१ कोरीन्‍थुपा 15:23 - ॱलोवा

²³ हीना दे नी रेमीला झ्‍युङगीलाक, ढेबु धाङपोगो मास्‍यीका लाक धेनी मास्‍यीका धाब्‍ले फेई घाङला, खोङगी हीन्‍गीनक्‍या छीवाने सो़न्‍गीलाक।

१ कोरीन्‍थुपा 15:23 Iomraidhean Croise

मेथा 16:27

घीझ्‍येरी ॱनाना मी-भु नी, राङगी भाङछेनक्‍यामुला राङगी यापगी शीजेला फेप्‍कीलाक धेनी मी रे-रेला राङगी ज्‍यावाला थी़न्‍गीन लेन ॱनाङगीलाक।

मेथा 16:28

ङा धेन्‍पाराङ खेक्‍याला ॱनाहीन, दुरु लारी धेता मी रीङगागी, मी-भु राङगी ग्‍यासी वाङग्‍युरला फेप्‍कीनगो ॱमाथोङगीन थुक्‍पे, छीवा ङ्याङ घोगुमालाक।”

जेपा 26:23

मास्‍यीकागी दुक्‍पु ङ्याङ घोगीलाक धेनी छीवाने याङ सो़न्‍पो लाङगीन, गोमा मी झ्‍युङगीलाक धेनी खोङबागी याहुदापाक्‍या धाङ याहुदापा मेन्‍गीन मीरीकक्‍या खाला हो़क टाम्‍गीलाक ॱनागीन, दे लाबक्‍या ङी ॱलाप हो़क।”

१ कोरीन्‍थुपा 15:20

हीना मास्‍यीका ॱङोन्‍नेराङ छीवाने कुसो़न्‍पो श्‍याङा जेपालाक धेनी खोङ नी, ढोरी सोसाक्‍याने सो़न्‍गीन ढेबु धाङपोगो लाक।

१ कोरीन्‍थुपा 3:23

धेनी खेक्‍यागो मास्‍यीकागी लाक धेनी मास्‍यीका नी, को़न्‍क्षोकगी लाक।

१ कोरीन्‍थुपा 6:14

धेनी को़न्‍क्षोकगी राङगी नी़थुगी गोने, चोवोला छीवाने कुसो़न्‍पो जेपालाक धेनी होराङलाः खोङगी सो़न्‍पो जेगीलाक।

२ कोरीन्‍थुपा 10:7

खेक्‍याई ॱमीकगी दोङदु हो़गीनगोला तो़। धेनी राङला मास्‍यीकागी हीन्‍गीनगोला यीच्‍चे तेन्‍पो हो़ना, खी़ राङला मास्‍यीकागी हीन्‍गीन च्‍योक्‍रे हेक्‍याः मास्‍यीकागी लाक ॱनेरी, ढेन्‍सो ॱलाङघो़।

गालातीयापा 3:29

धा खेक्‍या मास्‍यीकागी हीन्‍ना, खेक्‍या आब्‍राहामगी भुग्‍यु लाक धेनी को़न्‍क्षोकगी धाम्‍चाला थी़न्‍गीन ग्‍युज्‍यीनक्‍या लाक।

गालातीयापा 5:24

धेनी मास्‍यीका येशुगी हीन्‍गीनक्‍याई, खोरी धीक्‍चेन राङश्‍यीगो दो़क्षाक धाङ दो़पाक्‍यामुला ग्‍याङस्‍यीङदु क्‍याङदी सेपालाक।

फीलीप्‍पीपा 3:11

धेनी घाने ॱहाला झ्‍युङ थुप्‍ये हो़ना, ङा छीवाने ॱलार सो़न्‍पो लाङ थुक्‍वास्‍योक ॱनेरी रेवा हो़क।

१ थेसालोनीकेपा 2:19

चोवो येशु फेई घाङला, खोङबागी डुङदु, हीकी रेवा धाङ घाटो धाङ उगेनगी ङोम्‍जोगो खेक्‍याराङ मालाक से?