१ कोरीन्‍थुपा 15:30 - ॱलोवा

³⁰ धेनी हेक्‍या घीझ्‍येरी छुची रे-रेला राङगी मीछे ङेन्‍काला ताङये?

१ कोरीन्‍थुपा 15:30 Iomraidhean Croise

लुका 8:23

डुला फेई घाङला, खोङबा शीमा जेपालाक। धेनी छोला ॱलुङछुप ग्‍युक्‍पालाक। डुगो क्षुगी खाङये झ्‍येरी खुङक्‍याला जीक्‍टा झ्‍युवालाक।

१ कोरीन्‍थुपा 15:29

देरे मेन्‍ना, स्‍यीम्‍पोगी थोक्‍ने मीक्‍याई ठी़सो़ लेन्‍गीनगी दो़नगो घी ले? स्‍यीम्‍पोक्‍या सो़न्‍पो जेये मेन्‍ना, स्‍यीम्‍पोक्‍याई क्षीदु मीक्‍या घीझ्‍येरी ठी़सो़ लेन्‍दाले?

१ कोरीन्‍थुपा 15:31

पी़नक्‍याओ, होरी चोवो मास्‍यीका येशुगी नाङ, ङा खेक्‍याई क्षीदु ङोम्‍सो झ्‍यीदीहो़क ॱनागीन लाब दे, ॱङोन्‍ने धेन्‍पा हीन्‍गीन च्‍योक्‍रे, श्‍याक्‍मो डाई ङा छीवे खाला ॱलेप्‍येगी ङेन्‍का हो़गीन देयाः धेन्‍पा लाक।

२ कोरीन्‍थुपा 6:9

हेक्‍याला केटाक मेगीन चीनाः, हेक्‍या केटाक्‍क्षे हो़क। धेनी हेक्‍या छीवे खारु ॱलेप हो़नाः, हेक्‍या सो़न्‍पोराङ हो़क। धेनी ङेपा फोक हो़नाः, ॱरोक ॱमास्‍योरहो़क।

गालातीयापा 5:11

हीना पी़नक्‍याओ, ङा धोराङा पाउ चेगीन ॱरोगो ची घोगीलाक, ॱनेरी स्‍येना ङाला श्‍येम्‍माक्‍याई घीझ्‍येरी ॱनो़ क्‍याला ले? देगी कोरला ङी स्‍येहो़नाः, मास्‍यीकागी ग्‍याङस्‍यीङगी कोरला ङी स्‍येगीनगी घीया ॱनो़ क्‍याये मेतालाक।