१ कोरीन्‍थुपा 15:2 - ॱलोवा

² धेनी ङी खेक्‍याला स्‍येस्‍या ताम्‍शाङगोला खेक्‍या तेन्‍पो ॱनेना, दी थोक्‍नेराङ खेक्‍या क्‍योप्‍कीलाक। देरे मेन्‍ना, खेक्‍याई क्षो मेताला धेपा झ्‍येवालाक।

१ कोरीन्‍थुपा 15:2 Iomraidhean Croise

लुका 8:13

धोरुकला थोरकीनक्‍या काला ङेन्‍दी ङ्यामो घेरी, लाम्‍साङ खेलेन्‍गीनक्‍या लाक। हीना होदेगी चावा मेगीन झ्‍येरी, धी़चो़ तीते थुक्‍पे धेपा झ्‍यीदालाक धेनी छो़तागी धी़ला धेपाने लोक्‍वालाक।

जेपा 2:47

धेनी च्‍योई को़न्‍क्षोकगी तो़टा ताङालाक। श्‍येम्‍मा मीक्‍याईयाः खुङक्‍याला सेम्‍बा थेदालाक। थारपा राक्‍राक्‍याई ढाङगा, होदेक्‍याई खोक्‍दु ङीमा च्‍योई चोवोगी माङदु जेपालाक।

जेपा 8:13

सीमोनगीयाः खोराङ धेपा झ्‍येवालाक धेनी ठी़सो़ लेन्‍सारती, खो फीलीपमुला ग्‍युक्‍वालाक। धेनी फीलीपने झ्‍युजा ताकक्‍या धाङ ॱहाङसागीन लेगाक्‍या थोरी खो ॱहालेवालाक।

रोमापा 1:16

ङा नी ताम्‍शाङगी क्षीदु ङोजा मीझ्‍यीहो़क घीझ्‍येरी ॱनाना ताम्‍शाङ दे नी, धेपा झ्‍यीगीन घीरीगी थारपागी क्षीदु को़न्‍क्षोकगी नी़थु लाक। धाङपो याहुदापा धेनी याहुदापा मेन्‍गीनक्‍याई थारपागी क्षीदु लाक।

रोमापा 11:22

होझ्‍येरी को़न्‍क्षोकगी ॱङीङजे धाङ चुवाला दो़नाङ झ्‍यी। काला मेङेन्‍गीनक्‍याला खोङ चुवा जेदालाक हीना खोङगी ॱङीङजेला मी़थुने ॱलो काना, खोङगी खेक्‍याला ॱङीङजे जेदालाक। देरे मेन्‍ना खेक्‍यालाः चेदा जेगीलाक।

१ कोरीन्‍थुपा 1:18

घीझ्‍येरी ॱनाना मेताला डोये हीन्‍गीनक्‍याई क्षीदु ग्‍याङस्‍यीङगी ताम नी, क्षोमेगीन लाक हीना होराङ थारपा थोप्‍यी हो़गीनक्‍याई क्षीदु होदे को़न्‍क्षोकगी नी़थु लाक।

१ कोरीन्‍थुपा 1:21

को़न्‍क्षोकगी स्‍येरापगी नाङ, दे जीक्‍तेनगी मीक्‍याई राङगी स्‍येरापगी गोने, को़न्‍क्षोकला ङो ॱमेस्‍येगीन झ्‍येरी, होरी ताम्‍शाङ स्‍येगीन क्षोमेगीन लेगागी थोक्‍ने धेपा झ्‍यीगीनक्‍याला क्‍योप्‍येला, को़न्‍क्षोक थुक घेवालाक।

१ कोरीन्‍थुपा 11:2

दो़न घीरीला खेक्‍याई ङाला ढेन्‍दी धेनी ङी खेक्‍याला तेरता ॱलापच्‍याक्‍या खेक्‍याई ॱरुङगीनला, ङा खेक्‍याई तो़टा ताङाहीन।

१ कोरीन्‍थुपा 15:14

धेनी मास्‍यीकाला कुसो़न्‍पो श्‍याङ माजे हो़ना, हीकी ताम्‍शाङ स्‍येगीनगो धाङ खेक्‍याई धेपागो दो़न मेगीन झ्‍युङालाक।

२ कोरीन्‍थुपा 2:15

घीझ्‍येरी ॱनाना थारपा थोप्‍ये हीन्‍गीन धाङ मेताला डोये हीन्‍गीनक्‍याई खोक्‍दु, होराङक्‍या को़न्‍क्षोकगी क्षीदु मास्‍यीकागी ढीशाङ च्‍यीक लाक।

