१ कोरीन्‍थुपा 14:6 - ॱलोवा

⁶ धा पी़नक्‍याओ, खीकीचारु ङा केरीक श्‍येम्‍माला लाब ताङी होरी, धेनी खेक्‍याई खोक्‍दु को़न्‍क्षोकगी कागी साङवागो ॱङो़न्‍ये याङना स्‍येयो़न याङना ॱङो़नस्‍ये याङना ॱलापच्‍या घीया खेरती मेयोङना, ङाने खेक्‍याला घी फेन्‍थोक्‍कीलाक से?

१ कोरीन्‍थुपा 14:6 Iomraidhean Croise

मेथा 11:25

होदे घाङला येशुगी सुवालाक, “के याप, नाम्‍खा धाङ सा ॱङीगी चोवो, खेकी दो़न दे खेपाक्‍या धाङ ॱहाघोगीनक्‍याने ॱयीप जेदी, टुवा च्‍योक्‍रेक्‍याला ॱङो़न्‍दा जेदी, खेराङला ङा तो़पा पुलाहीन।

मेथा 16:17

धेनी येशुगी खोला सुवालाक, “योनागी भु सीमोन, ख्‍यो़ला झ्‍यीलाप थोप्‍पास्‍योक। घीझ्‍येरी ॱनाना मीने मेन्‍दा, नाम्‍खे श्‍यीङखामदु श्‍युक्‍कीन, ङी यापगीराङ ख्‍यो़ला दे तो़न जेपालाक।

मेथा 16:26

मी च्‍यीकला जीक्‍तेन घीरी थोप्‍ती थामेपे सोकगो स्‍योरना, घी फेन थोक्‍कीले? याङ मी च्‍यीकगी राङगी सोकगी छापला घी तेर थुक्‍कीले?

जेपा 2:42

धेनी खुङक्‍या कुछापक्‍याई क्षो़ला ङेन्‍ये धाङ मुला जोम्‍ये धाङ ग्‍याङगा च्‍याक्‍ये धाङ सोवा ग्‍याप्‍ये च्‍योक्‍रे, लेगाक्‍या मुला झ्‍यीदालाक।

रोमापा 15:14

ङी पी़नक्‍याओ, खेक्‍या शाङा धाङ स्‍येयो़नगी खाङखा धाङ च्‍यीकगी च्‍यीकला ॱलोप्‍तो़न झ्‍यी थुप्‍कीन दुक ॱनेरी, ङाला यीच्‍चे तेन्‍पो हो़क।

रोमापा 16:17

पी़नक्‍याओ, खेक्‍याला ॱलाप्‍ला क्षो़गी तावाने श्‍येम्‍मा ॱलाप्‍ती, खेक्‍या घुङदु टुक्‍कीन धाङ काल्‍ले घाक्‍वा शोगीन, मीक्‍याने शाप-शाप झ्‍यी धेनी खुङक्‍याने डारी धो़क ॱनेरी, ङा खेक्‍याला श्‍योवा पुलाहीन।

रोमापा 6:17

हीना ङा को़न्‍क्षोकला काटीन्‍क्षे श्‍युवाहीन घीझ्‍येरी ॱनाना खेक्‍या एम्‍मा थेङ च्‍यीक धीक्‍पागी ढेन्‍योक झ्‍युङहो़ना, धान्‍दा खेक्‍याला ॱलाप्‍ला क्षो़ला, खेक्‍या ॱङीङ तीङने खाला ङेन्‍गीन झ्‍युदुक।

१ कोरीन्‍थुपा 14:1

खेक्‍याई ॱमीक्‍युगो झाम्‍पा हुङघो़ धेनी धाम्‍पे थुक्‍ङीगी ॱनाङज्‍यीनक्‍याई दो़पा क्षे श्‍योक, ॱमीक्‍सेदु ॱङो़न स्‍येयेगी ॱनाङज्‍यीनला दो़पा झ्‍यी।

१ कोरीन्‍थुपा 14:7

ॱलीङबु याङना पीवाङक्‍या च्‍योक्‍रे, ॱरोक मेगीन रोल्‍याङक्‍याई ढागो सावो ॱमेतो़न्‍ना, दाङ घारे तो़न्‍गीनगो घाङगी झ्‍येरी ॱहाघोरये?

२ कोरीन्‍थुपा 11:6

ङा लाब ताङयेला खेवा मेना, ङाला स्‍येयो़न ॱमेछाङगीन मेक। धेनी दे दो़न घीरीला हीकी खेक्‍याला सावो तो़न्‍होक।

२ कोरीन्‍थुपा 12:1

ङी ङोम्‍सो झ्‍यीराङ घोगुलाक। देने ङाला फेन्‍ये घीया मेना, चोवोने थोप्‍था थोङनाङक्‍या धाङ साल्‍तो़नक्‍याई कोरला ङा स्‍येयेहीन।

२ कोरीन्‍थुपा 12:7

ङाला ॱङो़न्‍गीन साल्‍तो़नगो ग्‍याक्षे झ्‍येरी, ङा राङला ॱमीच्‍यीकी क्षे ॱमाचीवास्‍योक ॱनेरी, ङी ली़ला छेम्‍मा च्‍यीक ॱनाङसोङ। धेनी दे नी ङाला दुक्‍पु ताङयेला, धी़ सातानगी भाङछेन च्‍यीक लाक।

