१ कोरीन्‍थुपा 15:19 - ॱलोवा

¹⁹ धा दे छेगी क्षीदु च्‍यीगा मास्‍यीकाला होरी रेवा झ्‍येहो़ना, होराङ मी श्‍येम्‍मा घीरीने थापक्‍योयोक लाक।

१ कोरीन्‍थुपा 15:19 Iomraidhean Croise

मेथा 24:9

“धेनी मीमाङक्‍याई खेक्‍याला दुक्‍पु ताङयेला ची ग्‍याप्‍कीलाक धेनी सेदु च्‍युक्‍कीलाक धेनी ङी मीङगी क्षीला मीरीक घीरीगी खेक्‍याला दाङा झ्‍यीगीलाक।

लुका 21:34

“हीना खेक्‍या च्‍याङजे झ्‍येरी धो़क। मेन्‍ना खीकी सेम ङ्याम ताङये धाङ शीरी धेये धाङ मीछेगी दुङागी ॱनेम्‍गीलाक। धेनी होदे ङीमागो ॱहाताक्‍पाला, ॱङीपला थेम्‍गीन च्‍योक्‍रे हुङगीलाक।

लुका 8:14

छेम्‍मागी साङला थोरकीनगोक्‍या, काला ङेन्‍येगो ङेन्‍दी हीना मीछेगी दुङा धाङ ग्‍युनोर धाङ दो़पा ॱनाछोकगी खुङक्‍याला ॱनेमालाक धेनी देक्‍याई ढेबु के ॱमीथुक्‍वालाक।

योहान्‍ना 16:2

खुङक्‍याई खेक्‍याला छोक्‍खाङक्‍याने पी़गीलाक। धेनी खेक्‍याला सेगीनक्‍याई देरे लेगा झ्‍येरी, खुङक्‍याई को़न्‍क्षोकला ॱङीङकुर झ्‍यीदाहीन ॱनेरी, साम्‍गीन धी़ स्‍यारकीलाक।

योहान्‍ना 16:33

ङाने खेक्‍याला श्‍यीदे थोप्‍येगी क्षीला, ङी खेक्‍याला देक्‍या स्‍येबी। जीक्‍तेनदु खेक्‍याला दुक्‍पु ङ्याङगीलाक हीना सेम ल्‍हो़ झ्‍यी, ङी जीक्‍तेनला ग्‍याहो़क।”

जेपा 14:22

खुङक्‍याई होदे साजाक्‍याला हो़गीन चोवोगी ङेनेक्‍याला स्‍युक्‍क्षे शो़री, धेपाला धेयेला सेमस्‍युक तेरपालाक। “को़न्‍क्षोकगी ग्‍याखापला ॱलेप्‍ये एन्‍ला, होराङगी ॱमीच्‍यीकी माङा दुक्‍पु शो़पा झ्‍येरी धे घोगीलाक” ॱनागीन लाब ॱलाप्‍पालाक।

१ थेसालोनीकेपा 1:3

होरी याप को़न्‍क्षोकगी डुङदु, खेक्‍याई धेपागी लेगा धाङ झाम्‍पागी काल्‍ले धाङ होरी चोवो येशु मास्‍यीकागी खाला रेवा तेन्‍पोगोला, हेक्‍याई ॱमो़लामला ॱमेक्षेता ढेन्‍दी हो़क।

२ तीमोथेउ 1:12

दी झ्‍येरी ङा हुरे दुक्‍पु ङ्याङाहीन। हीना ङी सी़ खाला धेपा झ्‍यीगीनगो, ङाला स्‍येये झ्‍येरी ङा ङोमेछा। याङ ङाला च्‍योगीनगो होदे ङीमा थुक्‍पे खोङबा राङगी ॱरुङगीलाक ॱनेरी, ङाला दुङा घीया मीदुक।

२ तीमोथेउ 2:4

ॱमाक्‍मी च्‍यीकगी ॱमीक्‍यु राङगी पो़न्‍पोला च्‍यीगा घारु च्‍युक्‍ये हुङालाक, होझ्‍येरी खो ङीन्‍रेगी लेगाक्‍याला ॱमेथेलालाक।

२ तीमोथेउ 3:12

ॱङोन्‍ने झ्‍यीना मास्‍यीका येशुला तेन्‍दी, क्षो़ला थी़न्‍गीन मीछे क्‍याङी दो़गीन घीरीगी दुक्‍पु ङ्याङराङ घो़गीलाक।

१ पेटो 1:21

धेनी खेक्‍या खोङबागी गोनेराङ, को़न्‍क्षोकला धेपा केवालाक। को़न्‍क्षोकगी खोङला छीवाने सो़न्‍पो जेदी, खोङला शीजे जेपालाक। होझ्‍येरी खेक्‍या को़न्‍क्षोकला धेपा झ्‍येरी रेवा झ्‍यीदालाक।

ॱङो़न्‍पा 14:13

धेनी नाम्‍खे श्‍यीङखामने देरे सुङकेक च्‍यीक ङी घोरजुङ, “देरे ढीक। धा देने ॱहाला चोवोला धेपा झ्‍येरी, ढोङगीनक्‍या झ्‍यीलाप क्षे लाक।” धेनी धाम्‍पे थुक्‍ङीगी सुङालाक, “लाक। खुङक्‍या राङगी काल्‍लेने ङासुगीलाक घीझ्‍येरी ॱनाना खुङक्‍याई लेगागी ज्‍यागा खुङक्‍याला ॱनाङगीलाक।”