१ कोरीन्‍थुपा 15:57 - ॱलोवा

⁵⁷ हीना होरी चोवो येशु मास्‍यीकागी थोक्‍ने, होराङला ग्‍याखा ॱनाङगीन खोङ को़न्‍क्षोकला काटीन्‍क्षे पुलाहीन।

१ कोरीन्‍थुपा 15:57 Iomraidhean Croise

योहान्‍ना 16:33

ङाने खेक्‍याला श्‍यीदे थोप्‍येगी क्षीला, ङी खेक्‍याला देक्‍या स्‍येबी। जीक्‍तेनदु खेक्‍याला दुक्‍पु ङ्याङगीलाक हीना सेम ल्‍हो़ झ्‍यी, ङी जीक्‍तेनला ग्‍याहो़क।”

जेपा 27:35

होदे ॱनेसारती खी़ ग्‍याङगा खेरती, घीरीगी दोङदु को़न्‍क्षोकला थुक्‍जेक्षे श्‍युवालाक। धेनी होदे च्‍याक्‍ती शेबालाक।

रोमापा 7:25

होरी चोवो येशु मास्‍यीकागी थोक्‍ने थारपा जेगीन, को़न्‍क्षोकला काटीन्‍क्षे श्‍युवाहीन। धा ङा ङाराङगी सेमने, को़न्‍क्षोकगी क्षो़ठीमला श्‍याप्‍ची श्‍यी़लालाक हीना ङी धीक्‍पे राङश्‍यीगी, धीक्‍पे वाङला श्‍याप्‍ची श्‍यी़लालाक।

रोमापा 8:37

हीना दे ॱनेछु घीरीगी नाङलाः हेला झाम्‍पा जेगीनगी थोक्‍ने, हेला ग्‍याखा छाङगो थोप हो़तालाक।

१ कोरीन्‍थुपा 15:51

ङेन्‍दाङ, ङी खेक्‍याला साङवे लाब च्‍यीक ॱनाउ, होराङ घीरी स्‍यीगीमालाक हीना होराङ घीरी थेङ च्‍यीक धाङ ॱमीक चुम झ्‍यीगीन च्‍यीकला, धेनी दुङगी थामे केकला ग्‍युरवा थेप्‍कीलाक। घीझ्‍येरी ॱनाना दुङकेक ग्‍याप्‍कीलाक धेनी स्‍यीम्‍पोक्‍या मेताला मेडोगीन छेला सो़न्‍गीलाक। धेनी होराङ ग्‍युरकीलाक।

२ कोरीन्‍थुपा 1:11

खेक्‍याई ॱमो़लामगी थोक्‍ने, हेक्‍याला रोवा झ्‍येवालाक होझ्‍येरी ॱमो़लाम माङागी थोक्‍ने, हेक्‍याला थोप्‍था झ्‍यीलापक्‍याई क्षीदु, हीकी छापला मी माङागी को़न्‍क्षोकला काटीन्‍क्षे श्‍यी़गीलाक।

२ कोरीन्‍थुपा 2:14

हीना मास्‍यीकागी नाङ होराङला च्‍योई ग्‍याखा थोप्‍येगी क्षीदु, ठीया जेगीन धाङ खोङबाला ङोस्‍येगीनगी ढीशाङगो, होरी थोक्‍ने छोक घीरीदु ख्‍याबा जेगीन, खोङ को़न्‍क्षोकला काटीन्‍क्षे श्‍यी़।

२ कोरीन्‍थुपा 9:15

ढेस्‍ये राङ ग्‍याप ॱमीथुक्‍कीन ॱनाङज्‍यीनगी क्षीदु, को़न्‍क्षोकला थुक्‍जेक्षे श्‍युउ।

एफीसुपा 5:20

धेनी नाम्‍हीना, होरी चोवो येशु मास्‍यीकागी छेन थोक्‍ने घीरीगी क्षीला याप को़न्‍क्षोकला काटीन्‍क्षे श्‍यी़।

ईब्‍रीपा 2:14

छीवागी थोक्‍ने छीवागी दाक्‍पो धी़कला, खोङगी मेताला जेये धाङ छीवागी जीक्‍टागी मीछे घाङजाङ ढेन्‍योकला स्‍योरस्‍याक्‍याला, खोङबागी थारपा जेयेगी क्षीला भी़टुकक्‍या स्‍याठाकगी ली़ला झ्‍येरी, खोङबागीयाः मीगी ली़ ॱनुम्‍बालाक।

ॱङो़न्‍पा 12:11

होरी पी़नक्‍याई लुक्‍टुगी ठाक धाङ, राङगी धेन्‍पाङगी छीकगी झ्‍येरी, होदे क्‍यो़न चुक्‍कीनगी खाला ग्‍यावालाक। धेनी छीवागी खा थुक्‍पे ॱलेप्‍घोना, खुङक्‍याई राङगी ॱरोकला ॱमातेवालाक।

ॱङो़न्‍पा 21:4

खोङबागी खुङक्‍याई ॱमीकने, छीमाक घीरी फीला जेगीलाक। धेनी होदुरु छीवा याङना दुङा याङना ङुता ग्‍याप्‍ये याङना शुक घीया झ्‍युङगीमालाक घीझ्‍येरी ॱनाना एम्‍मागी दो़नक्‍या जोक्‍सारालाक।”