२ कोरीन्‍थुपा 6:1

हेक्‍या को़न्‍क्षोकगी लेरोक हीन्‍गीन झ्‍येरी, हेक्‍या खेक्‍याला को़न्‍क्षोकगी थुक्‍जेगो दो़न्‍मेदु मालेन ॱनेरी, श्‍योवा पुलाहीन।

गालातीयापा 3:4

खेक्‍याई देरे दुक्‍पु माङा दो़न मेताला ङ्यावा ले? ॱङोन्‍ने होदे दो़न मेगीन माझ्‍युङ हो़टु।

एफीसुपा 2:8

घीझ्‍येरी ॱनाना को़न्‍क्षोकगी थुक्‍जेने धेपागी थोक्‍ने, खेक्‍याला थारपा थोप हो़तालाक। धेनी दे खेक्‍या राङला तेन्‍ती झ्‍युवामालाक हीना को़न्‍क्षोकगी ॱनाङज्‍यीन लाक।

कोलोसेपा 1:23

होझ्‍येरी खेक्‍याई घोरकीन ताम्‍शाङने थोप्‍था रेवागो ॱमेपाङा, मी़थुने धेपाला तेन्‍पो ॱनेघो़। ताम्‍शाङ दे नाम्‍खे श्‍यीङखामगी होकदु जीक्‍तेनदु हो़गीन, घीरीला स्‍ये हो़तालाक धेनी ङा पाउलु दी श्‍याप्‍तोक्‍पा च्‍यीक हीन।

२ थेसालोनीकेपा 2:15

होझ्‍येरी पी़न्‍दाक्‍याओ, तेन्‍पो झ्‍येरी धो़क धेनी हीकी खाने ॱनेना तामक्‍या याङमेना ढीक्‍टा यीक्‍याने, खेक्‍याला तेरता ॱलापच्‍याक्‍या तेन्‍पो झ्‍येरी ॱरुङ।

२ तीमोथेउ 1:9

खोङबागी होराङला थारपा जेदी धेनी धाम्‍पा झ्‍युङयेला होरी लेगागी मेन्‍दा, खोङबाराङगी थुकोङ धाङ थुक्‍जेगी थोक्‍ने होराङला भो़ जेपालाक। थुक्‍जे दे नी एम्‍मा कावा ॱमाचुक एन्‍लाराङ, मास्‍यीका येशुगी गोने होराङला ॱनावालाक।

ईब्‍रीपा 10:23

होरी खेलेन झ्‍येजा रेवाला तेन्‍पोमा ॱरुङघो़ घीझ्‍येरी ॱनाना धाम्‍चा जेगीन को़न्‍क्षोक नी, ॱलोते छोक्‍पा हो़तालाक।

ईब्‍रीपा 2:1

होझ्‍येरी होरी घी घोरकागोला, ॱयोल्‍ले ल्‍हाक दो़नाङ झ्‍यी घो़गुलाक। देरे मेन्‍ना होरी लाम नोरयेगी ङेन्‍का हो़क।

ईब्‍रीपा 3:14

घीझ्‍येरी ॱनाना होराङगी गोमागी ॱलोतेला, था थुक्‍पे तेन्‍पो झ्‍येरी था ख्‍योला झ्‍यीना, होराङ मास्‍यीकागी लेरोक झ्‍युङालाक।

ईब्‍रीपा 3:6

हीना मास्‍यीका नी, को़न्‍क्षोकगी नाङमी खाला से च्‍योक्‍रे ॱलोते छोक्‍पा हो़तालाक। धा होरी रेवाला होराङ ॱङीङक्षे झ्‍ये धेनी ॱलोते तेन्‍पो श्‍याक्‍ना, होराङ को़न्‍क्षोकगी नाङमी लाक।

ईब्‍रीपा 4:14

होझ्‍येरी नाम्‍खे श्‍यीङखामदु फेया जेगीन, को़न्‍क्षोकगी से येशु होरी चो क्षो़पो़न झ्‍युजा झ्‍येरी, होराङक्‍या राङगी खेलेन झ्‍येजा धेपागोला तेन्‍पोमा ॱरुङघो़।

याकोब 2:14

ङी पी़नक्‍याओ, मी च्‍यीकगी राङला धेपा हो़क ॱनाना, हीना धेपाला थी़न्‍गीन लेगागो मीझ्‍यीना, देला फेन्‍थोक घी हो़तालाक से? खी़ धेपागी खोला क्‍योप थुक्‍कीले?

याकोब 2:17

देरे झ्‍येरी लेगा मीडुप्‍कीन, धेपा नी स्‍यीवा हीन।

याकोब 2:26

ली़ सेमने डाना स्‍यीगीन च्‍योक्‍रे, धेपागोवा लेगाने डाना स्‍यीस्‍या च्‍योक्‍रे लाक।