़गीनगो थोङाराङ खोला ॱङीङजे ॱमेकेना, को़न्‍क्षोकगी झाम्‍पा खी़ नाङ घाङगी झ्‍येरी ॱने थुक्‍कीले?