4 केरीक श्येम्मा स्येगीनगी राङला यारके ताङालाक हीना ॱङो़न स्येगीनगी क्षो़छोकला यारके ताङालाक।
धेपा झ्यीगीनक्याला दे ताकक्या झ्युङगीलाक। ङी मीङने, खुङक्याई डेक्या तो़न्गीलाक धेनी केरीक श्येम्माक्या ताङगीलाक।
होझ्येरी होराङक्या श्यीदे खेरती हुङगीन धाङ च्यीकगी च्यीकला यारके ताङगीन दो़नक्याला दो़नाङ झ्यीदु।
धेनी श्येम्माक्याला ॱहाङसागीन लेगाक्या झ्यीये धेनी रीङगाला ॱङो़न स्येये धेनी रीङगाला सेम्ङीक्या ॱयेवा चेये धाङ रीङगाला ढामेढा केकक्या ग्याप्ये धाङ रीङगाला, होदे केकक्याई दो़न टोयेगी नी़पाक्या ॱनाङ हो़तालाक।
को़न्क्षोकगी क्षो़छोक नाङला धाङपो कुछापक्या, ॱङीवा ॱङो़नस्येखेनक्या, सुम्बा ॱलोपो़नक्या धेनी ॱहाङसागीन लेगा झ्यीगीनक्या धेनी नेपा सोगीन ॱनाङज्यीन थोप्थाक्या धेनी रोक्राम झ्यीगीनक्या धेनी गोठी झ्यीगीनक्या धेनी केरीक ढामेढा स्येगीनक्या को़ जे हो़तालाक।
ङी मीक्या धाङ नाम्खे भाङछेनक्याई केरीकला लाब ताङनाः, हीना ङी नाङ झाम्पा मेना, ङा ढाकेक ग्याप्कीन ॱङा याङना तीङढा तो़न्गीन रोल्मो च्यीक च्योक्रे लाक।
धेनी ङाला ॱङो़न स्येयेगी ॱनाङज्यीन हो़ना धेनी ङी साङवा घीरी धाङ स्येयो़न घीरी ॱहाघोरना धेनी रीक्या पो़ थुक्येगी धेपा घीरी हो़नाः, हीना ङी नाङ झाम्पा मेना ङा घीया मालाक।
देरेराङ झ्येरी खेक्या धाम्पे थुक्ङीगी ॱनाङज्यीनक्या थोप्येगी क्षीदु दो़पा क्षे झ्युङगीन झ्येरी, खेक्याः क्षो़छोक यारके ताङयेगी ॱनाङज्यीनक्या चायेला ची़न्डी़ झ्यी।
होझ्येरी केरीक श्येम्माक्या धेपा झ्यीगीनक्याई क्षीदु मेन्दा, धेपा मीझ्यीगीनक्याई क्षीदु ताक च्यीक लाक। हीना ॱङो़नस्येगो धेपा मीझ्यीगीनक्याई क्षीदु मेन्दा, धेपा झ्यीगीनक्याई क्षीदु लाक।
पी़नक्याओ, धा ॱहाना घी ॱनाये? खेक्यामुला जोमाराङ, खेक्या रे-रेला घुर ॱलु याङना ॱलापच्या याङना साङवा ॱङो़न्ये याङना केरीक श्येम्मा स्येये याङना दो़न्दाक टोये हो़तालाक। दे घीरी क्षो़छोक यारके ताङयेगी क्षीदु झ्यीघो़।
हीना याङ ॱङो़न स्येगीनक्या मीक्याला यारके ताङये धाङ सेमस्युक तेरये धाङ सेम्सो पारयेला, खुङक्यामुला लाब ताङालाक।
खेक्या घीरी केरीक श्येम्मागी थोक्ने, लाब ताङगीनगो ङा दो़दीहो़क हीना देले ल्हाक ॱङो़न स्येगीनगो दो़दीहो़क। क्षो़छोक यारके ताङयेगी क्षीदु केरीक श्येम्मा स्येगीनगी दो़न सी़या ॱमेटोना, केरीक श्येम्माला स्येगीन ने, ॱङो़न स्येगीनगो खाक्क्षे लाक।