एफीसुपा 1:17

धेनी होरी चोवो येशु मास्‍यीकागी को़न्‍क्षोक, शीजेक्षे यापगी राङगी कोरला, खेक्‍याई घीरी ॱहाघोरयेगी क्षीला, सेम्‍ङीगी स्‍येराप धाङ साल्‍तो़न ॱनाङास्‍योक, ॱनेरी ङा ॱमो़लाम श्‍यी़हो़क।

एफीसुपा 3:4

खेक्‍याई दे ॱलोक्‍यी घाङला, मास्‍यीकागी साङवागी कोरला ङी स्‍येयो़न घारे हो़गीनगो, खेक्‍याई ॱहाघोर थुप्‍कीलाक।

फीलीप्‍पीपा 3:15

धा होराङ सेम्‍ङीने ॱनाटो ॱङेङ्याक्‍याई सेम्‍बा च्‍यीक झ्‍युङु। धेनी दो़न रीङगाला खेक्‍याई साम्‍लो श्‍येम्‍मा हो़ना, को़न्‍क्षोकगी होदेगोवाः खेक्‍याला सावो तो़न जेगीलाक।

२ तीमोथेउ 2:14

खुङक्‍याला देक्‍याई ढेन्‍सो़ ॱलोङ। मीला ॱमेफेन्‍गीन हीना ङेन्‍गीनक्‍याला ॱनो़ क्‍यागीन छीकक्‍याई कोरला, चो़लीङ माझ्‍यी ॱनेरी, को़न्‍क्षोकगी डुङदु ॱलापच्‍या तेर।

२ तीमोथेउ 3:10

हीना ख्‍यी़ ङी क्षो़ तो़न्‍गीन धाङ ङी चो़लाम धाङ ङी मीछेगी ॱमीक्‍यु धाङ धेपा धाङ ङी शो़पा धाङ ङी झाम्‍पा धाङ ङा तेन्‍पो हो़गीन,

२ तीमोथेउ 3:16

धाम्‍पे सुङरापला हो़गीन घीरी को़न्‍क्षोकगी थुक्‍ङीने झ्‍युवालाक। धेनी दे ॱलापच्‍या ॱलाप्‍ये धाङ क्‍यो़न तो़न्‍ये धाङ नोन्‍डु शोये धाङ ढाङतेनगी लामला ॱलोप्‍तो़न तो़न्‍येला, फेन थोवालाक।

२ तीमोथेउ 4:2

को़न्‍क्षोकगी का स्‍यो़क, धी़ हीन्‍गीन धाङ मेन्‍गीन ॱङीगाराला डाढीक धो़क। धेनी शो़पा क्षे थोक्‍ने ॱलोप्‍चुङगी थोक्‍ने मीक्‍याला ॱलापच्‍या ग्‍योप, क्‍यो़न तो़न धेनी सेमस्‍युक पोर।

तीतोस 3:8

दे लाब दे धेन्‍पा लाक। धेनी को़न्‍क्षोकला धेपा झ्‍यीगीन मीक्‍या ले शाङा झ्‍यीयेला दो़पा हुङास्‍योक, ॱनेरी दे ॱलापच्‍याक्‍याला, ख्‍यो़ स्‍युक ग्‍याप्‍येला ङी दो़पा हो़क। देक्‍या मीक्‍याला शाङपो धाङ फेन थोक्‍वा दुक।

ईब्‍रीपा 13:9

क्षो़ खेन्‍छा धाङ ढामेढाक्‍याई, खेक्‍याला ॱली़रु ॱमाच्‍युक। घीझ्‍येरी ॱनाना को़न्‍क्षोकगी थुक्‍जेगी गोने, मीगी सेम तेन्‍पो झ्‍युङालाक हीना शाये धाङ थुङयेगी ॱरोक्‍या ॱरुङदी मीझ्‍युङालाक। देरे ॱरो ॱरुङगीनक्‍याला घीयाः, फेन्‍थोक माझ्‍यु हो़तालाक।

२ पेटो 1:5

होझ्‍येरी घी झ्‍यी थुप-थुप खेक्‍याई धेपाला चो़लाम शाङपो धेनी चो़लाम शाङपोला स्‍येयो़न

२ पेटो 3:18

हीना होरी चोवो धाङ क्‍याम्‍गो़न येशु मास्‍यीकागी थुक्‍जे धाङ स्‍येयो़नला छारलुङ झ्‍येरी सोङ। खोङलाराङ धान्‍दा धाङ थामे ङीमा थुक्‍पे, शीजे हुङास्‍योक। आमेन।

२ योहान्‍ना 1:9

मास्‍यीकागी सुङगीन क्षो़ला ॱनेती मेधेता, देने थारी ग्‍युक्‍कीनक्‍यामुला को़न्‍क्षोक मीश्‍युक्‍वालाक। हीना दे क्षो़लाराङ ॱनेती धेगीनक्‍यामुला, याप धाङ से ॱङीगारा श्‍युक्‍वालाक।